2Ch 3 | TyvTUV | STEP | Соломон Дээрги-Чаяакчының өргээзин Иерусалимге, Мориа дагга – ооң ачазы Давидке Дээрги-Чаяакчының көзүлген черинге тудуп эгелээн. Давидтиң белеткеп каан ол чери иевус сөөктүг Орнанның тараа шаңынга турган .

‏ 2 Chronicles 3

Соломоннуң Бурганның өргээзин тутканы

(3 Хаан. 6:1-38; 7:15-21)

1 Соломон Дээрги-Чаяакчының өргээзин Иерусалимге, Мориа дагга ^a – ооң ачазы Давидке Дээрги-Чаяакчының көзүлген черинге тудуп эгелээн. Давидтиң белеткеп каан ол чери иевус сөөктүг Орнанның тараа шаңынга турган ^b. 2 Хаан өргээни ийи айның ийиде, бодунуң чагыргазының дөрткү чылында тудуп эгелээн.

3 Бурганның өргээзин тударда, Соломоннуң салган тавааның хемчээли бо-дур: узуну алдан кыры дурту, а дооразы чээрби кыры дурту (кырының биеэги хемчээлин ёзугаар). 4 Өргээниң мурнунда серилиг чер турган. Ооң узуну өргээниң дооразынга дең – чээрби кыры дурту, а бедии чээрби кыры дурту ^{▼▼ Өске бурунгу сөзүглелде «Чүс чээрби кыры дурту» деп бижээн.}. Хаан ону иштинден арыг алдын-биле шап каан. 5 Өргээниң улуг өрээлин шиви шагыг-биле шыпкаш, ону арыг алдын-биле шап, аңаа пальмалар болгаш илчирбежигештер дүрзүлери оюп каан. 6 Өргээни улуг үнелиг даштар-биле каастап каан; Соломоннуң ажыглаан алдыны Парваимден эккелген алдын турган. 7 Өргээниң иштинде чудуктар, эргиннер, ханалар, эжиктерни алдын-биле шап кааш, ханаларга херувимнер дүрзүлери оя кезип каан.

8 Оон Соломон эң ыдыктыг өрээлди кылып каан: ооң узуну, өргээниң дооразы дег, чээрби кыры дурту, дооразы база чээрби кыры дурту. Оон ону иштинден 600 талант ^{▼▼ 600 талант – 20 ажыг тоннага деңнежир.} деңзилиг эки шынарлыг алдын-биле шап каан. 9 Алдын кадаглар 50 шекел ^{▼▼ 50 шекел – чартык килограммдан ажыг деңзиге деңнежир.} деңзилиг турган. Үстүкү өрээлдерни база алдын-биле шап каан.

10 Эң ыдыктыг өрээлге ийи херувим ^f оя кезип кылгаш, алдын-биле шап каан. 11 Херувимнерниң чалгыннарының ниити узуну чээрби кыры дурту. Бирги херувимниң бир чалгыны (ооң узуну беш кыры дурту) өргээниң бир ханазынга дээп турган, а шак-ла ындыг хемчээлдиг өске чалгыны ийиги херувимниң чалгынынга дээп турган. 12 База-ла шак ынчаар ийиги херувимниң беш кыры дурту узун бир чалгыны өргээниң өске ханазынга дээп турган, а шак-ла ындыг хемчээлдиг өске чалгыны бирги херувимниң чалгынынга дээп турган. 13 Ол херувимнерниң хере сунган чалгыннарының узуну чээрби кыры дурту болган. Олар бут кырында, ыдыктыг өрээлче көрүндүр тургулаан.

14 Соломон көк, кызыл-хүрең болгаш кызыл пөстерден база чуга лёндан көжеге кылгаш, аңаа херувимнер дүрзүлерин хээлеп аргып каан ^g.

15 Өргээниң мурнунга ол бедии үжен беш кыры дурту ийи адагаш тургузуп каан ^h. Оларның кайызының-даа бажынга бедии беш кыры дурту капитель кылып каан. 16 Иштики өрээлге илчирбежигештер кылгаш, база-ла адагаштарның баштарынга салып каан. Оон ыңай чүс гранат чимизи кылгаш, илчирбежигештерже салып каан. 17 Адагаштарны өргээниң мурнунга, бирээзин – оң, өскезин – солагай талазынга тургускаш, оң талазындазын Яхин деп, а солагай талазындазын Вооз деп адап каан ^{▼▼ Бо аттарның утказы эки билдинмес. Яхин – «Бурган тургузуп турар», а Вооз – «Бурганның күчү-күжү» дээн уткалыг бооп чадавас.}.