aАж.-ч. 15:22; 1 Пет. 5:12; 1 Фес. 1:1
bАж.-ч. 16:1
cЭф. 5:20; 1 Фес. 1:2; 2 Фес. 2:13
d1 Фес. 2:19
eЛк. 20:35
fАжыд. 6:10
gИуда 1:14
hИса. 66:15-16; 2 Пет. 3:7
iБашт. 2:10; Иов 18:21; Иер. 9:3
jИса. 2:10
k1 Кор. 3:13; 1 Фес. 1:10
lКол. 1:9

‏ 2 Thessalonians 1

Киирилде сөстер

1Павел, Сила a база Тимофейден b байыр. Фессалоникада Бурган Адавыс болгаш Дээрги Иисус Христоска бүзүрээннер ниитилелинге бижидим.

2Бурган Адавыс болгаш Дээрги Иисус Христостан келген авырал биле амыр-тайбың силерге доктаазын!

Бурганның шииткелиниң дугайында

3Ха-дуңма, силер дээш, Бурганга үргүлчү өөрүп четтирер ужурлуг бис c. Ындыг боору чөп, чүге дээрге силерниң бүзүрелиңер өй-кызыгаар чок өзүп, бот-боттарыңарга ынакшылыңар улам улгадып орар. 4Ынчангаш бис боттарывыс-ла силерниң шыдажып эртип турарыңар бүгү истеп-сүрүүшкүннер, хилинчектер ортузунга туруштууңар база бүзүрелиңер дугайында Бурганга бүзүрээннерниң өске ниитилелдеринге чоргаарал-биле d чугаалап турар бис.

5Бурганның шииткели чөптүг дээрзиниң бадыткалы бо-дур: ол дээш, хинчектенип турарыңар Бурганның Чагыргазынче алызы барып киреринге төлептиг кылдыр e санаттырар силер. 6Бурган чөптүг: хилинчээңер дээш буруулуг улуска Ол хилинчек-биле орнун эгидер f, 7а ам хилинчек көрүп чоруур силерге бис-биле катай Дээрги Иисустуң ээп кээр хүнүнде амыр-дышты хайырлаар. Христос дээрден Бодунуң күчүлүг төлээлери-биле кады g 8оттуң чалбыыжынга бүргеткен чедип келгеш h, Бурганны билип албаан i база Дээргивис Иисустуң Буянныг Медээзинге чагыртпаан улуска кеземчени эккээр. 9Олар мөңге өлүмнүң кеземчези-биле санажыр: оларны Дээрги-Чаяакчының чанынга турарындан база Ооң өндүр бедик күжүнден чарып, ойладып чорудуптар j. 10Аңаа бүзүрээн бүгү улузун магададып, оларның аразынга алдаржыыры-биле Христостуң чедип кээри хүнде ол бүгү чогуп бүдер k. Бистиң херечилеливиске бүзүрээш, силер база Ооң улузунуң санынче кирген силер.

11Ынчангаш силер дээш үргүлчү мөргүп, Бургандан дилеп тур бис l: Ол силерни Бодунуң олче кыйгырган амыдыралынга төлептиг кылып кагзын, силерниң хамык буянныг сагыжыңарны, бүзүрээниңерден укталган ажыл-херээңерни Бодунуң күжү-биле эчизинге чедирзин. 12Ынчан силерниң ачыңарда Дээргивис Иисустуң ады алдаржыыр, а силер база Бурганывыстың болгаш Дээрги Иисус Христостуң авыралы-биле Ооң ачызында алдаржыыр силер.
Copyright information for TyvTUV