2 Samuel 3
Давидтиң Хевронга төрүттүнген оолдары
(1 Чыл. 3:1-4)
1Саул биле Давидтиң талалакчыларының аразында дыка үр үениң дургузунда дайын чоруп келген. Давидтиң талазы хүн келген тудум күш кирип турган, а Саулдуң талазы – кошкап баксыраан. 2Хевронга Давидтиң оолдары төрүттүнген. Ооң дун оглу Амнонну изреелчи кадайы Ахиноама божаан чүве-дир a. 3Ийи дугаар оглу Хилавты ▼▼ Өске бурунгу сөзүглелдерде Далуя азы Авия деп аттар таваржып турар.
кармилчи Навалдың кадайы чораан Авигея божаан. Үшкү оглу Авессаломну гессур хаан Талмайның c уруу Мааха божаан. 4Дөрткү оглу Адонияны – Аггит божаан d; бешки оглу Шефатияны Авитал божаан. 5Алдыгы оглу Ифреамны Давидтиң кадайы Эгла божаан. Давидтиң ол оолдары Хевронга төрүттүнген чүве-дир. Авенир биле Иевосфейниң маргышканы
6Саул биле Давидтиң талалакчыларының аразында дайын үезинде Саулдуң улузунуң аразынга Авенирниң салдары улгадып орган ▼▼ Азы: «Саулдуң талазын деткип турган».
. 7Саулдуң Рицпа дээр кул-кадайы турган. (Ол Айяның уруу турган чүве-дир.) f Бир катап Иевосфей ол херээжен дугайында Авенирден: «Чүге сен мээң ачамның кул-кадайы-биле удуп турар сен?» – деп айтырган. 8Авенир Иевосфейниң ол сөстери дээш дыка ажынган. Ол мынча дээн: «Иудейлерге бараан болуп турар саттыныкчы ыт-тыр мен бе? Мен сээң адаң Саулдуң салгалынга, дөргүл-төрелинге база өңнүктеринге шынчы бооп арткан мен. Сени мен Давидтиң холунга хүлээтпедим. А сен ам кээп ол херээжен дээш мени буруудадып тур сен! 9Дээрги-Чаяакчының Давидке даңгыраглаан сөзүн мен ам боттандырбас болзумза g, Дээрги-Чаяакчы мени канчаар-даа кезеткей аан! 10Дээрги-Чаяакчы: „Саулдуң чагыргазын былаап алгаш, Дан хоорайдан Беэр-Шева хоорайга чедир h бүгү Израильди болгаш Иудеяны чагырар хаан кылдыр Давидти дүжүлгеге олуртуп каар мен“дээн болгай». 11Иевосфей Авенирге удур чүве чугаалаваан, чүге дээрге ол оон коргар турган. Авенирниң Давид-биле эптежип алганы
12Авенир бодунуң элчилерин Давидке мындыг сөс чедирери-биле ооң турган черинче чорудупкан: «Кымның чери чүвел бо? Мээң-биле дугуржулгадан чарып алыңар. Ынчан бүгү израиль чон силерниң талаңарга апаар кылдыр силерни деткиир мен». 13Давид: «Ындыг-дыр, мен сээң-биле керээ-дугуржулгадан чарып аар мен. Сенден чүгле чаңгыс дилээм бар. Меңээ ужуражып кээриңде, Саулдуң уруу Мелхоланы эдертип эккеп көрем i. Оон башка мээң арнымны көрбес сен» – дээн. 14Оон Давид элчилерин Саулдуң оглу Иевосфейже: «Чүс филистим кижиниң өлүмүнүң өртээ-биле алган кадайым Мелхоланы бер j» деп чугаалазын дээш чорудупкан. 15Иевосфейниң дужаалы-биле Мелхоланы ооң ашаандан – Лаиштиң оглу Фалтийден былаап алганнар k. 16Ооң ашаа кады чорупкаш, Бахуримге чедир ыглап чорааш үдээн. Авенир аңаа: «Чана бер» – дээрге, ол чүгле ынчан чана берген. 17Авенир Израильдиң баштыңнары-биле сүмелешкеш, мынча дээн: «Силер Давидти үр үе иштинде бодуңарның хааныңар кылып алыксап чораан болгай силер. 18Ам хөделир үеңер келген-дир. Дээрги-Чаяакчы Давидтиң дугайында: „Мээң чалчам Давидтиң холу-биле Мен израиль чонумну филистимнер болгаш өске-даа дайзыннардан камгалаар мен“деп чугаалаан болгай». 19Ол-ла чугаазын Авенир вениаминчилерге база чугаалаан. Ооң соонда Авенир вениаминчилер болгаш өске израильчилер чүнү күзеп турарын Давидке дыңнадыр дээш, Хевронче чорупкан. 20Авенир база ооң-биле кады чээрби кижи Хевронда Давидке чедип кээрге, Давид оларга дой кылган. 21Оон Авенир Давидке: «Мен туруп чоруптайн. Мен дээрги хаанымга израиль чонну шуптузун чыып эккеп берейн. Олар силер-биле дугуржулгадан чарып аарга, силер бодуңар тураңар-биле оларны чагырып хааннаар силер» – дээн. Давид Авенирни амыр-тайбың салып чорудупкан.Авенирниң өлүрткени
22Ол үеде Иоав биле Давидтиң шериглери дайынчы аян-чоруктан хөй олчалыг ээп келген турган. Давид Авенирни амыр-тайбың салып чорудупкан, ынчангаш Авенир ол өйде Хевронга Давид-биле кады турбаан. 23Кажан Иоав кады чораан шерии-биле чедип кээрге, аңаа мынча дээннер: «Нирниң оглу Авенир чедип кээрге, хаан ону амыр-тайбың салып чорудупкан». 24Иоав хаанга чедип келгеш: «Ол канчаарың ол? Авенир чедип кээрге, чүге салып чорудупканың ол? Ол ам чоруй барган ышкажыл. 25Нирниң оглу Авенирни билир болгай сен. Ол сени мегелээр сорулгалыг, сээң дайынчы херээңни, чүнү кылып турарыңны шуптузун билип алыр дээш кээп чорааны ол-дур» – дээн. 26Давидтен үнгеш, Иоав шапкынчыларын Авенирни эккээр кылдыр чорудуптарга, олар ону Сира деп кудук чанындан тып эккелгеннер. А Давид ол дугайында чүнү-даа билбээн. 27Авенир Хевронга чедип кээрге, Иоав ону бүдүү чугаалажыр дээн кижи бооп хоорайның хаалгазынче киире бергеш, ооң иштинче шанчыпкан l. Иоав дуңмазы Асаил дээш өжээн негеп m, Авенирни ынчалдыр өлүрүп каан. 28Ооң соонда ол бүгүнү дыңнап кааш, Давид мынча дээн: «Мен база мээң чонум Дээрги-Чаяакчының мурнунга Нирниң оглу Авенирниң өлгени дээш бичии-даа буруулуг эвес бис. 29Ол дээш Иоав болгаш ооң төрел бөлүү бажы-биле харыылазын! Иоавтың салгалы кажан кезээде аштаңгы, шээр аарыглыг, кеш аарыглыг n, аскак-бүскек, дайынга өлүртүр болзун!» 30(Иоав биле ооң акызы Авесса o Авенирни ынчалдыр өлүрүп каан, чүге дээрге Авенир Гаваонга дайын үезинде оларның дуңмазы Асаилди өлүрүп каан.) pАвенирни хөөржүткени
31Давид Иоавка болгаш ооң кады чораан улузунга мынча дээн: «Хевиңерни ора соп, качыгдалдың самдар хевинден кедип алгаш, Авенир дээш кажыыдап ыглажыңар». Давид хаан ооң мөчүзүн салган хааржактың соондан чоруп орган. 32Хевронга Авенирни ажаап турда, хаан Авенирниң хөөрүнүң чанынга ыыткыр ыглап турган. Бүгү чон база ыглашкан. 33Авенир дээш хаан мынча деп кажыыдал ырызын ырлап турган:«Таанда-ла Авенир бужар-бак кижи дегөлүр ужурлуг турган бе?
34Сээң холдарың хүлүглүг,
буттарың шарыглыг турган эвес.
Дээрбечилер мурнунга дег,
барып ужуп канчаарың ол?»
Бүгү чон база катап ол дээш ыглашкан. 35Ооң соонда чон Давидке келгеш, аңаа хүн ашпайн чырык турда, чемненип аарын сүмелээн. Ынчалза-даа Давид мынча деп даңгырак берген: «Бир эвес мен хүн ашпаанда, хлеб азы өске-даа чем чиир болзумза, Бурган мени канчаар-даа кезеткей аан!» 36Бүгү чон ону көрген болгаш аңаа таарзынып турган. Черле хаанның кылып турар херектери оларга таарымчалыг бооп турган. 37Ол хүн Давидтиң бүгү улузу болгаш бүгү израиль чон Нирниң оглу Авенирниң өлүмүнге хаанның киржилгези чок дээрзин билип алган. 38Хаан бодунуң улузунга: «Бөгүн Израильде улуг баштыңчы өлген-дир деп чүвени билип тур силер бе? 39Бөгүн мен, шилиттирип алган хаан хиремде, ам-даа кошкак-тыр мен q. Бо улус – Саруйяның оолдары r менден дошкун-дур. Дээрги-Чаяакчы каржы кижиге ооң каржызының харыызын бээр-ле болзунам!» – дээн.
Copyright information for
TyvTUV