aХост. 12:51
bЫ. х. к. 7:6; 10:15
cИез. 33:4; Ос. 5:8; Иоил 2:1
dЫы. 3:38; Мих. 1:12
eЭ. д. 18:17
fИса. 31:4
gСан. 22:38
h3 Хаан. 21:1
iИса. 3:14; Мих. 6:10-12
jЫ. х. к. 28:52; 4 Хаан. 17:5-6; 18:9-12
kХост. 27:2; 3 Хаан. 13:1-3; 4 Хаан. 23:15
lИер. 36:22
m3 Хаан. 22:39

‏ Amos 3

Бурганның медээчизи ыыттавайн барбас ужурлуг

1Израиль чон, Дээрги-Чаяакчының силерге удур – Бодунуң египет черден үндүре бергени a бүгү аймак-чонга удур
чугаалаан сөстерин дыңнаңар:
 2«Черниң бүгү аймак-чоннарындан чүгле силерни хүлээп көрген мен b,
ынчангаш бүгү кем-бурууңар дээш, силерни кезедир мен».

3Ийи кижи, дугуржуп албайн чыткаш, кады чорук кылыр деп бе?
 4Аргада арзылаңның мурнунда олча-тывыш чок болза, ол ырланыр деп бе?
Арзылаңчыгаш олча тудуп албаан болза, чыдынындан ырланыр деп бе?
 5Дузакта чемиш чок болза, куш ынаар кирер деп бе?
Какпаже чүү-даа кирбээн болза, ол часты бээр деп бе?
 6Хоорайга шериг труба этси бээрге, улус коргуп сирилевес деп бе? c
Айыыл-халап хоорайны хөме тавараан болза, ону Дээрги-Чаяакчы үндүрбээн деп бе? d
 7Дээрги-Чаяакчы чүү-даа чүвени Бодунуң чалчалары болур медээчилерге
чажыт бодалдарын ажытпайн кылыр эвес e.
 8Арзылаң ырланган соонда, кижи коргуп сирилевес деп бе? f
Дээрги-Бурган-Чаяакчы чугаалаан соонда, кижи Ооң сөзүн медеглевес деп бе? g

Самарияның буураары

9«Азот хоорайның база египет черниң шивээлеринге:
„Самарияны долгандыр турар дагларга чыылгаш,
ол хоорайда кедерээн ужур-дүрүм чок чорукче,
кызып-кыйыышкынче көрүңер h“– деп чарлаңар.
 10Ол дээрге ак сеткилдии-биле чурттап билбес,
боттарының шивээлеринде эртине-байлакты
күчүлел болгаш үптээшкин-биле чыып ап турар улус-тур i» – деп,
Дээрги-Чаяакчы медеглээн.
 11Оон Дээрги-Бурган-Чаяакчы мынча дээн:
«Дайзын бүгү чуртту бүзээлеп аар.
Ол Самарияның күчү-күжүн узуткап каар,
шивээлерин үптеп кааптар j».

12Дээрги-Чаяакчы мынча дээн:
«Самарияда орунунуң кыдыында база Дамаскыда орун-дөжээнде олурар
израильчилер камгалал алыр бе?
Кадарчы кижиниң арзылаң аксындан малының ийи чодазын
азы кулааның чартыын ушта тыртып аары дег, чүгле ындыг камгалал ап шыдаарлар.

13Дыңнаан соонда, Иаковтуң салгалынга удур херечилеңер – деп,
Аг-шериглиг Дээрги-Бурган-Чаяакчы медеглээн. –
 14Кем-буруузу дээш, Израильди кезедип кээр хүнүмде
Вефилде өргүл салыр бедигээштерни база үреп бузар мен:
бедигээштиң мыйыстарын одура шаап каарга,
олар черже кээп дүжер k.
 15Кышкы-даа, чайгы-даа бажыңнарны l бузуп каар мен,
чаан сөөгүнден кылган каасталгаларлыг бажыңнар m база буступ чиде бээр –
дыка хөй бажыңнар ынчалдыр буступ каар».
Дээрги-Чаяакчының медеглээн чүвези ол-дур.
Copyright information for TyvTUV