‏ Deuteronomy 27

Гевал дагда даш тураскаалдар

1Моисей болгаш израиль чоннуң баштыңнары чон-биле чугаалашкан. Моисей айтып-чагаан: «Бөгүн сеңээ айтып-чагып турарым шупту айтыышкыннарны күүседир сен. 2Иорданның ындыы чарыынче, Дээрги-Чаяакчы Бурганыңның сеңээ берип турары черже кеже бергеш, бодуңга улуг даштардан тургускаш a, оларны чугайлап ал
Эрте-бурунгу Чоокку Чөөн чүкке даштарга бижиттингир болзун дээш, оларны кылынналдыр чугайлап турган.
.
3Хемни кеже бергеш-ле, ол даштарга бо хоойлунуң шупту сөстерин бижип каг, ооң соонда ада-өгбеңниң Бурганы, Дээрги-Чаяакчының сеңээ аазаанын ёзугаар, Ооң сеңээ берип турары, сүт биле ары чигири агып чыдар байлак черже кире берип болур сен.

4Иорданны кеже бергеш, бөгүн сеңээ айтып-чагааным ёзугаар, ол даштарны Гевал дагга тургускаш, чугайлап каг. 5Аңаа Дээрги-Чаяакчы Бурганыңга өргүл салыр бедигээшти даштан, демир херексел ажыглавайн, тудуп каг c: 6Дээрги-Чаяакчы Бурганыңның өргүл бедигээжин хоюглап дүрбүвээн даштар-биле тудуп алгаш, аңаа Дээрги-Чаяакчы Бурганыңга бүрүн өрттедир өргүлдерден эккеп сал; 7эп-найырал өргүлдерин база эккеп салгаш, аңаа чип, Дээрги-Чаяакчы Бурганыңның мурнунга өөрүп-хөгле d. 8А демги даш тураскаалдарга бо хоойлунуң шупту сөстерин көскү тодаргай кылдыр бижип каг e».

Он ийи каргыш

9Моисей болгаш левит бараалгакчылар бүгү израиль чон-биле чугаалашкан. Моисей чонга: «Израиль, топтап дыңна! Сен бөгүн Дээрги-Чаяакчы Бурганыңга хамааржыр чон болу бердиң! f 10Ынчангаш Дээрги-Чаяакчы Бурганыңның сөзүн тооп дыңна, сеңээ бөгүн айтып-чагып турарым Ооң шупту айтыышкын, дүрүмнерин күүсет» – деп чугаалаан.

11Моисей ол хүн чонга оон ыңай мону айтып-чагаан: 12«Иорданны кеже бергениңде, Симеоннуң, Левийниң, Иуданың, Иссахарның, Иосифтиң болгаш Вениаминниң аймактары чонну йөрээри-биле Гаризим дагга туруп алзын g. 13А Рувимниң, Гадтың, Асирниң, Завулоннуң, Данның болгаш Неффалимниң аймактары чонга каргыш салыры-биле Гевал дагга туруп алзын.

14 Левиттер бүгү израильчилерге ыыткыр чарлазын:

15„Бодунга дүрзү-бурган шуткуп азы чазап кылып алгаш, оозун чажырып алган кижи каргаттырар, кижи холу кылган дүрзү-бурган болза Дээрги-Чаяакчының мурнунга чүдек-бужар чүүл-дүр!“
Бүгү чон: „Аминь!“– деп харыылаар h.

16„Ада-иезин бак көөр кижи каргаттырар!“
Бүгү чон: „Аминь!“– деп харыылаар i.

17„Кожазы кижиниң чериниң кызыгаарын демдеглээн дашты чылзы идипкен кижи каргаттырар!“
Бүгү чон: „Аминь!“– деп харыылаар j.

18„Согур кижини оруундан астырган кижи каргаттырар!“
Бүгү чон: „Аминь!“– деп харыылаар k.

19„Даштыкы кижиниң, өскүс кижиниң болгаш дулгуяк херээженниң эргезин кызагдаан кижи каргаттырар!“
Бүгү чон: „Аминь!“– деп харыылаар l.

20„Ачазының кадайы – соңгу иези-биле холбажыпкан кижи каргаттырар! m Ол кижи ачазының хевиниң эдээн ажыткан-дыр“.
Бүгү чон: „Аминь!“– деп харыылаар.

21„Кандыг-бир мал-маган-биле холбажыпкан кижи каргаттырар!“
Бүгү чон: „Аминь!“– деп харыылаар n.

22„Ачазының азы авазының уруу-биле холбажыпкан кижи каргаттырар!“
Бүгү чон: „Аминь!“– деп харыылаар o.

23„Кат-иези-биле холбажыпкан кижи каргаттырар!“
Бүгү чон: „Аминь!“– деп харыылаар p.

24„Өске кижини бүдүү өлүрүп каан кижи каргаттырар!“
Бүгү чон: „Аминь!“– деп харыылаар q.

25„Буруу чок кижини өлүрүп шиитсин дээш хээли алган кижи каргаттырар!“
Бүгү чон: „Аминь!“– деп харыылаар r.

26„Бо хоойлунуң сөстерин деткивес база күүсетпес кижи каргаттырар!“
Бүгү чон: „Аминь!“– деп харыылаар s».
Copyright information for TyvTUV