1 Samuel 10
Самуилдиң Саулду хаан болур кылдыр чаап кааны
1Самуил олива үзү кудуп каан көгээржикти алгаш, үстү Саулдуң бажынче кудупкаш a, ону ошкап кааш, мынча дээн: «Бо-дур, Дээрги-Чаяакчы сени шилип алгаш, Бодунуң ээлээн чериниң чагырыкчызы кылып кааны ол-дур. 2Менден чоруткаш, Вениаминниң чериниң кызыгаары Целцахта Рахилдиң хөөрүнүң чанынга чоруңда b, сеңээ ийи кижи таваржып кээр. Олар сеңээ: „Дилеп чорааның элчигеннер тыптып келген. Ачаң элчигеннерин-даа уттупкаш, силер дээш сагыш човап, ‘Оглумну канчап тып аайн?’ деп туруп берген“– дээрлер. 3Оон улаштыр чорупкаш, Фавор деп дуб ыяштыг черге чедип кээр сен. Аңаа Вефилде Бурганга мөгеер дээш бар чыдар үш кижиге ужуражы бээр сен: бирээзи үш анай тудуп алган, өскези үш хлеб тудуп алган, а үшкүзү арагалыг көгээржик тудуп алган болур. 4Олар сээң-биле мендилешкеш, сеңээ ийи хлеб бээрлер. Ону оларның холундан ап алыр сен. 5Ооң соонда сен Гива-Элохимче үнүп кээр сен ▼▼ Гива-Элохим – Бо аттың болгу дег өске утказы мындыг: «Бурганның тейи».
. Ында филистимнерниң доскуул шериглери турар. Хоорайже кирип келгеш, бедик черден бадып орар Бурганның медээчилериниң бөлүүнге таваржы бээр сен. Олар шупту Дээрги-Чаяакчыны алгап, өттүр көрүп медеглеп турарлар. А оларның мурнунда хылдыг болгаш үрер хөгжүм ойнаан, дамбыралар соктаан хөгжүмчүлер чоруп орар. 6Сени Дээрги-Чаяакчының Сүлдези бүргеп алыр. Ынчан сен олар-биле деңге өттүр көрүп медеглеп эгелээр сен. Көңгүс өске кижи апаар сен. 7Кажан ол кайгамчык чүүлдер сээң-биле бүде бээрге, байдалды көрүп тургаш, хөделип эгеле, чүге дээрге Бурган сээң-биле болур. 8Сен Галгалче мени мурнай чорувут. Аңаа мен база бүрүн өрттедир болгаш эп-найырал өргүлдери кылып чеде бээр мен. Мен сеңээ келгижемге чедир чеди хонук мана. Ынчан мен сеңээ чүнү канчаарын айтып бээр мен». 9Саул Самуилден чоруптары билек, Бурган ооң сеткил-чүрээн чаартып берген. Ынчангаш ол-ла хүн ооң хамык кайгамчык чүүлдери бүткен. 10Саул Гивага чедип кээрге, аңаа Бурганның медээчилериниң бөлүү уткужуп келген. Ол өйде Бурганның Сүлдези ону бүргеп аарга d, ол база Бурганның медээчилери-биле кады өттүр көрүп медеглеп эгелээн. 11Саулду мурнунда-ла билир турган улус ону Бурганның медээчилериниң аразынга көргеш: «Кистиң оглу канчап барганы ол? Таанда Саул база Бурганның медээчилериниң аразында бе?» – дижип, бот-боттарындан айтыржып турганнар. 12Аңаа турганнарның бирээзи: «А дуу улустуң адалары база анаа кижилер эвес бе?» – дээн. («Таанда Саул база Бурганның медээчилериниң аразында бе?» деп чугаа ол болуушкундан тывылган e.) 13Ооң соонда Саул өттүр көрүп медеглээрин соксадып каапкаш, бедик черже үнүп чорупкан. 14Саулдуң төрел акызы оон база ооң чалчазындан: «Каяа чордуңар?» – деп айтырган. Саул тургаш: «Элчигеннер дилеп чордувус. Оларны тыппайн, Самуилге бардывыс» – деп харыылаан. 15Акызы: «Самуил силерге чүнү чугаалады, меңээ чугаалап берем» – дээн. 16Саул акызынга: «Ол биске элчигеннерниң тыпты бергенин дыңнатты» – дээш, Самуилдиң аңаа эрге-чагырга берип каанының дугайында чүнү-даа чугаалаваан. Саулду чонга хаан кылдыр таныштырганы
17Ынчан Самуил чонну Дээрги-Чаяакчыга мөгеери-биле Мицпаже кыйгырып эккелген. 18Ол израильчилерге мынча дээн: «Израильдиң Бурганы Дээрги-Чаяакчы мынча деп тур: „Мен израиль чонну Египеттен үндүрүп эккелдим, силерни египетчилерниң база өске-даа күрүнелерниң дарлалындан адырып каан болгай мен f“. 19Ам кээп силер бодуңарны айыыл-халаптан, качыгдал-муңгаралдан камгалаар Бурганыңардан ойталап: „Бисти чагырар хаандан томуйлап каг“– деп, Оон дилеп турар-дыр силер. Ынчангаш ам Дээрги-Чаяакчының мурнунга аймактар, төрел бөлүктер аайы-биле тургулап алыңар g». 20Самуил Израильдиң бүгү аймактарын аңаа чоокшулап кээрин дужааган. Төлге даштары оларның аразындан Вениаминниң аймаанга дүшкен. 21Вениаминниң салгалдарын төрел бөлүк аайы-биле чоокшулап кээрин дужааган. Төлге даштары олардан Матрийниң төрел бөлүүнге дүшкен. Матрийниң төрел бөлүүнүң улузу чоокшулап кээрге, төлге даштары оларның аразындан Кистиң оглу Саулга дүшкен. Ынчан Саулду дилээш, тыппааннар. 22Дээрги-Чаяакчыдан: «Ол кижи база катап маңаа кээр бе?» ▼▼ Азы: «Өске кижи бар бе?»
– деп айтырарга, Дээрги-Чаяакчы: «Саул мында чүък аразында чаштып чыдыр» – дээн. 23Улус халчып чоруткаш, Саулду чүък аразындан тып эккелгеннер. Ол хөй улустан бир баш бедик көстүп турган. 24Самуил чонга: «Көрдүңер бе, Дээрги-Чаяакчы кымны хаан кылдыр шилип каан-дыр? Чон аразында аңаа деңнежир кижи бар деп бе?» – дээн. Ынчан чон шупту: «Хаан делгерезин!» – деп алгыржып турган i. 25Самуил чонга хаанныг күрүнениң чурумун чарлап бергеш j, ону дүрүм-номче киир бижээш, Дээрги-Чаяакчының мурнунга салып каан. Ооң соонда чонну чандырып тарадыпкан. 26Саул база Гивада бажыңынче чанып чорупкан. Сеткил-чүрээн Бурганга оттуртуп алган дайынчылар ону эдерип чорупкан. 27А чамдык дүржок кижилер k: «Ол бисти камгалап шыдаар бе?» – деп турганнар. Олар Саулду куду көрүп, белек-даа бербээннер. А Саул ону эскербээн кижи дег алдынып турган.
Copyright information for
TyvTUV