1 Samuel 1
Аннаның мөргээни болгаш Самуилдиң төрүттүнгени
1Эфрем дагларында Цуфтуң төрел бөлүүнге хамааржыр Раматаим хоорайга Элкана деп кижи чурттап чораан. (Элкананың адазы – Иерохам, Иерохамның адазы – Элиуй, Элиуйнуң адазы – Тоху, Тохунуң адазы – Цуф турган чүве-дир.) Элкана эфрат кижи турган ▼▼ Эфрат кижи – Элкана азы Эфремниң аймаанга азы Вифлеемде чурттаан эфрат төрел бөлүкке хамааржыр турганын бо сөс илередип турар.
. 2Ол ийи кадайлыг турган: бирээзиниң ады Анна, өскезиниң – Феннана. Феннанада уруг-дарыг бар, а Аннаның ажы-төлү чок чүве-дир. 3Чылдың-на Элкана бодунуң чурттап турган хоорайындан Силом хоорайже барып, Аг-шериглиг Дээрги-Чаяакчыга мөгейип, Аңаа өргүл салып турган чүве-дир b. (Силомда Дээрги-Чаяакчының бараалгакчылары – Илийниң ийи оглу Офни биле Финеес чурттап турган.) 4Элкана өргүл кылып келген үезинде, кадайы Феннанага болгаш ооң бүгү оглу-кызынга өргүлге салган эъттен үлүг бээр турган c. 5А Аннага ийи дакпыр үлүгнү ▼▼ «Ийи дакпыр үлүг» – еврей дылда бо сөстүң утказы эки билдинмес. Ооң болгу дег өске утказы мындыг: «Онзагай үлүг».
берип турган, чүге дээрге Дээрги-Чаяакчы ону ажы-төлдүг болурундан кызагдаан-даа болза, Анна ашааның ынак кадайы турган. 6Феннана Анна-биле адааннажып, «Дээрги-Чаяакчы сени ажы-төлдүг болуруңдан кызагдаан» деп чугаазы-биле дыка-ла хомудадып турган. 7Дээрги-Чаяакчының өргээзинге баарга, чылдың-на ындыг турган: Феннана ону хомудадыр, а Анна ыглап-сыктаар, аъш-чем-даа чивестээр. 8Ындыг өйде ашаа Элкана аңаа: «Анна, чүге аъш-чем чивейн, ыглап-сыктап тур сен? Чүге сеткилиң хомудап ыглап тур сен? Мен сээң он-даа оглуңдан дээре эвес-тир мен бе? e» – дээр турган. 9Бир катап Силомга өг-бүлези дойлаан соонда f, Анна туруп келген. Ол өйде Бурганның бараалгакчызы Илий Дээрги-Чаяакчының өргээзинче кирер эжик аксында турар сандайга олурган чүве-дир. 10Анна ынчан муңчулуп-муңгарааш, Дээрги-Чаяакчыга мөргүп, ыглап-сыктап турган. 11Ол Аңаа тейлеп: «Аг-шериглиг Дээрги-Чаяакчы! Бир эвес Сен чаржынчыг чалчаң менче ээ көрнүп кээр болзуңза, мени утпайн, меңээ эр хиндиктиг төлден хайырлаар болзуңза, ону мен Дээрги-Чаяакчыга бүгү назынында бериптер мен, ооң бажының дүгүнге бистиг чүве дегбес ▼▼ Бурганга бараалгаан улус (назорейлер) бажының дүгүн таарывас ужурлуг турган (Сан. 6:5; Башт. 13:5 көр).
» – деп даңгырак берген h. 12Анна Дээрги-Чаяакчыга үр мөргүп-чаннып келгениниң дургузунда Илий ооң аксынче көрүп турган. 13Анна чүрээнде мөргүп турда, ооң үнү дыңналбайн, чүгле аксы шимчеп турган, ынчангаш Илий ону эзирик кижи деп бодаан чүве-дир. 14Илий аңаа: «Чежеге дээр эзирип кээр сен? Сергеп ал» – дээн. 15Анна мынча деп харыылаан: «Чок, дээргим! Мен дээрге сеткил-сагыжымда кажыыдалдыг херээжен кижи-дир мен. Арага-даа, өске эзиртир суксун-даа ишпээн мен. Харын Дээрги-Чаяакчыга сеткил-сагыжымны тө каап берип тур мен. 16Чалчаңар мени үен-даян кижи деп бодаваңар. Мен чүгле ханы хомудалымдан болгаш муңгаралымдан ындыг үр мөргүп турдум». 17Илий Аннага: «Амыр-тайбың чорувут. Израильдиң Бурганы сээң дилээңни хандырзын» – дээн. 18Анна: «Чалчаңар менче ээ көрнүрүңерни моон-даа соңгаар дилеп тур мен! i» – дээш, бодунуң оруу-биле чорупкан. Оон ол чазыга бергеш, аштанып-чемненип алган. 19Эртенинде тургаш, Дээрги-Чаяакчыга мөгейип кааш, Рамада ▼▼ Рама – Раматаим хоорайның кызырган ады.
бажыңынче ээп чанып келгеннер. Дээрги-Чаяакчы Аннаны утпаан. Элкана кадайы Анна-биле кады удуп, холбашкан соонда, 20үези кээрге, Анна саатталы бергеш, оол уруг божуп алган. «Ону Дээрги-Чаяакчыдан дилеп алган мен» дээш, оглун Самуил деп адап алган ▼▼ Самуил дээрге еврей дылда «дилээр» деп сөске-даа, «Бурган дыңнаан» деп сөстерге-даа дөмейлешкек ат.
. 21Элкана өг-бүлези-биле кады Дээрги-Чаяакчыга ол чылдың өргүлүн кылыр дээш база даңгыраан күүседир дээш чорупкан. 22Анна олар-биле кады чорбайн, ашаанга мынча дээн: «Оглум эмигден үнерге, ону Дээрги-Чаяакчының мурнунга эккелгеш, Аңаа хүлээдип бээр мен. Ынчан оглум аңаа кезээ мөңгеде артып каар». 23Ашаа Элкана аңаа: «Сээңии-биле болзун, оглуң эмигден үнгүже, бажыңга артып кал. Дээрги-Чаяакчы Бодунуң сөзүн боттандырар болзун» ▼▼ Өске бурунгу сөзүглелде «Ынчалза-даа Дээрги-Чаяакчы сээң сөзүң бүдеринге дузалаар болзун» деп бижээн.
– дээн. Анна оглун өскүжеге чедир эмзирер дээш артып калган. 24Оглу эмигден үнген соонда, Анна үш харлыг бугажык ▼▼ Азы: «Үш бугажык».
, бир эфа далган, бир көгээржик арага ап алгаш, Силомда Дээрги-Чаяакчының өргээзинге оглун эккелген. Оглу ынчан ам-даа чаш турган. 25Элкана биле Анна бугажыкты өргүл кылдыр салгаш, бичии оолду Илийге эккелген. 26Анна: «Дээргим! Адыңар-биле даңгыраглап тур мен: шагда-ла, силер көрүп туруңарда, маңаа туруп алгаш, Дээрги-Чаяакчыга мөргүп турган херээжен мен-дир мен ийин, дээргим. 27Бо төлүмнү дээш мөргүп дилеп турган мен. Дээрги-Чаяакчы мээң дилээмни хандырып бергени ол-дур. 28Ам мен ону Дээрги-Чаяакчыга тураскаадырым ол-дур. Дээрги-Чаяакчыга ол бүгү назынында бараан болзун» – дээн. Ынчан олар аңаа Дээрги-Чаяакчыга мөгейип каан.
Copyright information for
TyvTUV