1Ki 2:28-34 | TyvTUV | STEP | Иоавка ол медээлер чеде бээрге (а Иоав Авессаломну деткивээн-даа болза , Адонияны деткээн турган), ол Дээрги-Чаяакчының ыдыктыг майгынынче дезип кире халааш, өргүл салыр бедигээштиң азыгларындан туттунуп алган .

‏ 1 Kings 2:28-34

28 Иоавка ол медээлер чеде бээрге (а Иоав Авессаломну деткивээн-даа болза ^a, Адонияны деткээн ^{▼▼ Өске бурунгу сөзүглелде «А Иоав Соломонну эвес, а Адонияны деткээн» деп бижээн.} турган), ол Дээрги-Чаяакчының ыдыктыг майгынынче дезип кире халааш, өргүл салыр бедигээштиң азыгларындан туттунуп алган ^c. 29 Соломон хаанга Иоавтың Дээрги-Чаяакчының майгынынче дезип кире халааш, өргүл бедигээжиниң азыгларындан туттунуп алганын дыңнадыптарга, Соломон Иодайның оглу Ванеяны ыдып, аңаа: «Ону барып өлүрүп каг!» – деп дужааган.

30 Ванея Дээрги-Чаяакчының ыдыктыг майгынынга чеде бергеш, Иоавка: «Хаан: „Үн!“– деп дужаап тур» – дээн.

А демгизи: «Чок! Мен маңаа өлүр кижи мен» – дээн.

Ванея хаанга Иоавтың харыызын дыңнаткан.

31 Хаан ынчан Ванеяга дужаал берген: «Ооң чугаалаанын ёзугаар кыл ^d. Ону өлүргеш, хөөржүдүп каг. Иоавтың актыг улусту өлүргени дээш бурууну менден база мээң ачамның үре-салгалындан ынчалдыр адырып каг ^e. 32 Дээрги-Чаяакчы Иоавка төккен ханы дээш кеземче онаар, чүге дээрге ол мээң ачам Давидтиң чөпшээрели чокка ийи буруу чок кижиже халдап, оларны хылыш-биле шанчып өлүрүп каан. Ол ийи кижи – Нирниң оглу, Израильдиң шериг баштыңы Авенир биле Иетерниң оглу, Иудеяның шериг баштыңы Амессай ^f – Иоавтан төлептиг улус турган. 33 Оларның төгүлген ханы дээш буруу Иоавка база ооң салгалынга кезээ мөңгеде артсын. А Давидке, ооң дүжүлгезинге, өг-бүлезинге болгаш үре-салгалынга Дээрги-Чаяакчы амыр-тайбыңдан кезээ мөңгеде хайырлазын».

34 Иодайның оглу Ванея Иоавты барып өлүрүп каан. Иоавты ховуга, бодунуң бажыңының чанынга хөөржүткен.