2 Samuel 2
Давидтиң Иуданың аймааның хааны апарганы
1Элээн үе эрткенде, Давид Дээрги-Чаяакчыдан: «Иудеяның кайы-бир хоорайынче баар мен бе?» – деп айтырган. Дээрги-Чаяакчы: «Бар» – деп харыылаан. Давид: «Кайнаар баар мен?» – деп айтырарга, Ол: «Хевронче a» – дээн. 2Давид ынаар чорупкан. Ооң-биле кады ийи кадайы – изреелчи Ахиноама база Навалдың кадайы чораан кармилчи Авигея b – чорупкан чүве-дир. 3Ол бодунуң улузун өг-бүлелери-биле кады эдертип алгаш c, Хеврон хоорайга турумчуп алган. 4Иуданың аймааның төлээлекчилери Хевронга чедип келгеш, Давидти үс-биле чаап d, боттарының аймааның хааны болур кылдыр шилип алган. Давидке Галаадта Иавистиң чурттакчылары Саулду орнукшудуп каанын дыңнадырга e, 5ол Иавистиң чурттакчыларынче айбычыларын мындыг сөс чедирери-биле чорудупкан: «Дээргиңер Саулга энерелден көргүзүп, ону ажаап кааныңар дээш, Дээрги-Чаяакчы силерге ачы-буянын хайырлазын, 6Дээрги-Чаяакчы силерге энерелдиг, шынчы болзун. Ынчанганыңар дээш мен база силерге чаагай сеткилдиг болур мен. 7Күштүг болгаш эрес-дидим болуңар; силерниң дээргиңер Саул өлген-дир, ындыг-даа болза, Иуданың аймаа мени үс-биле чаап, бодунуң хааны кылдыр шилип алды».Иевосфейниң Израильдиң хааны апарганы
8А Саулдуң шерииниң даргазы, Нирниң оглу Авенир f Саулдуң оглу Иевосфейни Маханаим хоорайга g эккелген. 9Ону Галаад девискээрниң, Ашурнуң ▼▼ Өске бурунгу сөзүглелдерде «Ашурнуң» эвес, а «Асирниң аймааның», «гессур девискээрниң» деп бижээн.
, Изреелдиң, Эфрем биле Вениамин аймактарның – бүгү Израильдиң хааны кылып каан. 10Израильди чагырып эгелээн үезинде, Саулдуң оглу Иевосфей дөртен харлыг турган. Ол ийи чыл дургузунда хааннаан. А Иуданың аймаа дөмей-ле Давид-биле кады артып калган. 11Давид Хевронга чурттап тургаш, Иуданың аймаан чагырып хааннаанының хуусаазы чеди чыл алды ай болган i. Израильчилер биле иудейлерниң аразында дайын
12Нирниң оглу Авенир база Саулдуң оглу Иевосфейниң улузу Маханаимден Гаваонче чорупкан. 13А Саруйяның оглу Иоав ▼▼ Иоав – Давидтиң чээни, ооң шерииниң баштыңчызы (8:16 көр).
Давидтиң улузу-биле кады оларга удур туруп, Гаваон хөөлбээнге k уткужа бергеннер. Давидтиң дайынчылары хөөлбектиң бир талазынга, а Иевосфейниң дайынчылары – удур талазынга туруп алган. 14Авенир Иоавка: «Оолдарның чамдыызы бистиң мурнувуска үнүп келгеш, тулушсуннар» – дээн. Иоав: «Ынчалзыннар» – деп харыылаан. 15Саулдуң оглу Иевосфейниң талазындан он ийи вениаминчи, Давидтиң талазындан база он ийи кижи үнүп келгеннер. 16Оларның кайызы-даа удурланыкчызының бажындан сегирип алгаш, ооң быктынче хылыжын киир шанчыпкаш, деңге кээп ужуп турган. Ынчангаш Гаваонда ол черни Хелкат-Хаццурим ▼▼ «Хылыштар шөлү» дээн.
деп адап каан. 17Ооң соонда эң-не каржы-дошкун тулчуушкун эгелээн, Авенир израильчилер-биле кады Давидтиң улузунга аштырып алган. 18Аңаа Саруйяның Иоав, Авесса база Асаил деп үш оглу турган m. Асаил, хову черниң чээрени дег, кончуг кашпагай болган. 19Ол Авенирниң изин оң, солагай талазынче-даа чандыр баспайн, ызырты истеп чорупкан. 20Авенир хая көрнүп келгеш: «Сен сен бе бо, Асаил?» – деп айтырган. Асаил: «Ийе, мен-дир мен» – дээн. 21Ынчан Авенир мынча дээн: «Оң азы солагай талаже ээпкеш, оолдарның бирээзин сегирип алгаш, ооң ок-чепсээн ап ал». Ынчалза-даа Асаил Авенирден чыдып каар хөңнү чок болган. 22Авенир катап база Асаилге сагындырып чугаалаан: «Мени сүрериң соксадып көрем. Сени өлүрер хөңнүм чогул. Ооң соонда сээң акың Иоавтың арнынче канчап көөр мен?» 23Ынчалза-даа Асаил чыдып каарын күзевээн. Ынчан Авенир чыдазының соңгу ужу-биле ооң иштинче шанчыптарга, ооргазындан үнүп келген. Асаил барып ушкаш, ол-ла черинге өлүп калган. Асаилдиң кээп дүшкеш, өлүп калган черин таварып эрткен кижи бүрүзү аңаа доктаар турган. 24Оон Иоав биле Авесса Авенирни сүрүп чорупкан. Гаваоннуң ээн кургаг ховузунче баар орукта Гиахтың дужунда турар Амма деп тейге олар чедип келгенде, хүн ажа берген. 25Вениаминчилер Авенирни долгандыр чаңгыс шериг кылдыр бөлдүнчүп алгаш, бир тейниң бажынга турумчуп алган. 26Авенир Иоавче мынча деп кыйгы салган: «Хылыш-мези мөңгеде улус хыдып кээр деп бе? Бо чүве качыгдалдыг төнер дээрзин билбейн турар кижи сен бе? Бодунуң-на ха-дуңмазын истеп-сүрерин соксадырын шериглериңге кажан дужаар кижи сен?» 27Иоав: «Бурганның ады-биле даңгыраглап тур мен: бир эвес сен бо эртен өскээр чугаалаан болзуңза, мээң шериглерим ха-дуңмазын истеп-сүрерин ол-ла үеде соксап каан турар ийик» – дээн. 28Иоав трубазын этсиптерге, ооң шериглери доктаай бергеш, израильчилерни сүрбейн барган. Тулчуушкун соксай берген. 29Авенир бодунуң улузу-биле ол дүннү өттүр Иордан шынаазын таварып, хемни кешкеш, эртен дургу чорааш ▼▼ Азы: «Бүгү Битрон деп черни таварааш».
, Маханаимге чедип келген. 30Иоав Авенирни сүрерин соксадып, ээп келгеш, шериглерин чыып алгаш көөрге, Асаилден аңгыда, Давидтиң улузу 19 кижи четпес болган. 31Давидтиң улузу Авенирниң вениаминчи шериглерин чылча шаап каан; олардан 360 кижи өлүрткен чүве-дир. 32Давидтиң улузу Асаилдиң мөчү-сөөгүн ап алгаш, Вифлеемде ачазының чевег-куюнга ажаап каан. Иоав бодунуң шериглери-биле дүннү өттүр чорааш, даңгаар эртен Хевронга чедип келген.
Copyright information for
TyvTUV