1Ti 2 | TyvTUV | STEP | Сенден чүден артык дилээм бо-дур: Бурганга дилеглерлиг, чалбарыглыг, өөрүп четтириишкинниг, өскелерге болушкан мөргүлдер

‏ 1 Timothy 2

Мөргүл дугайында

1 Сенден чүден артык дилээм бо-дур: Бурганга дилеглерлиг, чалбарыглыг, өөрүп четтириишкинниг, өскелерге болушкан мөргүлдер – бүгү улус дээш мөргүлдер болзун. 2 Хааннар биле эрге-чагырга ээлээннер база ол санче кирзин ^a. Бистиң оожум база амыр-шөлээн, Бурганны хүндүлеп, Аңаа төлептиг амыдырап шыдаарывыс дээш, ол ындыг болзун. 3 Ындыг боорга, эки-даа, Камгалакчывыс боор Бурганга таарымчалыг-даа ^b. 4 Бурган бүгү улустуң камгалалды алырын база алыс шынны билип аарын күзеп турар ^c. 5 Чүге дээрге Бурган-даа чаңгыс, Бурган биле кижи төрелгетенниң эптештирикчизи – Боду база кижи – Христос Иисус-даа чаңгыс! ^d 6 Ол Бодун шупту улусту хостаар дээш өргээн ^e. Бурганның бодалын Ол чогуур үеде ынчалдыр херечилээн ^{f
,} ^{▼▼ Бо домактың утказы эки билдинмес. Болгу дег өске утказы мындыг: «Ооң дугайында херечилел чогуур үеде келген».}. 7 Ооң ужурунда Бурган мени бүзүрел биле алыс шынны өске чоннар улузунга медеглезин дээш ^h, элчин база башкы кылдыр шилип томуйлап каан ⁱ. Силерге чугаалаан чүвем шынныг ^{▼▼ Өске бурунгу сөзүглелдерде бо сөстерге «Мен Христоска башкарткаш» деп сөстерни немээн.}, мен мегелевейн тур мен! ^k

8 Ынчангаш эр улус каяа-даа болза мөргүп чоруурун күзеп тур мен. Олар килеңневейн, алгыжып-кырышпайн, актыг холдарын өрү сунуп, мөргүзүннер. 9 Шак ынчаар херээженнер база ужур-чурумга таарыштыр кеттинип, эгениичел база бодамчалыг чоруу-биле боттарын каастаар ужурлуг. Бажын аянныг таартканы, алдыны, ак шуру эртинези база үнелиг хеви-биле каастанмазыннар ^l. 10 А ооң орнунга Бурганны хүндүлээр дээн херээженнер буянныг херектери-биле боттарын каастаар ужурлуг. 11 Өөредиг ап турар херээженнер оожум, бүрүнү-биле дыңнангыр болзуннар ^m. 12 Херээжен кижиниң өөредирин азы эр кижини чагырарын чөпшээревейн тур мен. Ол бодун оожум ап чорзун ⁿ. 13 Бурган баштай Адамны, а ооң соонда Еваны чаяаган-на болгай ^o. 14 Адам-даа эвес, а Ева дуурайлаткаш, Бурганның хоойлузун үреди чоп! ^p 15 Ындыг-даа болза, херээжен кижи бүзүрелдиг, ынакшылдыг, ыдыктыг база эки мөзүлүг амыдырап чоруур болза, ол ажы-төл божуп, камгалалды алыр ^{▼▼ Азы: «Ажы-төл божуур үезинде Бурган ону кадагалаар».}.