1 Kings 15
Авиям – Иудеяның хааны
(2 Чыл. 13:1—14:1)
1Наваттың оглу Иеровоамның хааннаашкынының он сески чылында Авиям ▼▼ Авиям – бо хаанның «Мээң адам – Далай» дээн уткалыг адын Чылдар демдеглелиниң ийиги номунда «Мээң адам – Дээрги-Чаяакчы» дээн уткалыг Авия деп бижип турар (2 Чыл. 13:1 көр).
Иудеяның хааны апарган. 2Ол Иерусалимге үш чыл хааннаан. Ооң авазы Авессаломдан укталган Мааха турган. 3Авиям ачазының ооң мурнунда үүлгедип турган бүгү бачыттарын өттүнүп үүлгедип турган, ооң чүрээ, өгбези Давидтиң чүрээ дег, Бурганы Дээрги-Чаяакчыга бүрүнү-биле бердинмээн болган b. 4Ындыг-даа болза, Давидтиң Бурганы Дээрги-Чаяакчы Давидти бодааш, Иерусалимге аңаа чырыткыны берген c – ооң салгакчызын өрү көдүрүп, Иерусалимни быжыглап каан. 5Чүге дээрге Давид Дээрги-Чаяакчыга таарымчалыг чүүлдү кылып, хет Урия-биле болган чүүлдү санавас болза d, назынының дургузунда Ооң аңаа дужааган бүгү чүвезинден өскээр барып көрбээн. 6Авиямның назынының дургузунда Ровоам биле Иеровоам хааннарның аразынга эгелээн дайын уламчылап келген. 7Авиямның өске ажыл-херектери, ооң кылган бүгү чүвези Иудеяның хааннарының чылдар бижилгезинде тодараттынып бижиттинген. Ооң биле Иеровоамның аразынга дайын чоруп турган. 8Авиям өгбелериниң соондан өске оранче чоруй баарга, ону Давидтиң Хоорайынга ажаап каан. Ооң оглу Аса ачазының орнунга хаан апарган. Аса – Иудеяның хааны
(2 Чыл. 14:2-5; 15:16—16:14)
9Израильдиң хааны Иеровоамның чагыргазының чээрбиги чылында Аса Иудеяның хааны апарган. 10Ол Иерусалимге дөртен бир чыл хааннаан. Ооң кырган-авазы ▼▼ Азы: «Ооң авазы». Өске бурунгу сөзүглелде «Мааха» эвес, «Ана» деп атты бижээн.
Авессаломдан укталган Мааха турган. 11Аса, өгбези Давид ышкаш, Дээрги-Чаяакчының мурнунга таарымчалыг чүүлдерни кылып турган. 12Ол дүрзү-бурганнар өргээлеринге самыын-садар кижилерни чурттан үндүр сывырып f, ада-өгбезиниң кылып кааны бүгү дүрзү-бурганнарны чайладып каапкан. 13Ол бодунуң кырган-авазы Мааханың кадын адын безин Ашера бурганга тураскааткан чүдек-бужар адагаш тургузуп алганы дээш казып каапкан. Аса ооң ол адагажын одуруп каапкаш, Кедрон шынаазынга өрттедипкен g. 14Мөгейиишкин кылыр бедик черлерни Аса узуткаваан-даа болза, ооң чүрээ бүгү назынында Дээрги-Чаяакчыга бүрүнү-биле бердинген турган. 15Ол Дээрги-Чаяакчының өргээзинче ачазының база бодунуң Аңаа бараалгаткан белектерин: алдын-мөңгүннү, эдилелдер, саваларны эккелген h. 16Аса биле Израильдиң хааны Ваасаның аразынга оларның хааннап келген бүгү үезинде дайын чоруп келген. 17Израильдиң хааны Вааса Иудеяга удур тулчуп үнгеш, иудей хаан Асаның черинден кымның-даа үнерин база ынаар кымның-даа кирерин болдурбас дээш, Рама хоорайны быжыглап эгелээн. 18Аса ынчан Дээрги-Чаяакчының өргээзиниң база хаанның ордузунуң эртине шыгжамырларында артып калган бүгү алдын-мөңгүннү ап алгаш i, чалчаларынга хүлээдип бергеш, оларны Хезионнуң оглунуң оглу, Тавримоннуң оглу, Дамаскыда дүжүлгеде саадаан арамей хаан Венададче чорудуп j, сөс ыткан: 19«Бистиң адаларывыстың аразынга дег, бис ийиниң аравыска база эвилел турзун. Көр даан, мен сеңээ белек кылдыр алдын-мөңгүн чорудуп бердим. Израильдиң хааны Вааса мээң черимден ырап чоруй баар кылдыр, барып, ооң-биле эвилелиңни күш чок болдуруп көрем». 20Венадад Аса хаанның саналы-биле чөпшээрешкеш, бодунуң шериг баштыңнарын Израильдиң хоорайларынга удур чорудупкан. Олар Ийон, Дан болгаш Авел-Бет-Мааха хоорайларны, Киннереттиң бүгү девискээрин база Неффалимниң бүгү черин хоозурадып каапкан. 21Вааса ол дугайында дыңнап кааш, Раманы быжыглап тударын соксаткаш, Тирца хоорайже k ээп келген. 22А Аса хаан бүгү иудейлерни, чаңгыс-даа кижи уттуп кагбайн чыыптарга, олар Рамадан Ваасаның аңаа тудуг кылып турган ыяш-дажын алгаш барганнар. Аса ол ыяш-даш-биле Вениаминниң черинде турар Гива хоорайны болгаш Мицпа хоорайны быжыглап алган. 23Асаның бүгү өске ажыл-херектери, ооң бүгү өндүр улуг чоруктары, кылган бүгү чүвези болгаш тудуп каан хоорайлары Иудеяның хааннарының чылдар бижилгезинде тодараттынып бижиттинген. Чүгле кырый бээрге, ооң буттары аарып турган. 24Аса өгбелериниң соондан өске оранче чоруй баарга, ону оларның чанынга, өгбези Давидтиң Хоорайында ажаап каан. Ооң оглу Иосафат l ачазының орнунга хаан апарган. Надав – Израильдиң хааны
25Иеровоамның оглу Надав m Иудеяның хааны Асаның чагыргазының ийиги чылында Израильдиң хааны апаргаш, ону ийи чыл чагырган. 26Ол Дээрги-Чаяакчының мурнунга бузут үүлгедип, ачазының оруктарын эдерип, ооң Израиль үүлгетсин дээш, элзедип киирип каан бачыдын база өттүнүп кылып турган. 27Иссахарның аймаандан үнген Ахияның оглу Вааса деп кижи Надавка удур сүлчээ кылгаш, ону Гивветон деп филистим хоорайга n, кажан Надав база бүгү израильчилер ол хоорайны бүзээлеп турда, өлүрүп каан. 28Иудеяның хааны Асаның чагыргазының үшкү чылында Вааса Надавты чок кылып кааш, ооң орнунга хаан апарган. 29Чаа-ла чагырып эгелээш, Вааса Иеровоамның бүгү ук-салгалын кыра шаап каапкан. Ол Иеровоамның үре-салгалындан кымны-даа дириг арттырбайн, Бодунуң чалчазы, Силом чурттуг Ахияны дамчыштыр Дээрги-Чаяакчының чугаалаан сөзүн ёзугаар o, шуптузун узуткап каапкан. 30Ол бүгү узуткаашкын Иеровоамның бодунуң үүлгеткен бачыттары дээш, ооң Израиль үүлгетсин дээш элзедип киирип каан бачыттары дээш база ооң Израильдиң Бурганы Дээрги-Чаяакчыны килеңнеткени дээш болган. 31Надавтың өске ажыл-херектери, ооң кылган бүгү чүвези Израильдиң хааннарының чылдар бижилгезинде тодараттынып бижиттинген. 32Аса биле Израильдиң хааны Ваасаның аразынга оларның хааннап турган бүгү үезинде дайын чоруп келген.Вааса – Израильдиң хааны
33Иудеяның хааны Асаның чагыргазының үшкү чылында Ахияның оглу Вааса Тирца хоорайга бүгү Израильдиң хааны апаргаш, чээрби дөрт чыл чагырган. 34Ол Дээрги-Чаяакчының мурнунга бузут үүлгедип, Иеровоамның оруктарын эдерип, ооң Израиль үүлгетсин дээш, элзедип киирип каан бачыдын база өттүнүп кылып турган.
Copyright information for
TyvTUV