Deuteronomy 1:34-40
Бурганның чонну кезеткени
(Сан. 14:20-45)
34«Дээрги-Чаяакчы силерниң чугаа-сөзүңерни дыңнап кааш, килеңнеп: 35„Бо улустан, бо бузуттуг салгалдан кым-даа ада-өгбеңерге бээр бооп аазааным эки черни көрбес. 36Чүгле Иефоннийниң оглу Халев ол черни көөр; Дээрги-Чаяакчыга бүрүнү-биле чагыртканы дээш a, Мен аңаа болгаш ооң үре-салгалынга таварып эрткен черин бээр мен“– деп даңгыраглаан. 37Силерниң хайыңар-биле Дээрги-Чаяакчы меңээ безин килеңнеп, мынча дээн: „Сен база ол черже кирбес сен b; 38Нуннуң оглу, сээң дузалакчың Иисус c – ынаар кирер кижи ол-дур, сен ону сорук киирип, быжыглап каг, чүге дээрге ол черни ээлээр кылдыр, израиль чонну баштап киире бээр кижи ол-дур. 39‘Дайзыннарга олча-тывыш болу бээр улус-тур’ деп турган чаш ажы-төлүңер, амгы үеде эки-бакты ылгап билбес оолдарыңар демги черже кире бээр, оларга ол черни бээримге, ээлеп алыр. 40А силер дедир эггеш, Кызыл далай чедер орук-биле ээн кургаг ховуже чоруптуңар“.
Copyright information for
TyvTUV