Deuteronomy 30
Бурганче эглиишкин
1«Кажан мээң шупту бо сөстерим – йөрээшкин-даа, каргыш салыышкыны-даа a – сээң-биле чогуп бүде бээрге, Дээрги-Чаяакчы Бурганыңның сени оларже тарадып чорудупканы бүгү чоннар аразынга ол дугайында боданы бергеш b, 2бодуң-даа, үре-салгалың-даа Дээрги-Чаяакчы Бурганыңче эглип кээп c, бөгүн сеңээ айтып-чагып турарым Ооң сөзүн бүгү чүлдү-чүрээңден, бүгү сеткил-сагыжыңдан тооп дыңнаар болзуңза, 3Дээрги-Чаяакчы Бурганың сеңээ эки чолду эгидер ▼▼ Азы: «Сээң туттуруп алган улузуңну хостап, дедир эккээр».
, Ол сеңээ ээ-хайыралыын көргүзүп, оларның аразынга тоо быдарадып кааны бүгү чоннар иштинден сени катап чыып эккээр e. 4Чер-делегейниң ужу-кыдыынга чедир-даа тарай берген болзуңза, Дээрги-Чаяакчы Бурганың сени аңаа чыггаш, оортан дедир эккээр f. 5Дээрги-Чаяакчы Бурганың сени ада-өгбеңниң ээлеп чорааны черже эккээрге, ол черни ээлеп чурттаар сен; Ол сеңээ буянын көргүзүп, ада-өгбеңден-даа хөй санныг кылдыр өстүрүп-көвүдедир. 6Дээрги-Чаяакчы Бурганыңга бүгү чүлдү-чүрээң-биле, бүгү сеткил-сагыжың-биле ынак болзун дээш, сээң-даа, үре-салгалыңның-даа чүректерин Ол Бодунга бараалгадып, демдектээр g, ынчан дириг артар сен. 7Ынчан Дээрги-Чаяакчы Бурганың шупту ол каргыштарын сени истеп-сүрүп турган дайзыннарыңче, сени көөр хөңнү чок улусче салыптар h, 8а сен Олче эглип кээп, Дээрги-Чаяакчының сөзүн тооп дыңнап, Ооң айтыышкыннарын, бөгүн сеңээ айтып-чагып турарым дег, шуптузун күүседир сен. 9Дээрги-Чаяакчы Бурганың кылып турар кандыг-даа ажыл-херээңге чедиишкинни элбээ-биле хайырлаар, сеңээ – хөй үре-төлдү, мал-маганыңга – хөй төлдү, чериңге – элбек дүжүттү хайырлаар. Дээрги-Чаяакчы сеңээ ачы-буян хайырлап тура, ада-өгбең дээш өөрүп турганы дег, сен дээш база өөрүүр, 10чүге дээрге сен Ооң сөзүн тооп дыңнап, бо хоойлу номунда бижиттинген Ооң айтыышкын, дүрүмнерин сагыыр сен база Дээрги-Чаяакчы Бурганыңче бүгү чүлдү-чүрээң-биле, бүгү сеткил-сагыжың-биле эглип кээр сен». Амыдырал биле өлүмнүң кайы-бирээзин шилип алыры
11«Бөгүн сеңээ айтып-чагып турар чагыымны билип аары сеңээ берге эвес, ол сенден ырак эвес болгай. 12Ол айтыышкын дээрде эвес, ынчангаш: „Кым бис дээш дээрже үнүп i, ону биске эккеп берип, дыңнадырыл? Ынчан ону күүседир ийик бис“– дээн херээң чок. 13Ол айтыышкын далай ындында база эвес, ынчангаш: „Кым бис дээш далай ындынче чоруп, ону биске эккеп берип, дыңнадырыл? Ынчан ону күүседир ийик бис“– дээн херээң чок. 14Харын ол сөс сеңээ дыка чоок: ол сээң аксы-дылың биле чүрээңде, ынчангаш ону күүсет. 15Көр даан, бөгүн сеңээ амыдырал биле буянны азы өлүм биле айыыл-халапты шилип аарын саналдап тур мен j; 16бөгүн сеңээ Дээрги-Чаяакчы Бурганыңга ынакшыырын, Ооң оруктары-биле чоруурун база Ооң айтыышкыннарын, хоойлуларын болгаш дүрүмнерин күүседирин айтып-чагып тур мен, ынчан дириг артып, өзүп-көвүдээр сен, эжелеп аар дээш бар чыдар чериңге Дээрги-Чаяакчы Бурганың сеңээ ачы-буянын хайырлаар. 17А бир эвес сээң чүрээң Дээрги-Чаяакчыдан ойталап, Ону тооп дыңнавас болза, сен элзеттирип, өске бурганнарга мөгейип, бараан болур болзуңза, 18сеңээ бөгүн сагындырып тур мен: ээлеп чурттаар дээш Иорданны кежип турарың черге үр чурттавайн, өлүп каар сен. 19Дээр биле черни бөгүн сеңээ удур херечилер кылдыр кыйгырып тур мен: амыдыралды азы өлүмнү, йөрээшкинни азы каргышты шилип аарын сеңээ саналдап тур мен. Амыдыралды шилип ал, ынчан сен-даа, үре-салгалың-даа дириг артар; 20Дээрги-Чаяакчы Бурганыңга ынак бол, Ооң сөзүн дыңнап, Ооң-биле коштунчу берип көр k, чүге дээрге ада-өгбең Авраам, Исаак болгаш Иаков оларга Дээрги-Чаяакчының бээр бооп даңгыраглааны черге дириг артып, үр чурттаарың оон хамааржыр».
Copyright information for
TyvTUV