Deuteronomy 21
Илереттинмээн өлүрүүшкүн
1«Бир эвес Дээрги-Чаяакчы Бурганыңның сеңээ ээлезин дээш берип турар черинге шөлде чыдар өлүрткен кижи тывылган, а ону кым өлүрүп кааны билдинмес болза, 2сээң баштыңнарың база шииткекчилериң ынаар баргаш, ооң чыдар чери биле долгандыр турар хоорайлар аразын хемчээзин. 3Өлүрткен кижиниң чыдар черинге эң чоок хоорайның даргалары ажылдадып чаажыктырбаан, мойнунга хомут черле кедирбээн инекти шилип алгаш a, 4үргүлчү суг агып чыдар шынааже, кажан-даа болбаазырадып, үрезин чажып көрбээн черже эккелгеш, аңаа ооң мойнун сыйып кагзын. 5Бурганның бараалгакчылары – Левийниң үре-салгалы чедип келзин, чүге дээрге оларны Дээрги-Чаяакчы Бурганның Бодунга бараан болзун, Ооң өмүнээзинден чонну йөрээзин дээш шилип каан болгай b, ынчангаш кандыг-даа маргылдаалыг херекти база кемдээшкин чедирген таварылганы оларның сөзүн ёзугаар шиитпирлээр ужурлуг. 6Өлүрткен кижиге эң чоок хоорайның шупту даргалары шынаага мойнун сыйып каан инектиң кырынга холдарын чуп алгаш: 7„Бо ханны бистиң холувус төкпээн, чүү болганын карактарывыс көрбээн. 8Дээрги-Чаяакчы, Бодуңнуң хостап кааның израиль чонуңну арыглап каап көр, кем-буруу чок кижи өлүрген дээш, Бодуңнуң израиль чонуңну буруудатпа c“– деп херечилезин. Олар ынчан ол кижиниң өлүмү дээш буруу чүктевес. 9Дээрги-Чаяакчының мурнунга шын бооп көстүр чүүлдү кылып тургаш, актыг кижи өлүрген дээш бурууну чон аразындан чайладыр сен d».Туттурган херээжен кижи-биле өгленири
10«Кажан дайзыннарыңга удур чаалажып үнүп кээриңге, Дээрги-Чаяакчы Бурганың оларны сээң холуңга хүлээдип бээрге, оларны тудуп аппарган дижик сен. 11Туттурган улус аразында аянныг чараш херээжен кижи көрүп кааш, аңаа хандыкшый берип, кадай кылдыр ап алгаш, 12ону бажыңыңче эккеп алган дижик сен. Демги херээжен бажын дөңгүрертип e, дыргаан кезип, 13туттуруп кээрде кедип чораан хевин солуй кеттинип алзын; сээң бажыңыңга артып калгаш, бир ай дургузунда ада-иезиниң ажыын ажып кажыыдазын. Чүгле ооң соонда ол херээжен-биле чоокшулажып, ооң ашаа апаар сен, а ол сээң кадайың апаар. 14А бир эвес ол херээжен сеткилиңге таарышпайн барза, ону күзээн-не черинче хостап салывыт, чүгле акша-мөңгүнге орнап, сатпа, кул кижи кылдыр хуулдурба ▼▼ Азы: «Аңаа каржы аажы көргүспе».
, чүге дээрге ону сен бакка суп каан болгай сен». Дун оолдуң эргези
15«Ийи кадайлыг бир эр кижи оларның бирээзинге ынак, а өскезинге ынак эвес турган дижик g. Ынак-даа, ынак эвес-даа кадайы аңаа оол божуп бээрге, ынак эвес кадайының оглу баштай төрүттүнүп, дун оглу апарган болза, 16ол эр кижи оолдарынга эт-хөреңгизин үлештирип тура, ынак эвес кадайындан баштай төрүттүнген оглунга хамааржыр үлүгнү ынак кадайының оглунга тывыспас ужурлуг. 17Харын ол кижи ынак эвес кадайындан оглун дун оглу кылдыр хүлээп көргеш, аңаа өнчүзүнден ийи дакпыр үлүгнү үзүп бээр ужурлуг h, чүге дээрге демги оол ооң ажы-төлүнүң баштайгызы болган-дыр, дун оолдуң өнчү салгаар эргези аңаа хамааржыр-дыр».Хайжок оол
18«Бир эвес кандыг-бир кижи хайжок, сөс дыңнавас, ада-иезиниң чугаазын тоовас, кезедирге-даа, чагыртпас оолдуг болза i, 19ада-иези ону бодунуң хоорайының даргаларынга, ол хоорайның шииткел черинге чедире берзин. 20Олар хоорайының даргаларынга: „Бистиң бо оглувус хайжок, сөс дыңнавас, бисти тоовас, чазый болгаш арагачы кижи-дир j“– деп чугаалазын. 21Ынчан оларның хоорайының шупту чурттакчылары ол оолду даш-биле өлүр соп каапсын; чон аразында бужар-бакты ынчаар узуткап каар сен, ону дыңнааш, шупту израильчилер корга бээр».Ыяшка азып каан кижи каргаттырар
22«Бир эвес кандыг-бир кижи өлүрүп шиидер кеземчеге дүүшкен бачыт үүлгедип аарга, ону өлүрүп каан соонда, ооң мага-бодун ыяшка азып каар болзуңза k, 23мага-бот ыяшка хондур турбазын, ону ол-ла хүн ажаап каг l, чүге дээрге ыяшка азып каан кижи Бурганга каргаттырган-дыр m, Дээрги-Чаяакчы Бурганыңның сеңээ хуваап берип турар черин ынчалдыр бужартатпас ужурлуг сен».
Copyright information for
TyvTUV