Deu 33 | TyvTUV | STEP | Бурганның кижизи Моисейниң өлүр бетинде израиль чонну йөрээп каан йөрээли бо-дур.

‏ Deuteronomy 33

Моисейниң чоннуң аймактарын йөрээгени

(Э. д. 49:1-28)

1 Бурганның кижизи Моисейниң ^a өлүр бетинде израиль чонну йөрээп каан йөрээли бо-дур. 2 Ол мынча дээн:

«Дээрги-Чаяакчы Синайдан чедип келген,
Сеирден чонга хүн дег көстүп келген,
Фаран дагларындан чырып келген ^b,
Ол Бодунуң түмен-түмен ыдыктыг төлээлериниң аразындан чедип келген ^c,
Ооң холундан кызаңнаан от ^{▼▼ Еврей сөзүглелде бо сөстерниң утказы эки билдинмес. Болгу дег өске утказы мындыг: «Хоойлунуң оду».} чонга чырып турган ^e.
3 Дээрги-Чаяакчы чоннарга ^{▼▼ Еврей сөзүглелде бо шүлүктүң утказы эки билдинмес. Өске бурунгу сөзүглелдерде «Бодунуң чонунга» деп бижээн.} шын сеткилинден ынак,
ыдыктыг чоннуң улузу шупту Сээң холуңда,
олар Сээң сөзүң дыңнаар дээш, Сээң будуңче доңгая кээп дүшкеннер.
4 Моисей биске хоойлуну берген ^g,
ол хоойлу дээрге израиль ниитилелдиң өнчүзү-дүр.
5 Израиль чоннуң аймактары баштыңнары-биле кады чыглып кээрге,
Дээрги-Чаяакчы Ешуруннуң ^h хааны бооп турган ^{▼▼ Азы: «Моисей Ешуруннуң хааны бооп турган».}.

6 Рувим дириг артып, өлүп читпезин,
ынчалза-даа ооң аймаа эвээш санныг ^{▼▼ Өске бурунгу сөзүглелде «Хөй санныг» деп бижээн.} болзун!»

7 Моисей Иуданың аймааның дугайында мынча дээн: «Дээрги-Чаяакчы, Иуданың дилег-сөзүн дыңнап көрем,
ону бодунуң төрелдеринче эккеп калам;
ооң бодунуң күчү-күжү четчир болзун,
а Сен ону дайзыннарындан адырып, дузалап көрем».

8 Моисей Левийниң аймааның дугайында мынча дээн: «Сээң туммим биле уримиң ^{▼▼ Туммим биле урим – Бурганның бараалгакчыларының Дээрги-Чаяакчының күзел-соруун тодарадыр дээш ажыглап турганы херекселдер (Хост. 28:30 көр).} Сеңээ бердинген улуста-дыр;
Сен оларны Массага шенеп көрген сен,
олар-биле Мериваның суунуң чанынга маргыжып турган сен ^l.
9 – 10 Ол аймактың улузу ада-иезиниң дугайында: „Оларже көрүнмес мен“– деп,
ха-дуңмазын танывастап, ажы-төлүн тоовастай берип ^m,
Сээң сөзүңнү күүседип, чагыг-керээңни сагып турар болгай.
Левиттер Иаковту Сээң хоойлуларыңга,
Израильди Сээң дүрүмнериңге өөредип турар ⁿ
база Сеңээ чыттаар кылдыр айдызаар чүүлдер кыпсып ^o,
Сеңээ өргүл салыр бедигээшке бүрүн өрттедир өргүлдерни салып турар.
11 Дээрги-Чаяакчы, Левийниң күчү-күжүн йөрээп көр,
ооң кылып турар ажыл-херээ Сеңээ таарымчалыг болзун;
олче халдаан улусту чылча шаап көрем,
ону көөр хөңнү чок улус олче кажан-даа халдавазын».

12 Моисей Вениаминниң аймааның дугайында мынча дээн: «Дээрги-Чаяакчының ынак улузу Ооң чанынга айыыл чок чурттазын,
Бурган оларны хүннү бадыр чаглактазын база чүктеп алгаш чорзун ^{▼▼ «Чүктеп алгаш чорзун» деп сөстерниң болгу дег өске утказы мындыг: «Ооң дагларының аразынга чурттазын».}».

13 Моисей Иосифтиң аймактарының дугайында мынча дээн: «Дээрги-Чаяакчы ооң черинге ачы-буянын хайырлап,
дээрниң чаъс-шалыңын бадырып берзин,
чер адаанда сугларны аксып берзин ^q.
14 Хүн аңаа элбек дүжүттү эккелзин,
айлар солчурга, чаагай дүжүт ажааттынзын.
15 Үе-дүптүң даглары эң эки үнүштерин берзин,
эрте-бурунгу тейлер элбек белээн хайырлазын ^r.
16 Чер база ону шыпкан бүгү үнүш элбек дүжүдүн хайырлазын.
Хараган иштинден көстүп келген ^s Бурганның энерели
Иосифтиң бажынче бадып келзин,
ха-дуңмазының аразында онзагай кижиниң тейинче бадып келзин.
17 Ооң күш-шыдалы баштай төрүттүнген буганыы дег,
ооң ийи мыйызы шары мыйызы дег,
олары-биле ол шупту чоннарны
чер-делегейниң кыдыынга чедир үзүп, сывыртаар ^t.
Эфремниң түмен-түмен, Манассияның муң-муң үре-салгалы ындыг-дыр ^u».

18 Моисей Завулоннуң аймааның дугайында мынча дээн: «Завулон, ажыл-херектериң кылгаш, өөрүп-байырла;
Иссахар, чадырларыңга тургаш, өөрүп-байырла.
19 Ол ийи аймак өске чоннарны даанче чалап алгаш,
аңаа шын өргүлдерин салыр ^v,
олар далайның байлаа-биле база
элезинде чажыра хөмген эртине-байлак-биле амыдыраар».

20 Моисей Гадтың аймааның дугайында мынча дээн: «Гадтың ээлээн девискээрин делгемчидип турар Бурганга алдар;
Гад арзылаң дег амыдырап, олчазының холун база бажын үзерлеп кааптар ^w.
21 Ол эң эки черни бодунга шилип көрүп алыр ^x,
ук черни баштыңга хуваап бээрин доктаадыр.
Гад чоннуң баштыңнары-биле кады келгеш,
Дээрги-Чаяакчының айтыышкынын шын сагып,
израиль чон-биле кады Ооң дүрүмнерин күүседир».

22 Моисей Данның аймааның дугайында мынча дээн: «Дан дээрге васан черден үне халып кээр аныяк арзылаң-дыр ^y».

23 Моисей Неффалимниң аймааның дугайында мынча дээн: «Неффалим Дээрги-Чаяакчының ээ көрнүүшкүнүнге сеткили ханган,
Ооң ачы-буянынга бүргеткен;
далай кыдыы биле мурнуу чүк –
ооң ээлеп чурттаар чери ол-дур ^z».

24 Моисей Асирниң аймааның дугайында мынча дээн: «Иаковтуң оолдарының аразында Асир эң хөй ачы-буян алзын,
ха-дуңмазы аңаа таарзынзын, ол олива үзү сүзүп кылаштазын.
25 Сээң шивээлериңни демир болгаш хүлер-биле быжыглазын,
бүгү назыныңда шыырак болур сен».

26 «О, Ешурун ^aa, сеңээ дузалаар дээш,
булуттарда саадапкаш, дээрде кел чыдар
өндүр бедик Бурган ышкаш өске кым-даа чок ^ab.
27 Үе-дүптен бээр турган Бурган ^ac – хоргадалың-дыр ^ad,
Ооң мөңге холдары сени тудуп турар,
Ол дайзыннарыңны сээң мурнуңдан сывыртап чорудуптар,
сеңээ „Дайзынны узутка!“дээр.

28 Израиль айыыл чок, тускайлаң чурттап турар ^ae,
Иаковтуң үре-салгалы турар чер элбек далган-тараалыг база виноград арагалыг,
ооң дээри чаъс-шалыңны бадырып бээр.
29 Израиль, амыр-чыргалдыг сен!
Сен ышкаш, Дээрги-Чаяакчының камгалап турары өске чон бар бе?! ^af
Дээрги-Чаяакчы – сеңээ дузалап турар дозуг-камгалал-дыр ^ag,
сени өрү депшидер хылыш-тыр!
Дайзыннарың сенден корткаш, чашпаалаар апаар ^ah,
оларның бедик черлерин таптай базып каар сен!»