1 Samuel 11
Саулдуң аммон чонну тиилээни
1Ооң соонда аммон хаан Наас чедип келгеш, Галаадта Иавис хоорайны a бүзээлеп алган. Иавистиң бүгү чурттакчылары Нааска: «Бистиң-биле керээден чарып ал, ынчан бис сеңээ бараан болур бис» – дээннер. 2Аммон хаан Наас оларга: «Мен силер-биле керээни чарып алыр мен. Ынчалза-даа бүгү Израильдиң ат-алдарын баксырадыр дээш, силерниң кижи бүрүзүнүң оң талакы караан деже идип каар мен b» – дээн. 3Иавистиң баштыңнары аңаа: «Израильдиң ужу-кыдыгларынче элчилер чорудар кылдыр биске чеди хонук хуусаадан бер. Бир эвес кым-даа бисти камгалавас болза, бис сенче үнүп кээр бис» – дишкеннер. 4Элчилер Саулдуң хоорайы Гивага чедип келгеш, ол медээни чонга дыңналдыр тарадыпкан. Ынчан бүгү чон алгы-кышкы үндүрүп, ыглап-сыктап эгелээн c. 5Саул ол өйде ховудан бода малдың соондан чедип келгеш: «Бо чоннуң чүзү канчап барганы ол, чүге ыглажып турары ол?» – деп айтырган. Саулга Иавистиң чурттакчыларының сөстерин дамчытканнар. 6Ынчан Бурганның Сүлдези Саулду бүргеп аарга d, ол аажок килеңнеп хорадаан. 7Ол ийи инектиң мөчүлерин үзе-чаза шапкаш, Израильдиң аңгы-аңгы чүктеринче демги-ле элчилерни дамчыштыр тарадыпкан e. Ол: «Саул биле Самуилди эдербээн кижилерниң мал-маганын мындыг үүле манап турар» – деп чар тарадыпкан. Бүгү чон Дээрги-Чаяакчыдан корга бергеш, чаңгыс кижи дег демниг үнүп келген f. 8Саул оларны Везекке хынап көөрге g, Израильдиң шерии 300 000, Иуданың аймааның шерии 30 000 кижи болган h. 9Келген элчилерге олар мынча дээн: «Галаадта Иавистиң чурттакчыларынга „Даарта дал дүъш турда, силерни камгалап чедип кээр бис“деп барып чугаалаңар». Элчилер Иавистиң чурттакчыларынга ону чугаалаарга, олар дыка өөрээннер. 10Ынчан Иавистиң чурттакчылары Нааска: «Даарта бис силерже үнүп кээр бис. Канчалдыр күзээр силер, бисти ынчалдыр аажылаар силер» – деп чугаалааннар. 11Дараазында хүн Саул шериин үш бөлүкке үзүп алган i. Даң бажында аммоннарның турлааның ортузунче шургуп киргеш, хүндүскү изиг дүшпээнде, оларны чылча шаап каапканнар. Арткан аммоннар тоо быдарадыр дезе бергеннер. 12Ынчан чон Самуилге мынча деп чугаалаан: «„Саул бисти хааннап шыдаар деп бе?“деп турган улус кымнар ийик? Оларны бээр эккелиңер, бис өлүрүп каар бис». 13Ынчалза-даа Саул: «Бөгүн кымны-даа өлүрбес ужурлуг бис. Чүге дээрге бөгүн Дээрги-Чаяакчы Израильди камгалаан-дыр» – дээн. 14Самуил чонга: «Галгалче бараалыңар j, аңаа баргаш, Саулду база катап хаан кылдыр чарлап бадыткаалыңар» – дээн. 15Бүгү чон Галгалче чорупкаш, Саулду Дээрги-Чаяакчының мурнундан Израильдиң хааны кылдыр катап бадыткап кааш, Дээрги-Чаяакчыга эп-найырал өргүлдерин кылган. Саул база бүгү израильчилер аңаа аажок хөглээн чүве-дир.
Copyright information for
TyvTUV