Deuteronomy 15
Өрелерни өршээри
1«Чеди чыл болгаш-ла, өрелерни өршээ a. 2Ону мынчалдыр кылыр сен. Өске кижиге акшазын чээлиге берген кижи бүрүзү ооң өрезин өршээзин база ол кижиден (ха-дуңмазындан) өре төлээрин негевезин, чүге дээрге Дээрги-Чаяакчыга тураскааткан „Өрелер өршээр үе“чарлаттынган-дыр. 3Даштыкы кижиниң өрезин негеп боор сен, а чаңгыс аймак-сөөктүг ха-дуңмаңның сеңээ эгидер ужурлуг өрезин өршээ b. 4Ынчаарга сээң чуртуңга түреңги кижи турбас ужурлуг, чүге дээрге Дээрги-Чаяакчы Бурганың сеңээ өнчү кылдыр хуваап берип турар черинге ачы-буянын хайырлаар; 5чүгле Дээрги-Чаяакчы Бурганыңның сөзүн тооп дыңнаар болзуңза база мээң бөгүн сеңээ айтып-чагып турарым шупту айтыышкыннарны күүседирин кызыдар болзуңза, ындыг болур. 6Дээрги-Чаяакчы Бурганың, чугаалап турганы дег, сеңээ ачы-буянын хайырлаарга, хөй чоннарга акша-хөреңгини чээлиге бээр сен, а бодуң чегдинмес сен c; хөй чоннарны чагырар сен, а олар сени чагырбас d. 7Дээрги-Чаяакчы Бурганыңның сеңээ берип турар черинде хоорайларыңның кайы-бирээзинге сээң ха-дуңмаңдан түреңги кижи тыптып кээр болза, чүрээңни дашталдырба база ол кижиниң мурнунга холдарың адыштанмайн, 8холуңну олче сунуп, ооң хереглеп турар чүвезин хандырары-биле чээлиден бер e. 9„Чедиги чыл, өрелер өршээр чыл, чоокшулап олур“деп бак сагыш угааныңга кирип кээринден кичээн, ынчан түреңги ха-дуңмаңче бак көрүп, аңаа дуза кадарындан ойталадың халак, ынчаар болзуңза, ол кижи Дээрги-Чаяакчыга хомудаарга, бачыдың дээш буруудаар сен. 10Ол кижиге чээлиден бер, аңаа бергениң дээш сеткилиң хараадавазын, чүге дээрге ол чорууң дээш Дээрги-Чаяакчы Бурганың сээң шупту ажыл-херектериңге база кылып турар бүгү чүүлдериңге ачы-буянын хайырлаар. 11Чер кырынга түреңги улус кажан-даа үстүп-төнмес f, ынчангаш сеңээ: „Бодуңнуң чериңде ха-дуңмаң болур ядыы-түреңги кижиге дузалап, холуңну олче сунуп бер“– деп дужаап тур мен».Кулдарны хостаары
12«Бир эвес еврей ха-дуңмаңдан эр азы херээжен кижи бодун сеңээ кул кылдыр садыпкан болза, ол кижи алды чыл дургузунда кулуң болзун, а чедиги чылда ону аал-ораныңдан хосталгаже салывыт g. 13Ол кижини аал-ораныңдан чорударда, хол куруг чорутпа, 14харын аңаа бодуңнуң мал-маганыңның, далган-тарааңның болгаш виноградың арагазының кезиин бер: Дээрги-Чаяакчы Бурганыңның сеңээ хайырлаан ачы-буянындан аңаа чүдүрүп бер. 15Египет черге кул болуп чорааныңны, Дээрги-Чаяакчы Бурганыңның сени адырып хостап каанын утпайн чор, ынчангаш бөгүн сеңээ бо бүгүнү айтып-чагып тур мен. 16А бир эвес эр кул кижи сеңээ болгаш сээң өг-бүлеңге ынак апарган болза база сээңиинге эки чурттап турар болгаш, „Моон чорбас мен“дээн болза, 17ооң кулаан эжикке чыпшыр иткеш, шивегей-биле үттеп ал, ол кижи ынчан кезээ шагда сээң кулуң апаар h. Херээжен кулуңга хамаарыштыр база шак ындыг дүрүмнү сагыыр сен. 18Кул кижини аал-ораныңдан хостап салып турарың дээш сеткилиң карарбазын, чүге дээрге ол кул алды чыл дургузунда хөлезилеттинген ажылчынның ажыл төлевиринден ийи катап хөй орулганы киирип берген-дир; Дээрги-Чаяакчы Бурганың кылып турар бүгү чүвеңге ачы-буян хайырлаар».Мал-маганның дун төлүн ыдыктаары
19«Бода-даа, шээр-даа малыңның эр дун төлдерин Дээрги-Чаяакчы Бурганыңга бараалгадып, ыдыктап бер i: баштай төрүттүнген бугаңны ажылдадып ажыглава, баштай төрүттүнген шээр малыңның дүгүн кыргыва. 20Дээрги-Чаяакчы Бурганыңның мурнунга ындыг малды чылдың-на эккеп, Дээрги-Чаяакчының шилип алыр черинге өг-бүлең-биле кады чиир сен. 21А бир эвес ол мал четпес-дудуу: азы аскак, азы согур, азы өске-бир четпес чүүлдүг болза, ону Дээрги-Чаяакчы Бурганыңга өргүве j. 22А бодуңнуң чурттап турар чериңге ону чип болур сен; арыг-даа, арыг эвес-даа кижи, чээрен азы иви эъдин ышкаш, чип болур ▼▼ Израильге иви биле чээренни өргүл кылдыр салып болбас турган, ынчангаш оларның эъдин арыг эвес улус база чип болур турган (12:15 көр).
. 23Чүгле ол малдың ханын чиве: ону черже, суг ышкаш, аксып каавыт l».
Copyright information for
TyvTUV