2 Kings 1
Илия биле Охозия
1Израильдиң хааны Ахав өлген соонда a, Моав Израильге удур тура халаан b. 2Охозия хаан Самарияда ордузунуң үстүкү өрээлиниң соңгазындан кээп дүшкеш c, кемдей берген. Ол элчилеринге: «Бо кемдээшкинден экириир-экиривезимни Экрон хоорайның d бурганы Веелзевулдан e барып айтырыңар» – деп чагааш, айбылап чорудупкан f. 3Ынчан Дээрги-Чаяакчының төлээзи Тешви чурттуг Илияга g: «Самарияның хаанының айбылапкан улузунга уткуштур баргаш, оларга: „Израильде Бурган чок бе, чүге силер Экроннуң бурганы Веелзевулдан чүве айтырып бар чыдыр силер? – деп чугаалаар сен. – 4Ынчангаш Дээрги-Чаяакчы хаанга: ‘Ам чыдар орун-дөжээңден турбас сен, өлүп каар сен’ – деп дамчытты“» – дээн. Илия чорупкаш, ынчалдыр дыңнаткан. 5Айбылаткан элчилер Охозияже дедир чедип кээрге, ол: «Чүге ээп келдиңер?» – деп айтырган. 6Олар: «Биске уткуштур бир кижи үнүп келди – деп харыылааннар. – Ол кижи биске: „Силерни айбылап чорудупкан хаанче ээп келгеш, Дээрги-Чаяакчының чугаалаан чүвезин аңаа дамчыдыңар: Израильде Бурган чок бе, чүге сен Экроннуң бурганы Веелзевулдан чүве айтырып, улус айбыладың? Ынчангаш ам чыдар орун-дөжээңден турбас сен, өлүп каар сен“– диди». 7Хаан олардан: «Силерге уткуштур үнүп келгеш, ол сөстерни чугаалаан кижиниң хевири кандыг-дыр?» – деп айтырган. 8Олар: «Селбегер, белинде хөм курлуг кижи болду» – деп харыылааннар h. Хаан: «Ол болза Тешви чурттуг Илия-дыр» – дээн. 9Ынчангаш хаан Илияже шериг баштыңын бежен шерии-биле кады чорудупкан. Ол баштың даг бажында олурган Илияны көрүп кааш, олче үнүп келгеш: «Бурганның кижизи, хаан: „Дүжүп кел!“– деп дужаап тур» – дээн. 10А Илия аңаа: «Бир эвес мен Бурганның кижизи болзумза, дээрден от дүжүп кээп, сени, сээң бежен шерииңни чипсин!» – деп харыылаан. Оон дээрден от дүжүп келгеш i, баштыңны бежен шерии-биле кады чипкен j. 11Хаан ынчан Илияже өске шериг баштыңын бежен шерии-биле кады чорудупкан. Ол баштың Илияга: «Бурганның кижизи, хаан: „Доп-дораан дүжүп кел!“– деп дужаап тур» – дээн. 12Илия аңаа: «Бир эвес мен Бурганның кижизи болзумза, дээрден от дүжүп кээп, сени, сээң бежен шерииңни чипсин!» – деп харыылаан. Оон Бурганның оду дээрден дүжүп келгеш, баштыңны бежен шерии-биле кады чипкен. 13Хаан ынчан үшкү шериг баштыңын бежен шерии-биле кады чорудупкан. Ол баштың дагже үнүп кээп, Илияның мурнунга дискектенип олура дүшкеш: «Бурганның кижизи! Мээң амы-тынымны, силерниң чалчаларыңар болур бо бежен кижиниң амы-тынын хайыралаарыңарны дилеп тур мен! 14Дээрден дүжүп келген от биеэги ийи баштыңны бежен-бежен шерии-биле кады чипти чоп. А ам мээң амы-тынымны өршээп көрүңер!» – деп чаннып чугаалаан. 15Дээрги-Чаяакчының төлээзи Илияга: «Бо кижи-биле кады бар, оон кортпа» – дээн. Илия ынчан тургаш, баштың-биле кады хаанче бада берген. 16Хаанга ол: «Дээрги-Чаяакчы: „Сен Экроннуң бурганы Веелзевулдан чүве айтырып, элчилер ыдып турар-дыр сен. Израильде Бурган чок бе, Ооң сөзүн Бодундан айтырып болбас чүве бе? Ынчангаш ам чыдар орун-дөжээңден турбас сен, өлүп каар сен“– деп тур» – дээн. 17Дээрги-Чаяакчының Илияны дамчыштыр чугаалаан сөзүн ёзугаар хаан өлүп калган. Охозия оолдуг болбаан чүве-дир, ынчангаш ооң дуңмазы ▼▼ Өске бурунгу сөзүглелде «Ооң дуңмазы» деп сөстер таварышпайн турар.
Иехорам Охозияның орнунга хаан апарган. Ынчан Иудеяның хааны Иосафаттың оглу Иорамның чагыргазының ийиги чылы турган. 18Охозияның кылган өске ажыл-херектери Израильдиң хааннарының чылдар бижилгезинде тодараттынып бижиттинген.
Copyright information for
TyvTUV