1 Thessalonians 1
Киирилде сөстер
1Павел, Сила a болгаш Тимофейден байыр! Фессалоникада b Бурган Ада болгаш Дээрги Иисус Христоска бүзүрээннер ниитилелинге бижидим. Силерге авырал ▼▼ Өске бурунгу сөзүглелдерде «авырал» деп сөске «Бурган Адавыс болгаш Дээрги Иисус Христостан келген» деп сөстерни немээн.
биле амыр-тайбың доктаазын! Фессалоникчилерниң бүзүрели болгаш амыдыралы
2 Мөргүл кылган санывыста-ла, силерни сактып, дөгереңер дээш, Бурганга үргүлчү өөрүп четтирер-дир бис d. 3Силерниң бүзүрелиңерге үндезилеттинген ажыл-херээңерни, ынакшылыңардан сорук кирген ажылыңарны, Дээргивис Иисус Христоска идегелиңерниң чайгылыш чогун Бурган Адавыстың мурнунга доктаамал сактып чор бис. 4Ха-дуңма, Бурганның силерге ынаан, Ооң силерни шилип алганын билир бис e. 5Чүге дээрге бистиң эккелгенивис Буянныг Медээ силерге чүгле сөс кырында эвес, а күчүлүү-биле, Ыдыктыг Сүлдениң шынзыткан бадыткалы-биле чедип келген. Араңарга тургаш, силерге буянныг болзун дээш, канчаар амыдырап келгенивисти көрген болгай силер f. 6Бисти база Дээрги-Чаяакчыны боттарыңарга өттүнер үлегер кылып алган силер g. Буянныг Медээни улуг хилинчек көрүп h, ынчалза-даа Ыдыктыг Сүлдениң бээри өөрүшкү-биле хүлээп алган силер i. 7Ынчангаш Македония болгаш Ахаия девискээрлеринде бүгү бүзүрээн улуска үлегер апардыңар. 8Дээрги-Чаяакчының медээзи ам силерни дамчып, чүгле Македония болгаш Ахаияга эвес, а чер болганга нептерей берген. Бурганга бүзүрээниңер кайда-даа билдингир апарган, бис ам ол дугайында чүнү-даа чугаалавайн барып боор бис. 9Бисти канчаар хүлээп алганыңар дугайында, дүрзү-бурганнардан ойталааш, алыс шын дириг Бурганга бараан боору-биле Олче канчаар ээлгениңер дугайында j бүгү өске улус боттары биске чугаалап турар апарды. 10Улус силерни Бурганның Оглу Иисустуң дээрден чедип кээрин манап турарлар дээр-дир k. Бурган Иисусту өлүглер аразындан катап диргискен, а Ол бисти Бурганның кел чыдар килеңинден камгалаар l.
Copyright information for
TyvTUV