aАж.-ч. 18:27; 1 Кор. 16:3
bХост. 24:12; 31:18
cЫ. х. к. 6:6; Иса. 51:7; Иер. 31:33
dИер. 31:31; Лк. 22:20
eЭф. 3:7; Кол. 1:23
fРим. 2:27
gИн. 6:63
hХост. 34:29-35
iМк. 6:52
jАж.-ч. 15:21
kХост. 34:34
lИн. 4:24
mИн. 8:32; Иак. 2:12; 1 Пет. 2:16; Рим. 6:18; 1 Кор. 7:22; Гал. 5:1
n1 Ин. 3:2; Рим. 8:29; Флп. 3:21

‏ 2 Corinthians 3

Чаа Чагыг-керээге бараан боору

1Ам база катап бодувуска эки үнелел бээрин оралдажып тур бис бе? Таанда-ла биске база, өске улуска ышкаш, силерге бижээн азы силерниң бижээниңер эки үнелелдиг чагаалар херек бе? a 2Чок ыңар! Силер боттарыңар – бистиң чагаавыс силер! Бистиң чүректеривиске бижиттинген, бүгү улустуң билири, кижи бүрүзүнүң номчуп турары чагаа силер. 3Бистиң бараан болуушкунувус ачызында Христостуң бижээн чагаазы – силер-дир силер. Ындыызын бүгү улус көрүп турар. Будук-биле эвес, а дириг Бурганның Сүлдези-биле бижээн; калбак даштарга эвес b, а кижилерниң чүректеринге бижээн чагаа силер c.

4Бурганның мурнунга Христостуң ачызында силер дээш шак ындыг бүзүреливис бар. 5Бараан боор арга-шинээвис бистен үнүп турар деп шыдавас бис, ынчаар бодапкы дег чүү-даа чүве бистиң боттарывыста чок. Ындыг арга-шинээвис чүгле Бургандан келген. 6Ол биске Чаа Чагыг-керээге d бараан боор арга-шинекти хайырлаан e. Чаа Чагыг-керээде үжүк азы бижимел ыдыктыг хоойлу эвес f, а Сүлде кол черни ээлеп турар. Чүге дээрге үжүк өлүмге чедирер, а Сүлде амы-тынны хайырлаар g.

7Калбак даштарда оюп каан үжүктерге үндезилээн Эрги Чагыг-керээге – өлүмче аппаар ыдыктыг хоойлуга бараан боору кайы хире чайынналчак ийик, сактып келиңерем. Алызы барып, ындыг чайын арлып чиде-даа бээр болза, Моисейниң чайыннаан арнынче чиге көргеш, израиль чоннуң караа чылчырыктап турган болгай h. 8А Сүлдеге хамааржыр Чаа Чагыг-керээге бараан боору оон кайы хире чайынналчак боор ужурлуг деп?! 9Шииткелге чедирер ыдыктыг хоойлуга бараан боору ындыг чайынга бүргеткен болза, агартыышкынга чедирер Чаа Чагыг-керээге бараан боору оон кайы хире өндүр улуг чайынныгыл! 10А Эрги Чагыг-керээниң чайыны оон өндүр чырыктың мурнунга бүлүрере берген. 11Арлып чиде бээр чүүл безин чайынналчак болза, арлып читпес чүүл оон кайы хире өндүр чырыгыл!

12Бир-тээ бисте шак ындыг идегел бар болганда, ажык-хостуг, коргуш чок суртаалдап тур бис. 13Израиль чон шак ол арлып чиде бээр чайынның төнчүзүн көрбезин дээш, арнын шывыг-биле шып турган Моисейге дөмей болбас бис. 14Ынчалза-даа оларның угаан-бодалы чүве эскербес хевээр-дир i. Бөгүнге чедир, Эрги Чагыг-керээниң сөстерин номчуп турда j, ол шывыг оларның угаан-бодалындан ап кагдынмаан-дыр, чүге дээрге ону чүгле Христостуң ачызында ап кааптып боор-дур. 15Бөгүнге чедир, Моисейниң хоойлузун номчуп турда, ол шывыг оларның чүректерин шып арткан хевээр-дир. 16Ынчалза-даа кижи Дээрги-Чаяакчыже эглирге, ол шывыгны ап кааптар k. 17Дээрги-Чаяакчы дээрге Сүлде-дир l, а Дээрги-Чаяакчының Сүлдези кайда барыл, ында хосталга бар m. 18А бис шупту, шывыг-биле дуглаваан арыннарлыг бооп, Дээрги-Чаяакчының чайыннаажын, көрүнчүкте дег, көрүп турар бис. Ынчан Ооң овур-хевиринге улам-на дөмейлежип, улам-на чайынналдыр чырып, өскерлир бис n. Ол өскерилгевисти Дээрги-Чаяакчының Сүлдези боттандырар.
Copyright information for TyvTUV