2 Kings 2
Бурганның Илияны дээрже алгаш барганы
1Дээрги-Чаяакчы Илияны казыргы иштинге дээрже көдүре бээр деп барган үеде a Илия биле Элисей b Галгалдан c кел чыткан. 2Илия Элисейге: «Маңаа артып каап көрем, чүге дээрге Дээрги-Чаяакчы мени Вефилче чорудуп тур» – дээн. А Элисей: «Дириг Дээрги-Чаяакчының ады-биле база силерниң адыңар-биле даңгыраглап тур мен: силерни черле кагбас мен!» – деп харыылаан. Олар ийилээ Вефилче чорупкан. 3Вефилге Бурганның медээчилериниң бөлүү Элисейге уткуй үнүп келгеш: «Дээрги-Чаяакчы бөгүн дээргиңни сенден ▼▼ Азы: «Сээң бажыңыңның кырындан».
чарып, алгаш баарын билир сен бе?» – деп айтырганнар. «Ийе, билир мен – деп, ол харыылаан. – Ол дугайында ыыттаваңар». 4Илия: «Элисей, сен маңаа артып каап көрем, чүге дээрге Дээрги-Чаяакчы мени Иерихонче e чорудуп тур» – дээн. «Дириг Дээрги-Чаяакчының ады-биле, силерниң адыңар-биле даңгыраглап тур мен: силерни черле кагбас мен!» – деп, Элисей харыылаан. Оон олар ийилээ Иерихонче чорупкан. 5Иерихонга Бурганның медээчилери Элисейге келгеш: «Дээрги-Чаяакчы бөгүн дээргиңни сенден* чарып, алгаш баарын билир сен бе?» – деп айтырганнар. «Ийе, билир мен – деп, ол харыылаан. – Ол дугайында ыыттаваңар». 6Илия аңаа: «Маңаа артып каап көрем, чүге дээрге Дээрги-Чаяакчы мени Иордан хемче чорудуп тур» – дээн. Элисей: «Дириг Дээрги-Чаяакчының ады-биле база силерниң адыңар-биле даңгыраглап тур мен: силерни черле кагбас мен!» – деп харыылаан. Оон олар ийилээ чорупкан. 7Кажан олар Иорданның чанынга доктаай бээрге, Бурганның бежен медээчизи келгеш, олардан ырадыр дужааштыр туруп алган. 8Илия тонун уштуп, дүрүп алгаш, сугну ооң-биле сопкан. Суг оң, солагай талаже ийи чарлып, орук чайлай турупкан, олар хемни кургаг черлеп кеже бергеннер f. 9Олар кеже бээрге, Илия Элисейден: «Мени сенден чарып, алгаш баар бетинде, сеңээ чүнү кылып берейн? Чүнү дилээр сен?» – деп айтырган. Элисей: «Бурганның силерде бар күжүнден ийи дакпыр үлүгнү салгап алган болзумза g» – деп харыылаан. 10«Берге-ле чүве дилеп турар-дыр сен – деп, Илия харыылаан. – Бир эвес мени сенден канчаар алгаш баарын көөр болзуңза, сээңии-биле болур, а көрбес болзуңза, ындыг чүве болбас». 11Олар орукка чугаалажып бар чыдырда, хенертен оттуг дайынчы терге болгаш оттуг аъттар көстүп келгеш, оларны чарып каапкан. Илия казыргы иштинге дээрже көдүрлү берген. 12Элисей ону көрбүшаан: «Ачай! Ачай! Израильдиң дайынчы тергелери, аъттыг шерии!» – деп алгырып турган h. Элисей Илияны оон ыңай көрбейн баргаш, кеткен хевин качыгдалдан ийи чара ора соп каапкан. 13Илияның черже кээп дүшкен тонун Элисей ап алгаш, дедир чоруткаш, Иорданның эриинге туруп алган. 14Ол Илияның кээп дүшкен хевин тудуп алгаш, сугну ооң-биле сопкаш: «Илияның Бурганы Дээрги-Чаяакчы кайыл ынчаш?!» – дээн. Ол сугну соптарга, суг оң, солагай талаже ийи чарлып, орук чайлай турупкан, Элисей оон хемни кеже берген. 15Бурганның Иерихонда медээчилери Элисейни ырактан көрүп кааш: «Илияга турган күчү-күш Элисейже шилчий берген-дир» – дээннер. Олар аңаа уткуштур үнүп келгеш, черге чедир мөгейгеннер. 16Медээчилер: «Чалчаларыңар бисте бежен шыырак эр кижи бар-дыр. Оларга силерниң дээргиңерни барып дилээрин чөпшээреп көрүңерем. Дээрги-Чаяакчының Сүлдези ону алгаш баргаш, кандыг-бир дагда азы шынаада октапкан чадавас i» – дээннер. Элисей: «Чок, оларны чорутпаңар» – деп харыылаан. 17Ынчалза-даа олар аажок ээрешкеш туруп бээрге, ол чөпшээрежип: «Улузуңарны чорудуптуңар» – дээн. Бежен кижи чорудуптарга, айбылаткан улус Илияны үш хүн дилээш, тыппаан. 18Олар Иерихонга артып калган турган Элисейже ээп кээрге, ол: «Силерге „Чорбаңар!“деп чугааладым чоп» – дээн. Элисейниң кылган кайгамчык чүүлдери
19Иерихон хоорайның чурттакчылары Элисейге: «Дээрги, көрүп турарыңар дег, бо хоорай эки черде турар-дыр, ынчалза-даа суу багай болгаш чери үнүш-дүжүт чок-тур» – дээннер. 20Ол: «Меңээ чаа аяктан эккелгеш, ынаар дустан уруп калыңар» – дээн. Олар аякты эккелгеннер. 21Элисей суг бажынче барып, дусту ынаар урупкаш: «Дээрги-Чаяакчы: „Мен бо сугну экиртип кагдым. Моон соңгаар ооң уржуу-биле өлүм-даа болбас, чер-даа үнүш-дүжүт чок болбас“– деп чугаалады» – дээн. 22Амдыгаа чедир ол суг Элисейниң чугаалаан сөзүн ёзугаар эки-чаагай бооп арткан. 23Элисей оортан Вефилче үнүпкен. Ол орукка чорда, хоорайдан бичии оолдар үнүп келгеш, ону кочулап: «Эй, тас-баштыг, моон чоруп чор! Эй, калчанмай, чоруп чор!» – деп алгыржып турган j. 24Ол эргилип келгеш, оларже көргеш, Дээрги-Чаяакчының ады-биле каргап каан. Арыгдан ийи кыс адыг үнүп келгеш, оолдарның аразындан дөртен ийизин үзерлеп каапкан. 25Оортан Элисей Кармил дагже чорупкан k, а оон Самарияже ээп келген.
Copyright information for
TyvTUV