2 Kings 25:27-30
Иехонияны хостааны
(Иер. 52:31-34)
27Иудеяның хааны Иехонияны тудуп аппарган соонда a үжен чеди чыл эрткенде, Вавилоннуң хааны Эвил-Меродах b бодунуң чагыргазының бирги чылында Иехония хаанга өршээл көргүскен. Эвил-Меродах Иехонияны он ийи айның чээрби чедиде кара-бажыңдан үндүргеш, 28ооң-биле эп-найыралдыг чугаалашкан база ол үеде Вавилонга турган бүгү өске хааннарга бодаарга, бедик, хүндүткелдиг черге олуртуп каан. 29Иехония кара-бажыңга кедип турган хевин солуп каапкаш, амыдыралының төнчүзүнге чедир Эвил-Меродах-биле кады чемненип келген. 30Ол Вавилоннуң хаанындан доктаамал хандырылганы хүннүң-не, арткан бүгү назынында ап келген.
Copyright information for
TyvTUV