2Sa 5:6-10 | TyvTUV | STEP | Хаан шериглери-биле Иерусалимде чурттап турар иевус чонга удур дайынче үнүпкен . Иевустар Давидке: «Сен бээр кирбес сен. Сени согур, аскак улус безин сывырып чорудуп боор» – дээннер. Ол дээрге «Давид бээр кирип шыдавас» дээни ол чүве-дир.

d 3 Хаан. 9:15; 9:24; 11:27; 2 Чыл. 32:5

‏ 2 Samuel 5:6-10

Давидтиң Иерусалимни эжелеп алганы

(1 Чыл. 11:4-9)

6 Хаан шериглери-биле Иерусалимде чурттап турар иевус чонга удур дайынче үнүпкен ^a. Иевустар Давидке: «Сен бээр кирбес сен. Сени согур, аскак улус безин сывырып чорудуп боор» – дээннер. Ол дээрге «Давид бээр кирип шыдавас» дээни ол чүве-дир. 7 Ынчалза-даа Давид Сион шивээзин эжелеп алган. Ол болза Давидтиң Хоорайы-дыр ^{▼▼ Сион дагда турар Иерусалимниң эрги талазы. Ында шивээ болгаш хаанның ордузу бар турган.}. 8 Ол хүн Давид мынча дээн: «Иевустарны өлүрер дээн кижи бүрүзү хоорайның суун ^{▼▼ Бо домактың утказы эки билдинмес. Хоорайның суу – хоорайны суг-биле хандырып турар камгалалдыг чер чадавас.} таварып эрте бергеш, Давидти көөр хөңнү чок „ол согур, аскак“улусту чыда-биле шанчып өлүрзүн!» (Ол үеден бээр «Согур-даа, аскак-даа кижи ордуже кирбес» деп чугаа тывылган чүве-дир.) 9 Давид ол шивээге турумчуп алгаш, ону Давидтиң Хоорайы деп адап алган. Ол Милло шивээзинден эгелеп ^d, хоорайны долгандыр быжыг камгалал кылып алган. 10 Давид улам-на күштүг бооп кел чыткан ^e, Аг-шериглиг Дээрги-Бурган-Чаяакчы ооң-биле кады болуп турган.