iЫд. ыр. 77:61
1 Samuel 4
1а Самуил бүгү израильчилерге ол сөстү чугаалап турган.Ыдыктыг аптараны израильчилерден аппарганы
Израильчилер филистимнерге удур дайылдажып үнгеннер. Олар Авен-Эзерге турлагжып алган, а филистимнер Афекке турлагжып алган. 2Филистимнер израильчилерге удур турупканнар. Тулчуушкун үезинде израильчилер филистимнерге чылча шаптыртып алганнар. Дайын шөлүнге 4000 хире израильчи өлген. 3Турлаанга чедип келгеш, израильчилерниң баштыңнары мынча дишкеннер: «Бөгүн Дээрги-Чаяакчы чүге бисти филистимнерге чылча шаптыртып кагды? Силомдан Дээрги-Чаяакчының аптаразын бодувусче ап алыылыңар a. Ол биске турар болза, дайзыннарывыстан бисти камгалаар». 4Чон Силомче улус чорудуптарга, олар оон Аг-шериглиг Дээрги-Чаяакчының аптаразын ап алгаш келгеннер. (Дээрги-Чаяакчының дүжүлгези ыдыктыг аптараның кырында, херувимнерниң ортузунда турган b.) Бурганның аптаразының чанынга Илийниң Офни биле Финеес деп ийи оглу база чораан чүве-дир. 5Кажан Дээрги-Чаяакчының аптаразын турлагга эккээрге, израиль чон чер безин сириңейни бээр кылдыр күштүг алгырган. 6Филистимнер ол алгы-кышкыны дыңнааш: «Еврейлерниң турлаанда чүү ындыг алгы-кышкы болу берди?» – дижип тургаш, Дээрги-Чаяакчының аптаразын ында эккелгенин билип кааннар. 7Филистимнер корга бергеш: «Бурган ол турлагда чедип келген-дир – дээннер. – Ат болган-дыр бис! Мооң мурнунда кажан-даа ындыг чүве турбаан болгай. 8Ат болган-дыр бис! Ол күштүг бурганнарның холундан бисти кым адырарыл? Египетчилерни ээн кургаг ховуга шаажылап узуткап каапкан ынчангы бурганнар ол-дур. 9Филистимнер, кадыг-быжыг, эр соруктуг болуңар. Бистиң оларны кулданып алганывыс дег c, еврейлерге кулдандырбас дизе, олар-биле эрес-дидим тулчуңар». 10Филистимнер тулчуп кириптерге, израильчилер аштырып алган. Кончуг улуг аштырыышкынга таварышкаш, кижи бүрүзү бодунуң майгынынче дезип халчып турган. Ол дайынга 30 000 израиль чадаг шериг өлүрткен. 11Бурганның аптаразын филистимнер ап алган, Илийниң ийи оглу Офни биле Финеес өлүртүп каан d.Илийниң өлгени
12Ол хүн Вениаминниң аймаандан бир кижи дайын шөлүнден Силомга маңнап чедип келген. Качыгдал демдээ кылдыр ол идик-хевин ора соп алган, бажынче довурак-доозун чажып алган болган e. 13Ол кижи чедип келгенде, Илий орук кыдыынга сандайга медээ манап олурган, чүге дээрге ол Бурганның аптаразы дээш аажок сагыш човап турган. Ол кижи хоорайга келгеш, чүү болганын чугаалап бээрге, бүгү чурттакчы чон ыглап-сыктап эгелээн. 14Улустуң ыы-сыызын дыңнааш, Илий: «Чүү мындыг шимээн болу берди?» – дээн. Келген кижи Илийге чедип келгеш, чүү болганын чугаалапкан. 15(Илий ынчан тозан сес харлыг турган. Ооң карактары согурарып, көрбестей берген чүве-дир.) f 16Ол кижи Илийге келгеш: «Мен дайын шөлүнден дем чаа маңнап келдим» – дээн. Илий: «Чүү болду, оглум?» – деп айтырган. 17Шапкынчы кижи: «Израиль чон филистимнерден дезип, улуг аштырыышкынга таварышты. Силерниң оолдарыңар Офни биле Финеес өлүртүп алдылар. Бурганның аптаразын база алзып алдывыс» – деп харыылаан. 18Бурганның аптаразының дугайында дыңнааш, Илий орган сандайындан аңдарылгаш, хаалга баарынга ойта кээп дүшкен. Ол кырган болгаш аар болганындан молдуруу сыйылгаш, өлүп калган. Дөртен чыл дургузунда Илий Израильдиң баштыңчызы болуп келген. 19Илийниң кенни – Финеестиң кадайы божуур чеде берген иштиг турган чүве-дир. Бурганның аптаразының дугайында, бээниң база ашааның өлгениниң дугайында дыңнап кааш, ооң эъди аарый бергеш, божупкан. 20Ону божудуп турган херээженнер ооң өлүрүнүң мурнунда аңаа мынча дээннер: «Кортпа, сен оолдуг болган-дыр сен g». Ынчалза-даа ол чүнү-даа харыылаваан, тоомча чок болган. 21Чаа төрүттүнген төлдү Ихавод ▼▼ Ихавод – «Алдар чок» дээн ат.
деп адап алгаш: «Израильдиң ат-алдары баткан-дыр» – деп, ол чугаалаан. Бурганның аптаразын база алзып алган, бээ биле ашаа база өлген боорга, ол ынча дээн. 22«Израильдиң ат-алдары баткан-дыр, чүге дээрге Бурганның аптаразын алзып алган-дыр» – деп, ол чугаалаан i.
Copyright information for
TyvTUV