Amo 9 | TyvTUV | STEP | Өргүл салыр бедигээш чанында турар Дээргини көрүп кагдым. Ол меңээ мынча дээн: «Дээвиир сириңейни бээр кылдыр адагашты үстүрүпкеш, дээвиирни демги улустуң шуптузунуң баштарынче кээп дүжер кылывыт , дириг артканнарын Мен хылыш-биле шанчып өлүрүп каар мен: оларның аразындан дезер дээн кижи дезип шыдавас, амы-тынныг артарын күзээн кижи камгалал ап шыдавас.

a Башт. 16:26-30

bЫд. ыр. 138:8-10

cЫд. ыр. 67:23

d Ыд. ыр. 45:7

i 4 Хаан. 16:9; Иса. 22:6; Ам. 1:5

p Иов 3:14; Иса. 58:12; 61:4

q Иер. 31:5

‏ Amos 9

Вефилде өргүл бедигээжиниң көстүүшкүнү

1 Өргүл салыр бедигээш чанында турар Дээргини көрүп кагдым. Ол меңээ мынча дээн:

«Дээвиир сириңейни бээр кылдыр адагашты үстүрүпкеш,
дээвиирни демги улустуң шуптузунуң баштарынче кээп дүжер кылывыт ^a,
дириг артканнарын Мен хылыш-биле шанчып өлүрүп каар мен:
оларның аразындан дезер дээн кижи дезип шыдавас,
амы-тынныг артарын күзээн кижи камгалал ап шыдавас.
2 Олар Менден дезип, алдыы оранче-даа кире бээр болза,
Мээң холум оларны ушта тыртып аар,
дээрже-даа дезип үне бээр болза,
оортан дүжүр октаптар мен ^b.
3 Кармил дагның бажынга-даа чашты бээр болза,
оларны аңаа тып алгаш, тудуп аар мен;
далай дүвүнге-даа Мээң караамдан ажытталы бээр болза,
оларны аңаа шагарын далай чыланынга дужаар мен ^c.
4 Дайзыннар тудуп алгаш, сүрүп аппаар-даа болза,
оларны аңаа өлүрүп каарын хылышка дужаар мен.
Оларга ачы-буянны эвес, айыыл-халапты таварыштырар мен».

5 Аг-шериглиг Дээрги-Бурган-Чаяакчы чер кырынга дээптерге,
ол эстип-хайлы бээр ^d,
ында чурттап турар бүгү улус кажыыдап ыглажыр,
ол чер Египетте Нил хем ышкаш көдүрлүр база чавырлыр ^e.
6 Дээрги-Чаяакчы Бодунуң үстүкү ордузун дээрлерге туткан ^f,
дээрниң таваан черге тургускан;
Ол далайның сугларын кыйгыргаш,
чер кырынга тарай аксып турар;
Ооң ады – Дээрги-Чаяакчы! ^g

Бурган Израильди узуткааш, оон катап тургузуп каар

7 «Израильчилер, силерге Мээң хамаарылгам эфиоптарга ышкаш эвес ийик бе? – деп,
Дээрги-Чаяакчы медеглээн. –
Силерни египет черден үндүре бергеним дег,
филистим чонну – Кафтордан ^h, арамей чонну – Кирден ⁱ база
Мен үндүре бербээн ийик мен бе?
8 Дээрги-Бурган-Чаяакчының карактары бачыттыг күрүнеже көрүп тур.
Мен ону чырык чер кырынга турбас кылдыр узуткап каар мен.
Ынчанмыже Иаковтуң ук-салгалын шуут-ла узуткавас мен – деп,
Дээрги-Чаяакчы медеглээн. –
9 Дыңнаңар даан, Мен дужаал берип,
израиль чоннуң бок хавыын, далган-тарааны шишкиишке челбиири дег,
бүгү чоннар аразынче тарай шишкиир мен ^j,
чаңгыс-даа үрезин черже кээп дүшпес!
10 Мээң чонумда бүгү бачыттыг улус –
„Бо айыыл-халап бисти таварбас, биске чедип келбес!“дижир улус ^k –
хылыштан өлүп калыр.

11 Шииткел хүнү кээрге,
Мен Давидтиң буступ дүшкен чадырын ^{▼▼ Шак бо ойзу сөглээн сөстер Давид хаанның салгалының ышкынып алган эрге-чагыргазын көргүзүп турар чадавас.} катап тургузар мен,
ооң тиглерин дуглап каар мен, бузундуларын эде тудуштурар мен,
бурунгу үеде турганы дег кылдыр тудуп каар мен ^m.
12 Израильчилер ынчан Эдомнуң арткан чонун болгаш
Меңээ хамааржыр бүгү өске чоннарны чагырып алыр».
Ол бүгүнү кылыр Дээрги-Чаяакчының медеглээн чүвези ол-дур.

13 «Дүжүттүң хөйүнден ону чыып безин четтикпейн баар,
элбек үнгенинден виноградты арага кылдыр хуулдуруп четтикпейн баар үе кээр – деп,
Дээрги-Чаяакчы медеглээн, –
ынчан виноград чулуу даглардан сыстып үнер,
хамык тейлерден агып бадар ⁿ.
14 Мээң израиль чонумга эки чолду эгидер мен ^{▼▼ Азы: «Израиль чонумну туттуруушкундан эгидер мен».},
олар буурап дүшкен хоорайларны катап туткаш ^p, аңаа чурттай бээр,
шөлдерге виноград олурткаш, ооң арагазын ижер,
садтар тарып алгаш, ында кат-чимисти чыып чиир ^q.
15 Израильчилерни боттарының черинге чурттадып каар мен,
оларны Мээң бергеним черден база катап үндүр сывырбас».
Дээрги-Чаяакчы Бурганыңның чугаалаан чүвези ол-дур.