2 Chronicles 17
Иосафат хаан
1Асаның оглу Иосафат ачазының орнунга хаан апаргаш, Израильге удур быжыгланып алган. 2Ол Иудеяның бүгү быжыглалдыг хоорайларынга a шериг тургускаш, бүгү иудей черге база ооң ачазы Асаның эжелеп алганы Эфремниң хоорайларынга таңныыл шерии тургузуп каан. 3Дээрги-Чаяакчы Иосафат-биле кады болган, чүге дээрге ол өгбези Давидтиң баштайгы оруктарын ▼▼ Өске бурунгу сөзүглелде «Ачазының баштайгы оруктарын» деп бижээн.
эдерип турган. Иосафат Ваалдың дүрзүлеринге мөгейбейн, 4бодунуң ачазының Бурганынче чүткүп, Израильдиң чаңчылдарын ёзугаар эвес c, а Бурганның айтыышкыннарын ёзугаар чурттап турган. 5Дээрги-Чаяакчы күрүнени Иосафаттың холунга быжыктырып каан, бүгү иудейлер аңаа белектер эккеп берген, ол хөй бай-байлактыг, алдар-хүндүлүг апарган. 6Ооң чүрээ Дээрги-Чаяакчының оруктары дээш чоргаарланып турган, ооң кадында ол Иудеяда мөгейиишкин кылыр бедик черлерни база Ашера бурганга тураскааткан адагаштарны ап каапкан. 7Чагыргазының үшкү чылында ол бодунуң нояннары Бенхаил, Авдий, Захария, Нафанаил болгаш Михей оларны Иудеяның хоорайларынга чонну өөретсин дээш чорудупкан. 8Нояннар-биле кады левиттер Шемайя, Нафания, Зевадия, Асаил, Шемирамот, Ионафан, Адония, Товия болгаш Тов-Адонияны база Бурганның бараалгакчылары Элишама болгаш Иорамны чорудупкан. 9Олар Дээрги-Чаяакчының хоойлузунуң дүрүг-номун ап алгаш, Иудеяга улусту өөредип чоруп турган. Иудеяның бүгү хоорайларын эргий кезип, чонну өөредип чорааннар. 10Иудеяны долгандыр турар бүгү күрүнелерни Дээрги-Чаяакчының ыдыпкан коргуушкуну хөме апкан d, олар Иосафат-биле чаалашпайн турган. 11Чамдык филистимнер Иосафатка белектер эккеп берип, албан-үндүт кылдыр мөңгүн берип турган, а арабтар аңаа шээр мал: 7700 кошкар болгаш 7700 хуна сүрүп эккелген. 12Иосафат улам-на күчү-күштүг апар чыткан. Ол Иудеяга шивээлер болгаш аъш-чем курлавыры шыгжаар хоорайлар тудуп каан. 13Иудеяның хоорайларынга ол хөй курлавыр шыгжап турган ▼▼ Азы: «Ол Иудеяның хоорайларынга хөй ажылды кылып турган».
, а Иерусалимге күштүг-шыырак дайынчыларлыг шериглиг турган. 14Ол шериглерниң төрел салгалдар аайы-биле даңзызы бо-дур: Иуданың аймаандан үнген муң шериг баштыңнары: 300 000 күштүг-шыырак дайынчылыг шериг баштыңы Адна; 15ооң соонда 280 000 дайынчылыг шериг баштыңы Иоханан; 16ооң соонда 200 000 күштүг-шыырак дайынчылыг Зихрийниң оглу Амасия. Ол бодун Дээрги-Чаяакчыга эки туразы-биле бараалгаткан чүве-дир. 17Вениаминниң аймаандан: ча-согун болгаш дозуг-камгалал-биле чепсегленген 200 000 шериглиг күштүг-шыырак дайынчы Элиада; 18ооң соонда 180 000 чепсегленген дайынчылыг Иегозавад. 19Хаанның бүгү Иудеяга быжыглалдыг хоорайларга таарыштыр тургузуп каан дайынчыларындан аңгыда, аңаа бараан болуп турган дайынчылар ол-дур.
Copyright information for
TyvTUV