a1 Хаан. 28:4
b1 Хаан. 14:49; 1 Чыл. 8:33; 9:39; 10:1
cБашт. 9:54
d2 Хаан. 1:10
e2 Хаан. 1:20
fБашт. 2:13
gИис. 17:11
h1 Хаан. 11:1-11; 2 Хаан. 21:10
i2 Хаан. 21:12
j2 Чыл. 16:14; 21:19

‏ 1 Samuel 31

Саулдуң болгаш ооң оолдарының өлүрткени

(1 Чыл. 10:1-12)

1Филистимнер биле израильчилер аразынга тулчуушкун эгелээн. Израильчилер дайзыннардан Гелвуя даанга чедир дескеш a, аңаа кыра шаптырып алган. 2Филистимнер Саулду болгаш ооң оолдарын сүрүп четкеш, Саулдуң оолдары Ионафанны, Аминадавты база Малхисуаны өлүрүп каапканнар b.

3Саулче халдаашкын кадыг-дошкун болган. Ча-согун-биле хөй катап аттыргаш, Саул аар балыгланган. 4Саул бодунуң чепсек тудукчузундан: «Ол кыртыжадып демдектетпээн хейлер чедип келгеш, мени куду көрүп, өлүрбээнде, хылыжың ужулгаш, мени шанчып каавыт» – деп дилээн c. Чепсек тудукчузу аажок корга бергеш, ынаваан. Ынчан Саул хылышты алгаш, бодун шаштыныпкан d. 5Чепсек тудукчузу Саулдуң өлүп калганын көргеш, бодун база хылыш-биле шаштыныпкаш, Саул-биле кады өлүп калган чүве-дир. 6Ынчалдыр Саул, ооң үш оглу, ооң чепсек тудукчузу база ооң шупту улузу өлгүлеп калган.

7Шынааның өске талазында база Иордан хемниң ындында чурттап турар израильчилер израиль шеригниң дезип турарын, Саулдуң база ооң оолдарының өлүп калганын дыңнааш, боттарының хоорайларын ээн каггылапкаш чорупканнар. А филистимнер келгеш, хоорайларны ээлеп чурттай бергеннер.

8Даартазында филистимнер өлүрткен улусту үптеп аар дээш чедип келгеш, Гелвуя даанга өлүрткен Саулду база ооң үш оглун тып алганнар. 9Саулдуң бажын одура шапкаш, ок-чепсээн үптээш, бүгү филистим черге көргүзери-биле чорудупкан e. Ынчалдыр олар чонга тиилелгезиниң дугайында боттарының дүрзү-бурганнарының өргээлеринге чарлапканнар. 10Саулдуң ок-чепсээн Астарта бурганның өргээзинге f салып каан, а ооң мөчү-сөөгүн Бет-Сан хоорайның ханазынга g азып кааннар.

11Галаадта Иавистиң чурттакчылары h филистимнерниң Саулду канчалганының дугайында дыңнап кааш, 12бүгү эрес-дидим улузу хондур кылашташкаш, Бет-Санның ханазындан Саулдуң база ооң оолдарының мөчү-сөөктерин дүжүрүп алган i. Оларны Иависке эккелгеш, аңаа өрттедипкеннер j. 13Ооң соонда сөөктерин ап алгаш, Иависте тамариск ыяш адаанга ажаап кааш, чеди хонук иштинде кажыыдап, чем чивейн турган чүве-дир.
Copyright information for TyvTUV