Deuteronomy 22
Ачы-дуза болгаш каттыштырып болбас чүүлдер
1«Ха-дуңма кижиңниң бода азы шээр малы өөрүнден чыдып калганын көрүп кагзыңза, оларны көрбээчеңнеп эрте бербе, а ээзинге эгидип бер a. 2Ээзи кижи чоок-кавыда чурттавайн турар азы сен ол мал-маган кымныыл дээрзин билбес болзуңза, малды аалыңче аппар. Ээзи кижи дилеп чедип келгижеге чедир, ол малды тудуп тур, оон эгидип бээр сен. 3Ха-дуңма кижиңниң элчигенин азы хевин база ынчаар сен. Ооң чидирипкени, а сээң тып алганың кандыг-даа чүвени ынчаар сен, ону көрбээчеңнеп эрте бербе. 4Бир эвес ха-дуңма кижиңниң элчигени азы бугазы чүъгүнүң аарындан орукта кээп ушкан чыдарын көрүп кагзыңза, көрбээчеңнеп эрте бербе, а демги кижиге дузалап, малды көдүржүп бер. 5Херээжен кижи – эр кижинии болур чүү-даа чүвени, эр кижи – херээжен кижиниң хевин кетпезин, чүге дээрге ынчалдыр кылып турар кижи бүрүзү Дээрги-Чаяакчының мурнунга чүдек-бужар болур. 6Бир эвес орук ара бир-ле ыяшта азы черде куш оолдары олурар азы чуургалар чыдар уяга таваржы бээриңге, ава куш оолдары азы чуургалары-биле кады олурар болза, ол кушту ажы-төлү-биле кады алгаш барба b. 7Куш оолдарын ап ап болур сен, а иезин салывыт, ынчан сеңээ эки-чаагай болур, сээң назының узаар. 8Чаа бажың тудуп тургаш, бажың кырында сери кыдыынга камгалал чаактардан кылып каг ▼▼ Чоокку Чөөн чүкке бажыңнар крышалары ийленчек эвес, а калбак болур турган, а чурттакчы чон оларны дыштаныр чер база үстүкү каът кылдыр ажыглап турган.
, ынчан кандыг-бир кижи оон аңдарлы бээр болза, сээң бажыңыңга кижи өлгени дээш буруудавас сен. 9Виноград тарып алган шөлүңге өске янзы үрезин немей тарыва d, оон башка тарып алган үрезиниң дүжүдүн-даа, виноградың чимизин-даа Дээрги-Чаяакчыга бээр ужурлуг сен база ону чип болбас сен. 10Буга биле элчигенни чаңгыс угда ажыглап, чер аңдарба. 11Дүк биле лён холуштур даарап кылган хеп кетпе. 12Даштыкы хевиңниң дөрт кыдыынга салбактардан чыпшыр даарап ал e». Чаа өгленген херээженниң арыы
13«Кандыг-бир кижи кадай ап алгаш, ооң-биле кады хонган соонда, ол херээжен аңаа таарышпас-тыр деп шиитпирлээш, 14ооң дугайында нүгүлдүг сөстер тарадып, ону бак атка киирип: „Мен бо херээженни кадай кылдыр ап алгаш, ооң-биле кады хондум, а ол арыг кыс эвес болду“– деп чугаалаар болза, 15аныяк херээженниң ада-иези ооң арыг кыс турганының бадыткал демдээн ▼▼ Бадыткал демдээ – аныяк кыс эр кижи-биле өгленгеш, баштайгы дүне кады хонган соонда, ханныг апарган иштики хеп бооп чадавас.
ап алгаш, хоорай даргаларынче, хоорайның шииткел черинче үндүре берзин. 16Кыстың ачазы даргаларга: „Уруумну бо кижиге кадай кылдыр берген мен, күдээм ам аңаа таарышпас апарды, 17ынчангаш ол уруумнуң дугайында нүгүлдүг сөстер тарадып, ‘Сээң урууң арыг кыс эвес болду’ деп тур, ынчалза-даа мээң уруумнуң арыг кыс турганының бадыткал демдээ бо-дур“– деп чугаалаар ужурлуг. Оон хоорай даргаларының мурнунга уруунуң иштики хевин чада салып кагзын. 18Ынчан ол хоорайның даргалары демги эр кижини эккелгеш, кезедир ужурлуг. 19Олар ону, израиль кысты бак атка кииргени дээш, чүс шекел деңзилиг мөңгүнге торгааш, ол акша-мөңгүннү кыстың адазынга берзин. А кыс боду демги кижиниң кадайы бооп артсын, ол эр кижи арткан бүгү чуртталгазында ооң-биле чарлыр эргези чок. 20А бир эвес эр кижиниң чугаалаан чүвези шын болуп, аныяк кыстың арыг турганының бадыткал демдектери тывылбас болза, 21даргалар ол кысты адазының бажыңының эжиинге эккелзин, хоорайжылар ону аңаа даш-биле өлүр соп каапсын, чүге дээрге ол кыс израиль чоннуң аразынга бужар чорук кылып, адазының бажыңынга чурттап тургаш-ла, самыырап турган-дыр; чон аразында бужар-бакты ынчаар узуткап каар сен». Эр, херээжен бачыттыг харылзаалар
22«Ашактыг херээжен-биле хойгажып чыдар эр кижи илерээр болза, херээжен-даа кижи, ооң-биле хойгажып чыткан эр-даа кижи иелээн өлүр ужурлуг g; Израильде ол бужар-бакты ынчаар узуткап каар сен. 23Кандыг-бир эр кижи өске эр кижиниң дүгденишкен аныяк кызы-биле хоорайга ужуражы бергеш, ооң-биле хойгажыр болза, 24оларның иелдирзин хоорай хаалгазының чанынга эккелгеш, даш-биле өлүр соп кааптыңар: аныяк кысты – хоорайга тургаш, дуза дилеп алгырбаан дээш, эр кижини – өске кижи душтуун бакка суп каан дээш; чон аразында ол бужар-бакты ынчаар узуткап каар сен. 25Кандыг-бир эр кижи өске эр кижиниң дүгденишкен аныяк кызы-биле ажык шөлге ужуражы бергеш, аңаа күш дөгеп, хойгажыр болза, чүгле ол кыс-биле хойгажып чыткан эр кижини өлүрүп каар ужурлуг; 26а кыстың бодун канчанма-даа – ону өлүрүп шиитки дег кем-бурууну ол үүлгетпээн-дир; кандыг-бир кижиниң өске кижиже халдап, өлүрүп кааны ышкаш таварылга болган-дыр. 27Ол эр кижи дүгденишкен эштиг аныяк кыс-биле ажык шөлге ужуражы берген болгай, демги кыс дуза дилеп алгырарга-даа, аңаа болчуп кээр кижи чок болган-дыр. 28Кандыг-бир кижи дүгденишкен эжи чок аныяк кыс-биле ужуражы бергеш, ону күштеп, хойгажып чыдырда, кырынга улус келген болза, 29ол кыс-биле хойгажып чыткан эр кижи ооң адазынга бежен шекел мөңгүннү төлээр, а демги кысты кадай кылып алыр ужурлуг; ол кысты бакка суп каан болгаш, эр кижи ам арткан бүгү чуртталгазында ооң-биле чарлыр эргези чок h. 30Кандыг-даа эр кижи ачазының кадайы – соңгу иезин ап, ачазының хевиниң эдээн ажытпазын i».
Copyright information for
TyvTUV