2 Chronicles 15
Аса хаанның чаартылгалары
1Одедтиң оглу Азарияны Бурганның Сүлдези бүргей апкан a. 2Азария Асага уткуй үнүп келгеш, мынча дээн: «Аса база Иудея биле Вениаминниң бүгү аймак-чону, мени дыңнаңар! Дээрги-Чаяакчы-биле кады болзуңарза, Ол база силер-биле кады болур. Олче чүткүүр болзуңарза, Ол силерге тыптыр b. А Ону каапкаш баар болзуңарза, Ол база силерни кааптар. 3Израиль чон үр үеде алыс шынныг Бурган чок, өөредиг бээр Бурганның бараалгакчызы чок болгаш ыдыктыг хоойлу чок чораан-дыр ▼▼ Өске тайылбыр ёзугаар ол сөстер эрткен эвес, а келир үеге хамааржыр.
. 4Ынчалза-даа чон кызагдалга алыскаш, Израильдиң Бурганы Дээрги-Чаяакчыже эглип, Олче чүткүп эгелээрге, Ол оларга ажыттынган-дыр. 5Ол үеде чорумал улуска айыылдыг турган, чүге дээрге чер-девискээрлерниң бүгү чурттакчыларынга дүвүрээзинниг үе болган. 6Бир аймак-чон өске аймак-чонну, бир хоорай өске хоорайны базып турган, чүге дээрге Бурган оларны янзы-бүрү кызагдаашкыннар-биле хөлзедипкен болган d. 7А силер кадыг-быжыг болуңар e, холуңар суларавазын, чүге дээрге кылган ажыл-херээңер дээш шаңнал алыр силер». 8Аса ол сөстерни – Одед медээчиниң оглу Азарияның ▼▼ Өске бурунгу сөзүглелде «оглу Азарияның» деп сөстер таварышпайн турар.
өттүр билген медеглелин – дыңнап кааш, сорук кирип, Иудея биле Вениаминниң черлеринден база Эфрем дагларынга эжелеп алган хоорайларындан чүдек-бужар дүрзү-бурганнарны ап каапкан. Ол Дээрги-Чаяакчының өргээзиниң мурнунда турар Ооң өргүл бедигээжин септеп-чаартып каан. 9Оон Аса иудейлер биле вениаминчилерниң шуптузун база Эфрем, Манассия болгаш Симеоннуң черлеринден көжүп келгеш, олар-биле кады чурттай берген улусту чыып алган. Израильден дыка хөй улус Асаның Бурганы Дээрги-Чаяакчы ооң-биле кады дээрзин көргеш, ооң талазынче шилчип келген турган чүве-дир g. 10Ол бүгү улус Асаның чагыргазының он бешки чылының үш айда Иерусалимге чыглып келген. 11Ол хүн олар дайзыннардан үптеп алган олча-тывыжындан h Дээрги-Чаяакчыга өргүл кылдыр 700 бода, 7000 шээр малды эккеп салган, 12а ада-өгбезиниң Бурганы Дээрги-Чаяакчыже боттарының бүгү-ле чүлдү-чүрээнден, бүгү-ле сеткил-сагыжындан чүткүүр дугайында керээ чарып алганнар i. 13Ынчаарга Израильдиң Бурганы Дээрги-Чаяакчыже чүткүвес кижи бүрүзү, улуг, бичези, эр, херээжени хамаан чокка, өлүртүп каар ужурлуг турган j. 14Улус-чон Дээрги-Чаяакчыга дыңзыдыр даңгыраглап, өөрүшкүлүг алгырып, трубалар, мыйыс эдискилер этсип турган. 15Иудеяның бүгү чону даңгыраа дээш өөрүп турган, чүге дээрге ону бүгү-ле чүлдү-чүрээнден берген чүве-дир. Олар Бурганче кызып чүткүп турган, ынчангаш Ол оларга ажыттынган. Дээрги-Чаяакчы оларга бүгү таладан амыр-тайбыңны хайырлаан k. 16Ол бодунуң кырган-авазы ▼▼ Азы: «Бодунуң авазы».
Мааханың кадын адын безин казып каапкан, чүге дээрге Мааха Ашера бурганга тураскааткан чүдек-бужар адагаш тургузуп алган болган m. Аса ооң ол адагажын одуруп, кезектей кезип каапкаш, Кедрон шынаазынга өрттедипкен n. 17Израильдиң мөгейиишкин кылыр бедик черлерин Аса узуткаваан-даа болза, ооң чүрээ бүгү назынында Дээрги-Чаяакчыга бүрүнү-биле бердинген турган. 18Ол Бурганның өргээзинче ачазының база бодунуң Аңаа бараалгаткан белектерин: алдын-мөңгүннү, эдилел, саваларны эккелген. 19Асаның чагыргазының үжен бешки чылынга чедир дайын-чаа болуп көрбээн.
Copyright information for
TyvTUV