Amos 1
1Текоя чурттуг a кадарчыларның бирээзи Амостуң сөстери бо-дур. Израиль дугайында Бурганның чорутканы бо көстүүшкүннү Амос Иудеяның хааны Озияның чагырып турганы база Иехоаштың оглу, Израильдиң хааны Иеровоамның чагырып турганы үеде b, чер шимчээшкини болурунуң c ийи чыл мурнунда көрген. 2Амос:«Дээрги-Чаяакчы Сиондан диңмирээр,Иерусалимден дыңзыдыр алгырар d;
кадарчыларның оран-савазында улус качыгдап ыглажыр ▼
▼ Азы: «Кадарчыларның одар-белчиирлери кургап каар».
,Кармил дааның f бажы кургай бээр» – деп чугаалаан.
Израильдиң кожазы чоннарның кеземчези
3Дээрги-Чаяакчы мынча дээн:«Хөй санныг кемниг үүлгедиглери дээш,
Дамаскының чурттакчыларын өршээвес мен g,
чүге дээрге олар Галаадты демир-биле чылча бастырып турган-дыр h.
4Азаил хаанның i ордузунче отту ыдар мен,
ол от Венадад хаанның шивээлерин чиптер j.
5Дамаскының хаалгазының дээктерин адыра шаап кааптар мен k,
Авен шынаада l чурттаан улусту база Бет-Эденде m дүжүлге ээлээн кижини узуткап каар мен;
арамей чонну тудуп алгаш, Кирже n шөлүптер».
Дээрги-Чаяакчының чугаалаан чүвези ол-дур.
6Дээрги-Чаяакчы мынча дээн:
«Хөй санныг кемниг үүлгедиглери дээш,
Газа хоорайның чурттакчыларын өршээвес мен o,
чүге дээрге олар хары чонну, Эдомга хүлээдип бээр дээш,
мөөңү-биле тудуп аппарган болгай p.
7Газаның ханазынче отту ыдар мен,
ол от ооң шивээлерин чиптер.
8Азот хоорайның чурттакчыларын q,
Аскалонда дүжүлге ээлээн кижини узуткап каар мен
база Экронче холумну угландырар мен –
ынчан артып калган филистим чон кырлып каар r».
Дээрги-Бурган-Чаяакчының чугаалаан чүвези ол-дур.
9Дээрги-Чаяакчы мынча дээн:
«Хөй санныг кемниг үүлгедиглери дээш,
Тир хоорайның чурттакчыларын өршээвес мен s,
чүге дээрге олар хары чонну мөөңү-биле тудуп аппаргаш,
Эдомга хүлээдип берген-дир
база ха-дуңмалышкы эвилелди уттупкан-дыр t.
10Тирниң ханазынче отту ыдар мен –
ол от ооң шивээлерин чиптер».
11Дээрги-Чаяакчы мынча дээн:
«Хөй санныг кемниг үүлгедиглери дээш,
Эдомнуң чурттакчыларын өршээвес мен u,
чүге дээрге олар ха-дуңмазы болур израиль чонну хылыш туткаш,
кээргел чок сывыртап, килеңинге алыскаш,
доктаамал дошкуурап, үргүлчү хорадап турган-дыр v.
12Теман черже отту ыдар мен,
ол от Восора хоорайның шивээлерин чиптер».
13Дээрги-Чаяакчы мынча дээн:
«Хөй санныг кемниг үүлгедиглери дээш,
аммон чонну өршээвес мен w,
чүге дээрге ол, бодунуң девискээрин алгыдып аар дээш,
галаад черге сааттыг херээженнерни одура шаап турган-дыр x.
14Равва хоорайның y ханазынга отту кыпсыр мен,
ол от ооң шивээлерин чаа-дайын хүнүнде алгы-кышкы аразынга,
хат-шуурганныг хүнде казыргыланып келгеш, чиптер.
15Оларның хаанын хамык нояннары-биле кады дайзын тудуп алгаш баар z».
Дээрги-Чаяакчының чугаалаан чүвези ол-дур.
Copyright information for
TyvTUV