1Jo 5 | TyvTUV | STEP | Иисусту Христос-тур деп бүзүрээр кижи бүрүзү Бурганның ажы-төлү болур . Адазынга ынак кижи бүрүзү Ооң ажы-төлүнге база ынак болур.

‏ 1 John 5

Бо амыдыралдың күткүлгелерин тиилээри

1 Иисусту Христос-тур деп бүзүрээр кижи бүрүзү Бурганның ажы-төлү болур ^a. Адазынга ынак кижи бүрүзү Ооң ажы-төлүнге ^{▼▼ Азы: «Ооң Оглунга».} база ынак болур. 2 Бурганга ынак база Ооң чагыгларын сагып чоруур болзувусса, Бурганның ажы-төлүнге ынаавысты оон билип алыр бис ^c. 3 Бурганга ынаавысты Ооң чагыгларын күүсеткенивис-биле көргүзер бис ^d, а Ооң чагыгларын күүседири берге эвес ^e. 4 Чүге дээрге Бурганның ажы-төлү болур кижи бүрүзү бо делегейни тиилээр ^f, а ол тиилелге бистиң бүзүреливис ачызында чедип алдынар ^g. 5 Ынчангаш Иисус – Бурганның Оглу деп ^h бүзүрээн кижиден өске, кым бо делегейни чаалап алырыл?

Бурганның Оглунуң дугайында херечилел

6 Кым бисче суглуг база ханныг ^{▼▼ Суглуг база ханныг – Бо сөстер-биле Иисустуң сугга суктурганын база хере шаптыртканын көргүскен бооп чадавас (Мф. 3:16; Ин. 19:34 көр).} келген ийик? Иисус Христос-ла болгай. Ол бисче чүгле суглуг эвес, а суглуг база ханныг келген. Ооң херечизи – Сүлде-дир ^j, чүге дээрге Сүлде алыс шынныг болур. 7 Ындыг-дыр деп херечилээн үш херечи бар ^{▼▼ Эң сөөлзүредир бижээн каш санныг сөзүглелдерде бар «Ада, Сөс болгаш Ыдыктыг Сүлде олар-дыр. Оларның алыс бүдүжү чаңгыс» деп сөстер эң бүзүрелдиг грек сөзүглелдерде таварышпайн турар.}: 8 Сүлде, суг база хан ол-дур. Олар шупту чаңгыс-ла ол чүүлдү херечилеп турар. 9 Бир-тээ бис улустуң херечилээнин хүлээп алыр болганывыста, Бурганның херечилелин оон оранчок чугула кылдыр хүлээп көөр ужурлуг бис. А Бурганның херечилээни мындыг: Ол Бодунуң Оглунуң дугайында херечилээн-дир ^l. 10 Бурганның Оглунга бүзүрээр кижи ол херечилелди бодунуң сеткилинге шыгжап чоруур. А Бурганның чугаалаан чүвезинге бүзүревес кижи Ону мегечи кылдыр көргүзер ^m, чүге дээрге ол Бурганның Бодунуң Оглунуң дугайында херечилелинге бүзүревес-тир ⁿ. 11 А ол херечилел мындыг: Бурган биске мөңге амыдыралды хайырлаан, ол амыдырал Ооң Оглунда бар ^o. 12 Кым Оглу-биле харылзаалыгыл, ол кижиде амыдырал бар, а кымда Бурганның Оглу-биле харылзаа чогул, ол кижиде амыдырал чок.

Биске мөңге амыдыралды хайырлаан

13 Бурганның Оглунуң адынга бүзүрээш, шуптуңар мөңге амыдыралдыг бооруңарны билип алзыннар дээш, мен бо бүгүнүң дугайында силерге бижидим ^p. 14 Ооң күзел-соруунга чүүлдештир кандыг-бир чүүлдү Оон мөргүп дилээр болзувусса ^q, Ол бисти дыңнаар деп, Бурганга ыяк бүзүрээр бис. 15 Оон чүнү-даа дилээр болзувусса, Ол бисти дыңнаар деп билир болганывыста, Оон чүнү-даа дилезивиссе, ол чүүлдү алырывысты база билир-дир бис.

16 Кандыг-бир кижи өлүмге чогум чедирбес бачыт үүлгедип турар эжин көрүп кагза, ол эжи дээш мөргүүр ужурлуг, Бурган ынчан демги эжинге амыдыралды хайырлаар. Мен өлүмге чогум чедирбес бачыт-биле холбашкан улус дугайында чугаалап тур мен. Өлүмге чедире бээр бачыт база бар болгай. Ындыг бачытка борашканнар дээш мөргүңер дивейн тур мен ^r. 17 Бурганга шынчы эвес үүлгедиг бүрүзү-ле бачыт болур, ынчалза-даа дорт-ла өлүмге чедирбес бачыт база бар. 18 Бурганның ажы-төлү апарган кижи бачыт үүлгедирин уламчылавас дээрзин билир бис ^s. Чүге дээрге Бурганның Оглу ону кадагалаар ^{▼▼ Азы: «Бургандан төрүттүнген кижи бодун кадагалаар».} база эрлик аңаа хора чедирип шыдавас. 19 Бүгү делегей эрликтиң чагыргазының адаанда-даа турар болза ^u, Бурганның ажы-төлү болурувусту билир бис. 20 Ол ышкаш Бурганның Оглунуң келгенин база алыс шын Бурганны билип алзыннар дээш, биске угаап билиишкинни эккелгенин билир бис. Ынчангаш бис алыс шын Бурган-биле сырый харылзаалыг амыдыраар бис, чүге дээрге Ооң Оглу Иисус Христос-биле харылзаалыг-дыр бис. Ол дээрге алыс шын Бурган-дыр ^v, Ол дээрге мөңге амыдырал-дыр.

21 Ажы-төлүм, дүрзү-бурганнарга мөгейбейн ^w, оюп чоруңар ^{▼▼ Өске бурунгу сөзүглелдерде бо сөстерге «Аминь» деп сөстү немээн.}.