Deuteronomy 26
Баштайгы дүжүттүң оннуң бир кезиин өргүүрү
1«Дээрги-Чаяакчы Бурганыңның сеңээ хуваап берип турар черинге чедип келгеш, ону эжелеп ап, аңаа чурттай бергеш, 2Дээрги-Чаяакчы Бурганыңның сеңээ берип турары черден ажаап аарың, черниң беримчези баштайгы дүжүттүң шуптузун чыып ап, аргаан хааржакче бир кезиин суккаш, Дээрги-Чаяакчы Бурганыңның Бодунуң ат-алдары аңаа турумчузун дээш шилип алыр черинче чорувут a. 3Ол үеде ында турар бараалгакчыга чеде бергеш: „Дээрги-Чаяакчының биске бээр бооп ада-өгбевиске даңгыраглаан черинче кирип келгенимни бөгүн Дээрги-Чаяакчы Бурганыңның мурнунга херечилеп тур мен“– деп чугаала. 4Бараалгакчы аргаан хааржакты сээң холуңдан ап алгаш, Дээрги-Чаяакчы Бурганыңга өргүл салыр бедигээш мурнунга салып каар. 5А сен Дээрги-Чаяакчы Бурганыңның мурнунга мынча деп херечилээр сен: „Мээң өгбем Арам чурттуг тояанчы кижи ▼▼ Арам чурттуг тояанчы кижи – арам черге чурттап турган, ол чер чурттуг кадайларлыг чораан Иаковту ынча деп турар (Э. д. 28:5 көр).
турган. Ол Египетче чоруй баргаш, аңаа хөй эвес төрелдери-биле кады чурттай берген соонда c, аңаа оон өндүр улуг, күштүг, хөй санныг чон укталган d. 6А египет чон бисти бак аажылап, бастып, аар-берге ажыл кылдыртып турган e. 7Бис ынчан ада-өгбевистиң Дээрги-Чаяакчы Бурганындан дуза дилеп кыйгырарывыска, Дээрги-Чаяакчы үнүвүстү дыңнап, бистиң хилинчээвисти, аар-берге ажыл кылып, дарладып турарывысты көрүп каан f. 8Дээрги-Чаяакчы бисти Египеттен Бодунуң быжыг холу-биле, күчү-күжү-биле, кончуг улуг коргунчуг байдалдар-биле, өндүр улуг бадыткал демдектери болгаш кайгамчык чүүлдер-биле үндүре бергеш g, 9бо черже эккеп, сүт биле ары чигири агып чыдар бо байлак черни h биске берген болгай. 10Ынчангаш ам Сээң меңээ берген чериңден ажаап алганым баштайгы дүжүттү эккелдим, Дээрги-Чаяакчы“. Ооң соонда ол өргүлүңнү Дээрги-Чаяакчы Бурганыңның мурнунга салып кааш, Аңаа сөгүрүп, мөгеер сен. 11Дээрги-Чаяакчы Бурганыңның сеңээ база сээң өг-бүлеңге берген шупту ачы-буяны дээш өөрүп-хөгле – чон аразында турар левит кижи болгаш даштыкы кижи база сээң-биле кады өөрүп-хөглезин. 12Оннуң бир кезээн чыыр хуусаа болур үшкү чыл санында-ла бүгү дүжүдүңден – хевир бүрүзүнден-не оннуң бир кезээн аңгылап алгаш i, левит кижиге, даштыкы кижиге, өскүс кижиге болгаш дулгуяк херээженге бээр сен, олар ону сээң хоорайларыңга тоттур чип чурттазын j. 13Ынчан Дээрги-Чаяакчы Бурганыңның мурнунга мынча дээр сен: „Бодумнуң бажыңымдан ыдыктыг өргүлдү аппаргаш, левит кижиге, даштыкы кижиге, өскүс кижиге болгаш дулгуяк херээженге бериптим – меңээ чагып-сургаан шупту айтыышкыннарың ёзугаар кылдым, оларны күүседиринден ойталап, утпадым. 14Мен ол аъш-чемни кажыыдап тургаш, чип көрбээн мен, арыг эвес тургаш, аңгылай салбаан мен k, өлүг улустуң сүнезинин чемгерерин саналдаваан мен ▼▼ Азы: «Өлүг кижи чыдар черже аппарбаан мен».
; Дээрги-Чаяакчы Бурганымның сөзүн тооп дыңнап, Сээң меңээ айтып-чагааның бүгү чүвени күүсеткен мен. 15Бодуңнуң ыдыктыг оран-саваң – дээрлерден куду алзы көрем m, Бодуңнуң израиль чонуңга база Сээң биске бергениң черге ачы-буяндан хайырла – сүт биле ары чигири агып чыдар байлак черни n биске бээрин ада-өгбевиске даңгыраглаан болгай сен“». Израиль чон – Бурганга хамааржыр онзагай чон
16«Бөгүн Дээрги-Чаяакчы Бурганың шак ол дүрүм, хоойлуларны күүседирин айтып-чагып тур: оларны бүгү чүлдү-чүрээңден, бүгү сеткил-сагыжыңдан сагып, күүсет. 17Сен бөгүн Дээрги-Чаяакчыга Ол – сээң Бурганың дээрзин, Ооң оруктары-биле чорууруңну, Ооң дүрүмнери, хоойлулары болгаш айтыышкыннарын сагыырыңны, Ооң сөзүн тооп дыңнаарыңны аазап чугаалаан сен. 18Дээрги-Чаяакчы база, сеңээ чугаалап турганы дег, Ооң улуг үнелиг өнчү-хөреңгизи чон болуруңну o, Ооң шупту айтыышкыннарын сагыыр ужурлууңну бөгүн сеңээ аазап, медеглээн. 19Ол сени Бодунуң чаяаганы бүгү өске чоннардан өрү көдүрүп каарын p, мактал-хүндүнү, алдар-атты, өндүр-чаагай чорукту сеңээ хайырлаарын, Ооң чугаалап турганы дег, Дээрги-Чаяакчы Бурганыңның ыдыктыг чону болуруңну аазап, медеглээн q».
Copyright information for
TyvTUV