2 Samuel 1
Саулдуң өлгениниң дугайында Давидтиң билип кааны
1Саулдуң өлгениниң соонда a, амалик чонну чылча шаап кааш b, Давид Циклагче ээп чедип келген. Аңаа ол ийи хонган. 2Үшкү хонукта Саулдуң турлаандан качыгдал демдээ кылдыр хевин ора соп, бажында довурак-доозун чажып алган бир кижи Давидке чедип келгеш, аңаа черге чедир мөгейген. 3Давид оон: «Кайыын келдиң?» – деп айтырган. «Израильдиң турлаандан тынныг үндүм» – деп, ол харыылаан. 4Давид: «Чүү болган чүвел? Меңээ чугаалап бер» – дээн. Ол кижи тургаш: «Шериглер дайын шөлүнден дезип эгелээн. Дыка хөй улус өлүртүп кагды. Саул биле ооң оглу Ионафан база өлүп калды» – дээн. 5«Саул биле ооң оглу Ионафан өлген деп канчап билип алдың?» – деп, Давид медээ эккелген оолдан айтырган. 6Оол мынча деп харыылаан: «Гелвуя даанга таваржы бээримге, аңаа Саул бодунуң чыдазынга чөленип алган турду. А дайзынның дайынчы тергелери база аъттыг шериглери олче чоокшулап кел-ле чытты c. 7Саул хая көрнүп келгеш, мени көрүп кааш, кыйгырыпты. 8Мен аңаа чеде бергеш: „Дыңнап тур мен“– дидим. Ол: „Кым сен?“– деп айтырарга, мен: „Амалик кижи-дир мен“– деп харыыладым. 9Ынчан Саул менден: „Бээр чедип келгеш, мени өлүрүп каавыдам! d Мен хинчектенип-бачыдап тур мен, а амы-тыным ам-даа үзүлбейн тур“– деп диледи. 10Балыглаткаш, ол чурттап шыдавас деп чүвени билип кааш, мен аңаа чеде бергеш, ону өлүрүп кагдым. Мен ооң бажынга кедип чорааны оваадайын база холунга суп чорааны билектээжин ап алгаш, дээргим силерге эккелдим». 11Ынчан Давид болгаш ооң кады чораан улузу качыгдап, хептерин ора соккулап алганнар e. 12Олар дайынга өлүртүп каан Саул база ооң оглу Ионафан дээш, Дээрги-Чаяакчының аг-шерии дээш, израиль чон дээш кежээге чедир ыглап-сыктап, чүнү-даа чивейн, кажыыдап турганнар. 13Давид медээ эккелген оолдан: «Кайыын келген сен?» – деп айтырган. «Мен бо черже көшкен амалик кижиниң оглу-дур мен» – деп, оол харыылаан. 14Давид оолга: «Дээрги-Чаяакчының шилип алган хаанынче хол көдүреринден канчап кортпааның ол?» – дээн f. 15Оон бодунуң бир кижизин кыйгырыпкаш: «Баргаш, ол чүвени өлүрүп каавыт» – дээрге, оозу амалик кижини шанчып өлүрүп каан. 16Давид амалик кижиге: «Бодуңнуң бажыңче бодуң-на хан кудуп алдың. „Дээрги-Чаяакчының шилип алган хаанын өлүрүп кагдым“дээн сөстериң-биле сен бодуң-на бодуңга удур херечилеп алдың» – дээн.Давидтиң кажыыдал ырызы
17Оон Давид Саул биле ооң оглу Ионафанга кажыыдалдың бо ырызын тураскааткан. 18«Ча-согун» деп ырыны ▼▼ Бо сөстерниң утказы эки билдинмес. Болгу дег өске уткалары: «Дайынчы чепсекти алгап-мактаан ырыны» азы «Дайылдажырынга өөредип турар ырыны».
Давид иудей чонга өөредип каарын дужааган. (Ол ырны Яшарның номунда ▼▼ Азы: «Эки мөзүлүг улустуң ному» (Иис. 10:13 көр).
бижип каан). Ооң сөзү бо-дур: 19– Сээң алдарың, о Израиль,сээң бедиктериңде өлүртүп кагды!
Күчүлүглер канчаар кырлып турбады дээр!
20Ооң дугайында Геф хоорайга баргаш, чугаалашпаңар i,
ону черле Аскалоннуң кудумчуларынга чарлаваңар j,
оон башка филистимнер уруглары өөрүй бээр,
кыртыжадып демдектетпээн хейлерниң ажы-төлү байырлай бээр k.
21О, Гелвуя даглары! l Силердиве шалың дүшпес,
чаъс чагбас болзун!
Чаагай дүжүттүг шөл-даа турбазын!
Чүге дээрге аңаа күштүглерниң дозуг-камгалалы бужартаан –
Саулдуң дозуг-камгалалы – ам кажан-даа кылаңнавас!
22Күштүг дайзыннарның мага-бодунче кадалырындан,
оларның ханынга боражырындан
Ионафанның ча-согуну чалданмаан,
Саулдуң хылыжы халас ээлбээн болгай.
23Саул биле Ионафан –
бот-боттарынга эргим, ынак чораан болгаш,
өске оран чоруурда безин чарылбаан-дыр.
Алыс боттары эзирден кашпагай,
арзылаңдан күштүг чорааннар-дыр.
24О Израильдиң уруглары!
Силерге аажок чараш каасталгалыг хептер берип,
алдын-биле шимеп даараан тон кедирип чораан
Саул дээштиң кажыыдаңар.
25Күчүлүглер канчаар дайылдажып, кырлып турбады дээр!
Ионафан бедиктерге барып өлдү.
26Мээң аажок эргим акым Ионафан,
сен дээш кажыыдап тур мен.
Мээң-биле найыралың
өндүр улуг, чараш турган –
херээженнер ынакшылы ында-ла каар m.
27Күчүлүглер канчаар кырлып турбады дээр!
Дайын-чааның чепсээ сыйлып, чиде берген!
Copyright information for
TyvTUV