‏ Amos 2

1Дээрги-Чаяакчы мынча дээн: «Хөй санныг кемниг үүлгедиглери дээш,
Моавтың чурттакчыларын өршээвес мен a,
чүге дээрге олар Эдомнуң хаанының сөөгүн хүл кылдыр өрттедипкен-дир.
2Моавче отту ыдар мен,
ол от Кериот хоорайның b шивээлерин чиптер,
моав чон ону чылча шапкан аг-шеригниң алгы-кышкызының аразынга,
дайзыннар труба этсип турда, кырлып каар.
3Ол чоннуң баштыңчызын узуткап,
ооң-биле кады шупту нояннарны өлүрүп каар мен».
Дээрги-Чаяакчының чугаалаан чүвези ол-дур.

Иудея биле Израильдиң кеземчези

4Дээрги-Чаяакчы мынча дээн:
«Хөй санныг кемниг үүлгедиглери дээш,
Иудеяның чурттакчыларын өршээвес мен,
чүге дээрге олар Дээрги-Чаяакчының хоойлузундан ойталап,
Ооң дүрүмнеринге шынчы бооп артпаан-дыр c;
ада-өгбезиниң эдерип турганы меге бурганнар ол чонну оруундан өскээр дуурайлап каапкан-дыр d.
5Иудеяже отту ыдар мен,
ол от Иерусалимниң шивээлерин чиптер e».

6Дээрги-Чаяакчы мынча дээн:
«Хөй санныг кемниг үүлгедиглери дээш,
Израильдиң чурттакчыларын өршээвес мен,
чүге дээрге ол чонда чөптүг-шынныг кижини – акша-мөңгүнге,
ядыы кижини – эжеш идик өртээнге-ле кул кылдыр садып турар-дыр f.
7Олар ядыы улусту довуракче доңгайтыр базып,
эрге-шөлээ чок улустуң оруун моондактаар-дыр g,
оглу-даа, ачазы-даа, чаңгыс-ла ол херээжен-биле будалып h,
Мээң ыдыктыг адымны бужартадыр-дыр.
8Олар долаа төлевири кылдыр алган хевин чаткаш
Ыдыктыг хоойлуда долаа төлевири кылдыр алган хепти дүн дүшпээнде ээзинге дедир эгидерин дужааган турган (Хост. 22:26; Ы. х. к. 24:12-13 көр).
,
өргүл салыр бедигээштер чанынга чыдып аар-дыр,
буруудаттырып турар улустан торгаал кылдыр алган арагазын
бурганнарының өргээзинге
Азы: «Бурганының өргээлеринге».
ижер-дир.

9А Мен силерниң мурнуңарга пөш ышкаш бедик-чаагай k,
дуб ышкаш быжыг амор чонну узуткап кагдым,
ооң дазыл-дөзүн тура тыртып кагдым l.
10Мен силерни, амор черни ээлеп алзын дээш,
египет черден үндүре бергеш m,
дөртен чыл дургузунда ээн кургаг ховуга эдертип чоруп турдум n.
11 12Силерниң оолдарыңар аразындан – Бодумнуң медээчилеримни,
аныяк оолдарыңар аразындан – назорейлерни шилип ап турдум o.
Ындыг эвес ийик бе, израиль чон?
А силер назорейлерге арага сыгап,
медээчилерге: „Өттүр билип медеглевеңер!“– деп дужаап турдуңар p».
Дээрги-Чаяакчының медеглээн чүвези ол-дур.

13«Көрдүңер бе, Мен силерни,
долдур моожалар чүдүрген тергениң базары дег,
чылча бастырар мен;
14чүгүрүк-даа кижи дезе бээр арга тыппас,
быжыг-даа кижиниң туржуп шыдаар күжү чок апаар,
күш-шыдалдыг-даа кижи амы-тынын камгалап шыдавас q.
15Ча-согуннуг-даа кижи шыдашпас,
чүгүрүк-даа кижи, аът мунган-даа кижи амы-тынын камгалап шыдавас.
16Эң-не эрес-дидим дайынчы безин
Дээрги-Чаяакчының шииткел хүнүнде хол даяң дезип чоруй баар».
Дээрги-Чаяакчының медеглээн чүвези ол-дур.
Copyright information for TyvTUV