a1 Хаан. 23:13
b1 Хаан. 21:10; 3 Хаан. 2:39
c1 Хаан. 25:43
dИис. 15:31
eИис. 13:2
f1 Хаан. 15:7
gИис. 15:31-32
hБашт. 1:16; 1 Хаан. 30:29

‏ 1 Samuel 27

Давидтиң филистим хаанга бараан болганы

1Давид иштинде мынча деп боданган: «Кажан-бир мен дөмей-ле Саулдуң холунче кире бээр болгай мен. Филистим черже дезе бээринден дээре чүве чок боор. Ынчан Саул мени бүгү израиль черден дилээш, шаа төнүп каарга, мен ооң холундан камгаланыр мен». 2Давид тургаш, боду-биле кады чораан 600 эр-биле кады a Гефтиң хааны, Маохтуң оглу Анхусче чорупкан b. 3Давид Гефке Анхустуң чанынга бодунуң улузу-биле кады чурттап турган. Кижи бүрүзү бодунуң өг-бүлези-биле. А Давид бодунуң ийи кадайы – изреелчи Ахиноама база Навалдың кадайы чораан кармилчи Авигея c олар-биле. 4Саулга Давидтиң Гефче дезе бергенин дыңнадыптарга, ооң соонда ол ону дилевестей берген. 5Давид Анхуска: «Бир эвес мен силерниң сагыжыңарга кирер болзумза, меңээ ховуда хоорайларыңарның бирээзинге чурттаар черден берип көрүңерем, мен аңаа чурттай берейн. Силерниң чалчаңар мен хаанның чурттап турар хоорайынга турган херээм чүү боор» – дээн. 6Ынчан Анхус Давидке Циклаг хоорайны берген d. Ынчангаш бо хүннерге чедир Циклаг Иудеяның хааннарының хоорайы бооп артып калган.

7Давид филистим черге бир чыл дөрт ай чурттаан чүве-дир. 8Давид бодунуң улузу-биле Египеттиң кызыгаарында Сурга чедир черни үе-дүптен бээр ээлеп чурттаан гессур e, гарзей база амалик f чоннарже халдап тургаш, 9оларны кыргып-хыдып каапкан. Эр-даа, херээжен-даа улусту дириг арттырбайн, шээр болгаш бода малдарын, элчигеннерин, тевелерин база идик-хевин былаап алгаш, Анхуска чедип кээп турган. 10Анхус Давидтен: «Ам кымче халдап турдуңар?» – деп айтырарга, Давид: «Негевте Иуданың аймааның чуртунче g, иерахмеил аймактың чуртунче база кен аймактың чуртунче h» – деп харыылаан. 11Давид эр-даа, херээжен-даа кижилерни дириг арттырбайн турган, Гефче эккелбээн. «Олар бисти улуска: „Давид филистим черге турган үезиниң дургузунда ол кезээде ынчалдыр кылган“– дей бээрлер чадавас» деп сезинген. 12Анхус Давидке бүзүреп турган болгаш: «Израиль чон ам ону шуут көөр хөңнү чок-тур. Ынчангаш ол кезээ мөңгеде мээң чалчам болур» – деп бодап турган.
Copyright information for TyvTUV