a2 Кор. 5:13
bОс. 2:19-20
cЭф. 5:27; Ажыд. 14:4
dЭ. д. 3:1, 4; Ин. 8:44; 1 Тим. 2:14
eГал. 1:6
g2 Кор. 12:11
h1 Кор. 1:17; 2 Кор. 10:10
i1 Кор. 9:18
j2 Кор. 12:13
kФлп. 4:15
lРим. 9:1; 1 Тим. 2:7
nФлп. 1:15
oАж.-ч. 20:30; 2 Пет. 2:1; Ажыд. 2:2
pГал. 1:8
qФлп. 3:19
r2 Кор. 5:12
sФлп. 3:3-4
t1 Кор. 4:10
uГал. 2:4; 4:3
vРим. 11:1; Флп. 3:5
w1 Кор. 15:10
x2 Кор. 6:4-5
zАж.-ч. 16:22-23
aaАж.-ч. 14:19
abАж.-ч. 27:41-44
acГал. 2:4
adАж.-ч. 18:3; 1 Фес. 2:9; 2 Фес. 3:8
ae1 Кор. 4:11
af1 Кор. 9:22
agАж.-ч. 9:24-25

‏ 2 Corinthians 11

Павел база меге элчиннер

1Угаан чок чоруум дээш a, мени шыдажып көрген болзуңарза! Дилеп тур мен: ам-даа шыдажып көрүңер! 2Силерни хүнней көрген сеткилим Бургандан келген болгай. Мен силерни чаңгыс Эр кижи – Христос-биле дүгдеп каан болгаш b, силерни Аңаа, кым-даа дегбээн арыг кысты дег c, хүлээдип бээр ужурлуг мен. 3Ынчалза-даа, Еваның авыяас чыланга мегеледип алганы дег d, силерниң угааныңар база дуурайладыпкаш, Христоска ак сеткилдиг болгаш арыг бердиниишкинден чайлай бербес ирги бе деп сестир-дир мен. 4Силерге кандыг-бир кижи чедип келгеш, бистиң суртаалдаанывыстан өске Иисусту суртаалдай бээрге азы бистен хүлээп алганыңар Сүлдеден болгаш Медээден өске сүлде болгаш медээ эккээрге e, ооң-биле белени кончуг эптежир-дир силер! 5Мээң санап турарым-биле, шак ол эң тергиин элчиннерден ▼
▼ Эң тергиин элчиннер – бо сөстер шооткан аянныг бооп, Павелдиң Коринфиде удурланыкчыларынга хамааржып турары чадавас.
чүм-биле-даа дорайтаваан мен! g 6«Чеченим кончуг» деп шыдавас боорум чадавас h, ынчалза-даа билиг дугайты херек бир өске болдур ийин. Ону силерге бүгү байдалдарга бүгү талалыг шынзыдып келген бис!

7Азы бачыдым чүдел? Бурганның Медээзин төлевир албайн i суртаалдап тургаш, силерни өрү көдүрери-биле, бодумну куду көрүп турганымда бе? 8Силерге бараан боор дээш, өске христиан ниитилелдерден төлевир ап, оларны үптеп-тонап турган дег-дир мен. 9Силерниң араңарга чединмес чурттап тургаш, кымны-даа шүүдетпээн мен j. Эргежок чугула хереглелимни Македониядан ха-дуңма хандырып турган k. Чүү-даа чүвеге силерге аартык болбас дээш кызып келген мен, моон-даа соңгаар аартык болбас мен. 10Мени башкарган Христостуң шынныы-биле бадыткап тур мен l: ол дээш ▼
▼ Ол дээш – Павел коринфичилерден, ол үениң улус өөредиринге мергежээн башкыларының чаңчыкканы дег, оларны өөреткени дээш, төлевир алырындан ойталаан.
чоргааралымны бүгү Ахаияга кым-даа менден хунаап ап шыдавас! 11А чүге ындыым ол? Силерге ынак эвес болгаш бе? Ынчалза-даа силерге кайы хире ынаамны Бурган билир!

12Мен ынчалдыр кылырын уламчылаар мен, чүге дээрге ол улуска «Павел-биле шуут чаңгыс аай ажылдап турар бис» деп чоргаараар чылдак бербезин бодап турар мен. 13Шак ындыг меге элчиннер, кара сагыштыг ажыл-херек кылып чоруур улус n, Христостуң элчиннериниң хевирин чүгле мегелеп хүлээп ап турар болгай o. 14Ында кижи кайгаар чүү-даа чок: эрлик боду безин дээрниң чырыткылыг төлээзи дег хевирлиг бооп p, мегелеп көстүп турар. 15А ындыг болганда, эрликтиң чалчалары буянга бараан болган улустуң хевири-биле мегелеп көстүп турарында онза чүү барыл? Ынчалза-даа олар төнчүзүнде боттарының ажыл-херээнге төлептиг кеземче алырлар! q

Элчинниң бараан болуушкунунга Павелдиң бергедээшкиннери

16База катап чугаалап тур мен: мени мелегей кижи деп бодаваңар! А ынча деп бодаар болзуңарза, оода бичии мактаныптар кылдыр r, ам-даа мелегей кижи дег артып каарымны чөпшээреп көрүңер. 17(Мээң ам чугаалаар чүүлүм Дээрги-Чаяакчының үлегер-чижээн өттүнмээн: мелегей кижи дег, бүзүрелдиг мактанып турарым ол-дур. 18Бо делегейниң улузунуң кылып турары дег, хөй-ле улус мактанырын чүүлдүг деп көөр болганда, мен база мактанып көрейн.) s 19Силер, ындыг угаанныг хиреңерде t, мелегей улус-биле белени кончуг эптежир-дир силер! 20Силерни кулданып ап u, үптеп-тонап, кара туразында ажыглап, мурнуңарга өрү көрдүнүп, чаагыңарже дажып турар улус-биле эптежир-дир силер. 21Бодумга ыянчыг-даа болза, чугаалап тур мен: бо таварылгада силерге кошкак салдар чедирген-дир бис!

Ынчалза-даа өске улус чоргаарап диттигип турар болза (мелегей кижи дег чугаалап турарым ол), мен база чоргаарап диттир мен. 22Олар еврейлер бе? Мен база! Израильчилер бе? Мен база! Авраамның үре-салгалы бе? Мен база! v 23Христоска бараан болганнар бе? Угааны анаа эвес кижи дег чугаалап тур мен, ынчалза-даа Христоска олардан артык бараан бооп чор мен! w Ажыл-херээмге бодумну черле хайыралавайн келдим, кара-бажыңга олардан хөй хоругдаттырып келдим, каржы-дошкуну-биле эттедип-соктуртуп чордум, өлүрүнүң кырынга хөй катап турдум x. 24Иудейлер мени беш катап үжен тос улай ▼
▼ Үжен тос улай – Моисейниң хоойлузунда кижини кезедип эриидээрде, эң үстү-ле дөртенден хөй эвес соп болурун чөпшээрээн. Ынчалза-даа иудейлер ол сандан душ бооп ажыр эриидевес дээш, үжен тос согуг-биле кызыгаарланып каар турганнар (Ы. х. к. 25:3 көр).
кымчылап турду. 25Римчилер мени үш катап шыкпыыштаан z; бир катап даштар-биле соктурткан мен aa; үш катап далайга корабльга озал-ондакка таварыштым база бир катап бүдүн дүн биле хүннү ажык далайга эрттирдим ab. 26Хөй-ле аян-чорук кылгаш, айыыл-халапка үргүлчү таваржып чордум: үерлээн хемнерден-даа, дээрбечилерден-даа, чаңгыс чер чурттугларымдан-даа, өске чоннар улузундан-даа. А хоорай-суурларга, ээн черлерге, далайга айыыл-халаптар; а ха-дуңма бооп баажыланган улустан ac кээр айыыл-халап? 27Чилчиим үзүлдүр ажылдап ad, болганчок-ла уйгу чок дүннер эрттирип, аштап-суксап, аъш-чемим бо-ла үстүп, соокка доңуп, идик-хепке чединместеп чордум ae.

28А ол бүгүден аңгыда, бүгү-ле христиан ниитилелдер дээш, хүн бүрүде сагыш човаашкынның аар чүъгү! 29Кайы-бир кижи кошкай бээрге, мен ооң-биле кады кошкап турбаан мен бе? af Кайы-бир кижи күткүттүрүп алган болза, мен изип-хөлзеп турбаан мен бе?

30Чоргаараар ужурлуг-даа болзумза, кошкаамны көргүзер чүүл-биле чоргаараар мен. 31Дээрги Иисустуң Адазы Бурган мегелевейн турарымны билир, Ол кезээ мөңгеде алгадып-йөрээттирер болзун! 32Дамаск хоорайга турумда, Арета хаанның бир чагырыкчызы мени тудуп алыр дээш, бүгү Дамаскыны кадарып турган. 33Ынчалза-даа мени, аргаан хааржакка олурткаш, хоорайның ханазында үттен дашкаар бадырыптарга ag, ооң холунга кирбейн барган мен!
Copyright information for TyvTUV