Col 3 | TyvTUV | STEP | Бир-тээ Бурган силерни Христос-биле кады катап диргизип каан болганда , Христостуң Бурганның оң талазында саадаан черинче , дээрде турар чүүлдерже чүткүңер .

‏ Colossians 3

1 Бир-тээ Бурган силерни Христос-биле кады катап диргизип каан болганда ^a, Христостуң Бурганның оң талазында саадаан черинче ^b, дээрде турар чүүлдерже чүткүңер ^c. 2 Бодалдарыңарны бо черде эвес, а дээрде турар чүүлдерже шиглеңер. 3 Бо делегейге хамаарыштыр өлген болгай силер ^d, а чаа амыдыралыңар Христос-биле кады Бурганда хоргадай берген. 4 Амгы амыдыралыңарның үнер дөзү ^e – Христос ээп кээрге, силер база Ооң өндүр чырыынга бүргеткен көстүп кээр силер.

5 Ынчангаш бачыттыг делегейден кээр бүгү чүүлүңерни: самыырал, чүдек-бужар херектер, туттунмас туралаашкын, ыят чок күзээшкиннер болгаш алыксак-чиксек чорукту (а ол дүрзү-бурганга чүдүүрүнден ынай-даа ылгал чок) ^f узуткаңар! ^g 6 Ол бүгү чүүл Бурганны дыңнавас улусче Ооң килеңин халдадыр ^h. 7 Бир шагда силер база ындыг күзээшкиннер аайы-биле амыдырап, бодуңарны база ынчалдыр алдынып чораан силер ⁱ.

8 А ам ол бүгүнү: дошкууралды, килеңни, өш-өжээнни, нүгүл-хопту болгаш үй-балай сөстер эдерин ыңай ап октаптыңар ^j. 9 Бот-боттарыңарны мегелевеңер ^k, чүге дээрге биеэги бүдүжүңерни ооң бүгү үүлгедиглери-биле адыра сивирип каапкаш ^l, 10 чаа кижиниң бүдүжүн кедип алган болгай силер. Ол чаа бүдүжүңер Чаяакчының овур-хевиринге улам дөмейлежип ^m, Бурганны алыс шын билип аарынче чоокшулап, үргүлчү чаартынып орар ⁿ. 11 Түңнелинде чаа кижи бүдүжүнде: грек, иудей; кыртыжап демдектеткен азы кыртыжап демдектетпээн кижи ^o; варвар, скиф ^{▼▼ Варвар, скиф – гректерниң көрүжү-биле грек дыл биле культурага хары, черлик аймак-чоннарны олар ынча деп адап турганнар.}; кул, хостуг хамааты деп ылгал чок ^q. Чүгле Христос бар, Ол – бүгүде болур база Ол – бүгүдени бүргей ап турар! ^r

12 Бир-тээ Бурганның шилип алганы ^s ынак, ыдыктыг улузу болганыңарда, ээ көрүүшкүннү, буянны, биче сеткилди, томаарыышкынны, шыдамык чорукту кедип алыңар. 13 Бот-боттарыңарга шыдамык хамаарылгалыг бооп ^t, кайы-бирээңер өске-бир эжинге хомудап-даа турза, бот-боттарыңарны өршээңер. Дээрги-Чаяакчының силерни өршээгени дег, силер база ынчалдыр өршээңер! ^u 14 А чүнүң-даа кырынга бүгүдени дээди чаңгыс эп кылдыр тудуштурар ынакшыл турар болзун ^v. 15 Христостуң эккээри амыр-тайбың чүректериңерни углап-баштазын ^w, чүге дээрге Бурган силерни амыр-тайбыңче кый деп, чаңгыс мага-бот кылдыр тудуштурган-дыр ^x. Ол дээш өөрүп четтириңер! 16 Христостуң сөзү ооң бүгү байлакшылы-биле силерниң араңарга амыдыразын ^y. Силер ынчан бот-боттарыңарны чедишкен мерген угаан-биле өөредип база сургап, а ол ышкаш сеткилиңер ханызындан өөрүп четтирип чорууруңар Бурганга ыдыктыг ырлар, йөрээлдер болгаш Сүлдеге хамааржыр ырлар ырлап шыдаар силер ^z. 17 Кылып турар бүгү чүүлдериңер – сөстер-даа, ажыл-херек-даа Дээрги Иисустуң ады-биле болуп турзун, Бурган Адага Ону дамчыштыр өөрүп четтириңер ^aa.

Христиан өг-бүле

(Эф. 5:22—6:9)

18 Херээжен улус, ашактарыңарга чагыртыңар, чүге дээрге Дээрги-Чаяакчыга башкарткан улус боттарын ынчаар алдынар ужурлуг ^ab. 19 Ашактар, кадайларыңарга ынак болуңар, оларны кадыг-дошкун аажылаваңар ^ac.

20 Ажы-төл, бүгү талазы-биле ада-иеңерни дыңнаңар, чүге дээрге ындыг аажы-чаңыңар Дээрги-Чаяакчыга таарымчалыг ^ad. 21 Ада-ие, ажы-төлүңерни ажындырбаңар, оон башка оларның силерден хөңнү калып каар.

22 Кулдар, бо делегейде ээлериңерни бүгү талазы-биле дыңнаңар ^ae. Чашпаа улус ышкаш, карак чаап эвес, а ак сеткилдии-биле Дээрги-Чаяакчыны хүндүлеп, дыңнаңар. 23 Чүнү-даа кылып турзуңарза, ону улус дээш эвес, а Дээрги-Чаяакчының Боду дээш кылганыңар дег, ак сеткилдиг ажылдаңар. 24 Дээрги-Чаяакчы силерге шаңнал кылдыр өнчү бээрин утпаңар ^af. Дээрги Христоска бараан бооп турар болгай силер. 25 Бак чүүл үүлгедип турар кижи харыы бак чүүлдү ол-ла хемчээл-биле алыр; Бурган улусту ылгай көрбес ^ag.