1Jo 3 | TyvTUV | STEP | Адавыстың биске кайы хире ханы ынакшаанын бодап көрүңер даан . Ол биске Ооң ажы-төлү кылдыр аданырын чөпшээрээн-дир! Шынап-даа болза, бис Ооң ажы-төлү-дүр бис! А бо делегейниң улузу Ону хүлээп көрбейн турар болгаш, бисти база хүлээп көрбес-тир .

‏ 1 John 3

1 Адавыстың биске кайы хире ханы ынакшаанын бодап көрүңер даан ^a. Ол биске Ооң ажы-төлү кылдыр аданырын чөпшээрээн-дир! Шынап-даа болза, бис Ооң ажы-төлү-дүр бис! ^b А бо делегейниң улузу Ону хүлээп көрбейн турар болгаш, бисти база хүлээп көрбес-тир ^c.

2 Ханы ынак эш-өөрүм! Бис ам дээрезинде Бурганның ажы-төлү-дүр бис ^d, келир өйде кандыг болу бээривис амдыызында билдинмес-тир. Ындыг-даа болза, Христос ээп кээрге, шупту Аңаа дөмей апаарывысты билир бис ^e, чүге дээрге Ол херек кырында кандыг-дыр, Ону ындыг кылдыр көрүп каар бис ^f. 3 Бодунуң идегелин Христос-биле холбаштырган кижи бүрүзү, Ооң арыы ышкаш, бодун ынчалдыр арыглап алыр ^g.

4 Бачыт кылып турар кижи бүрүзү ыдыктыг хоойлуну хажыдып турар-дыр, чүге дээрге ону хажыдары дээрге-ле бачыт-тыр. 5 Христос улустуң бачыдын чайладып аппаар дээш келгенин ^h, Ооң Бодунда бачыт чогун билир силер ⁱ. 6 Ооң-биле харылзаалыг апарган кижи бүрүзү бачыт кылбастай бээр. Бачыт кылырын уламчылап чоруур улустуң аразындан кым-даа Ону көрбээн база билип албаан ^j.

7 Ажы-төлүм, силер кымга-даа дуурайлатпаңар ^k. Чөптүг-шынныг чорук кылып чоруур кижи, Христостуң чөптүү дег, чөптүг болур. 8 Бачыт кылырын уламчылап чоруур кижи эрликке хамааржыр ^l, чүге дээрге эрлик эң эгезинден-не бачыт үүлгедип келген. А Бурганның Оглу эрликтиң ажыл-херээн дазылындан тура тыртар дээш чедип келген ^m. 9 Бурганның ажы-төлү болу берген улустуң кайызы-даа бачыт кылырын уламчылавас ⁿ, чүге дээрге Бурганның Үрезини ^{▼▼ Бурганның Үрезини – Бурганның Сүлдези, медээзи азы бүдүжү дээн уткалыг бооп чадавас.} ол кижиге артып каар база Бурган ооң Адазы апарган ужурунда, ол оон ыңай бачыт кылып шыдавастай бээр. 10 Кым – Бурганның ажы-төлү, а кым – эрликтиң ажы-төлү боорун мынчаар билип ап болур: чөптүг-шынныг чорук кылбас болгаш бодунуң ха-дуңмазынга ынак эвес кижи Бурганга хамаарышпас ^p.

Бот-боттарыңарга ынак болуңар

11 Бот-боттарывыска ынак болур ужурлуг бис деп медээни эң эгезинден-не дыңнап келдиңер ^q. 12 Эрликке хамааржы бергеш ^r, бодунуң дуңмазын өлүрүп каан Каинге дөмейлешпес ужурлуг бис. Ол чүге дуңмазын соп алганыл? Чүге дээрге ооң ажыл-үүлези бузуттуг, а дуңмазының ажыл-үүлези чөптүг-шынныг болган-дыр ^s. 13 Бо делегей силерни көөр хөңнү чок болза, элдепсинмейн көрүңер, ха-дуңма ^t. 14 Өлүмден амыдыралче шилчээнивисти билир бис ^u, чүге дээрге ха-дуңмавыска ынак-тыр бис. Кым ынак эвезил, ол өлүг бооп артар. 15 Бодунуң ха-дуңмазын көөр хөңнү чок кижи бүрүзү – өлүрүкчү-дүр, а кандыг-даа өлүрүкчү мөңге амыдыралдыг болбас дээрзин билир-ле болгай силер ^v.

16 Христос Бодунуң амы-тынын бис дээш берген, бис ынакшыл деп чогум чүл ол дээрзин оон билир апарган бис. Ынчангаш бис база боттарывыстың амы-тынывысты ха-дуңмавыс дээш бээр ужурлуг бис ^w. 17 Бир эвес бо делегейге бай-шыдалдыг чурттап-даа чорааш, эжи түрегдеп чоруурун көргеш ^x, ону кээргеп, дузалавас кижи бар болза, ындыг кижиде Бурганның ынакшылы бар деп канчап чугаалап шыдаар бис?! 18 Ажы-төлүм! Бистиң ынакшылывыс чүгле сөс, чугаа кырында эвес, а херек кырында бар, ёзулуг ынакшыл болур ужурлуг ^y.

Бурганның мурнунга бүзүрелдиг боору

19 – 20 Ооң ачызы-биле алыс шындан төрүттүнгенивис билдине бээр база арын-нүүрүвүс бисти буруудадып-даа турар болза, Бурганның мурнунга дөмей-ле сорук кирип шыдаар бис, чүге дээрге Бурган бистиң арын-нүүрүвүстен артык улуг база Ол бүгү чүүлдү билир. 21 Ханы ынак эш-өөрүм, сеткиливис бисти буруудатпайн турар болза, Бурганче коргуш чок чоокшулап шыдаар бис ^z. 22 Бургандан дилээн чүвевисти дөгерезин ап турар-дыр бис ^aa, чүге дээрге Ооң чагыгларын сагып, Аңаа таарымчалыг херектерни кылып чоруур-дур бис. 23 Бурганның биске чагыы бо-дур: Ооң Оглу Иисус Христостуң адынга бүзүрээр ^ab база, Иисустуң биске чагааны дег, бот-боттарывыска ынак болур ужурлуг бис. 24 Бурганның чагыгларын сагып чоруур кижи Ооң-биле тудуш харылзаалыг амыдыраар база Бурган ол кижи-биле харылзаа тудар ^ac. Бурган-биле харылзаалыг болганывысты Ооң биске хайырлааны Сүлдениң ачызында билип ап шыдаар бис ^ad.