Amos 7
Шартылаалыг көстүүшкүн
1Дээрги-Бурган-Чаяакчы меңээ мындыг көстүүшкүн чорудуп берген. Хаанның сигенин кескен соонда үнген оът-сиген чаа-ла өзүп эгелеп турда, Ол шартылааны тывылдырган болду a. 2Шартылаа чер-чурттуң ногаан үнүжүн төндүр чиптерге, мен: «Дээрги-Бурган-Чаяакчы, чонуңну өршээп көрем, Израиль канчап шыдажырыл? Ооң бичиизи аажок-тур» – дидим. 3Дээрги-Чаяакчы кээргей бергеш: «Көрген чүүлүң болбас!» – деп чугаалады b.Оттуг көстүүшкүн
4Дээрги-Бурган-Чаяакчы меңээ мындыг көстүүшкүн чорудуп берген. Ол от-биле шииткел үндүрерин чарлады; шак ол от чер адаанда өндүр улуг сугларны, ол кезек черни өрттендир чип эгеледи. 5Мен ынчан: «Дээрги-Бурган-Чаяакчы! Соксап көрем. Израиль канчап шыдажырыл? Ооң бичиизи аажок-тур» – дидим. 6Дээрги-Бурган-Чаяакчы кээргей бергеш: «Ам көрген чүүлүң база болбас!» – деп чугаалады.Хананың дортун хынап көөр херекселдиг көстүүшкүн
7Дээрги меңээ мындыг көстүүшкүн чорудуп берген. Ол Боду хананың дортун хынап көөр херексел дузазы-биле туткан хана чанында турду, ук херексел Ооң холунда болду. 8Дээрги-Чаяакчы менден: «Чүнү көрүп тур сен, Амос?» – деп айтырарга c, мен: «Хананың дортун хынап көөр херекселди» – деп харыыладым. Дээрги: «Көрдүң бе, Мээң израиль чонумнуң ыргак-дортун хынап, шенеп көрдүм, аңаа катап база өршээл көргүспес мен. 9Исаактың салгалдарының мөгейиишкин кылыр бедик черлери хоозураар, Израильдиң ыдыктыг дээн черлери үрелип бустур, Мээң хылыжым Иеровоам хаанга база ооң ук-салгалынга удур тулчур d» – деп чугаалады.Амасияның Амосту доктаадырын оралдашканы
10Ынчан Бурганның Вефилде бараалгакчызы e Амасия дээрзи израиль хаан Иеровоамче: «Амос силерге удур израиль чоннуң аразында сүлчээ белеткеп тур, ооң шупту сөстерин чуртувус угбайн тур. 11Чүге дээрге Амос: „Иеровоам хылышка шаштырып өлүр, а израиль чонну бодунуң черинден тудуп аппаар“– деп турду f» – дээн медээ дамчытты. 12Амасия оон Амоска: «Бүдүү билир! Барып, Иудеяже дезивит; аңаа өттүр билип медегле, аъш-чемиңни ынчалдыр ажылдап чи g. 13Моон соңгаар Вефилге өттүр билип медеглеве h, чүге дээрге ол – хаанның ыдыктыг чери-дир, Бурганның күрүне чергелиг өргээзи-дир i» – деп чугаалаан. 14Амос Амасияга харыылап, мынча дээн: «Мен бүдүү билир-даа, бүдүү билирниң оглу-даа эвес мен. Мал кадарчызы-даа j, фига ыяжының ажаакчызы-даа чордум. 15Ынчалза-даа Дээрги-Чаяакчы мени шилип ап, кодан хоюмдан чаргаш: „Барып, Мээң израиль чонумга өттүр билип медегле!“– деп чугаалаан. 16А ам Дээрги-Чаяакчының чугаа-сөзүн дыңнап ал.Сен болза: „Израильге удур өттүр билип медеглеве,Исаактың салгалдарынга удур суртаалдава“– дээр-дир сен k.
17Ол дээш Дээрги-Чаяакчы: „Сээң кадайың хоорайга самыын-садар херээжен апаар,
оглу-кызың хылышка шаштырып өлүр,
сээң чериңни хендир-биле хемчээп, үлеп-хуваап кааптар,
а сен бодуң арыг эвес черге өлүр сен;
израиль чонну бодунуң черинден тудуп аппаар!“– деп чугаалаан».
Copyright information for
TyvTUV