2 Chronicles 27
Иоафам хаан
(4 Хаан. 15:32-38)
1Иоафам чээрби беш харлыында хааннап эгелээш, чуртту Иерусалимге он алды чыл чагырган. Ооң авазы – Садоктуң уруу, Иеруша дээр херээжен чүве-дир. 2Иоафам Дээрги-Чаяакчының мурнунга, ачазы Озияның кылып турганы дег a, таарымчалыг чүүлдер кылып турган. Чүгле ол Дээрги-Чаяакчының өргээзинче чаза базып кирбээн b. А чон бачыт үүлгедирин соксатпаан. 3Иоафам Дээрги-Чаяакчының өргээзиниң Үстүкү хаалгазын база Иерусалимниң Офел тейде c ханазын хөй черде быжыглап каан. 4Оон ыңай Иудеяның дагларынга хоорайларны, арга-эзимниг черлерге шивээлерни база камгалал суургаларны тудуп каан. 5Иоафам аммон хаан-биле дайылдашкаш, ону тиилеп алган. Аммоннар аңаа үш чыл дургузунда чылдың-на 100 талант ▼▼ 100 талант – үш ажыг тоннага деңнежир.
мөңгүннү, 10 000 кор ▼▼ 10 000 кор – 2 000 000 ажыг литрге деңнежир.
кызыл-тасты болгаш база ол хире арбайны эккеп берип турган. 6Иоафамның ындыг күчүлүг апарган чылдагааны ооң бодунуң Бурганы Дээрги-Чаяакчыга чагыртып чурттап чораанында болган. 7Иоафамның өске ажыл-херектери, ооң бүгү дайын-чаазы болгаш чуртталгазы Израиль биле Иудеяның хааннарының номунда тодараттынып бижиттинген. 8Ол чээрби беш харлыында хааннап эгелээш, чуртту Иерусалимге он алды чыл чагырган. 9Иоафам өгбелериниң соондан өске оранче чоруй баарга, ону Давидтиң Хоорайынга ажаап каан. Ооң оглу Ахаз ачазының орнунга хаан апарган.
Copyright information for
TyvTUV