Ecclesiastes 5
1Аас-дылың далаштырба база чүрээң Бурганның мурнунга сөс чугаалаар деп эшкедевезин; Бурган дээрде болгай, а сен черде-дир сен; ынчангаш чугаа-домааң кыска болзун a. 2Чүге дээрге хөй сагыш човаашкынындан дүш-дүл тыптыры дег, мугулайның чугаазы сөзүнүң хөйүнден билдинер b. 3Бурганга даңгырак бергеш, ону саадатпайн күүсет, чүге дээрге Бурган мугулайларга таарзынмас; даңгыраглаан соонда – күүсет c. 4Даңгыраглааш, күүсетпезиниң орнунга, даңгыраглавааның дээре d. 5Бодуңнуң аас-дылың мага-бодуңну бачытче чыгаптарын болдурба, база Бурганның төлээзиниң ▼▼ Бурганның төлээзи – бо шүлүкте улустуң бээр деп даңгыраглааны өрелерин Бурганның өргээзинден чыып чоруур кижини ынча дээн чадавас.
мурнунга: «Чазыпкан-дыр мен!» – диве. Бурган сээң сөзүң дээш кылыктанып, сээң холдарыңның кылган ажыл-херээн бузуп үрегдеп кааптарын чедип алган херээң чүл? f 6Хөй дүш-дүлде дег, хөй сөс-домакта хоозун куруг чүүл хөй болур. А сен Бургандан коргуп чор g. Чөптүг эвес эрге-чагырга дугайында
7Кандыг-бир чуртта ядыыларның базындырып чоруурун база чөптүг шынның хажыдыышкынын көрзүңзе, аңаа элдепсинме h, чүге дээрге дарга кижини ооң үстүнде дарга хайгаарап көрүп турар, а ону – оон-даа үстүндээзи. 8Черден ажык-дүжүктү шупту улус ап турар, шөлдер хаанга безин бараан болуп турар ▼▼ Еврей сөзүглелде бо домактың утказы эки билдинмес. Болгу дег өске утказы мындыг: «Хаан безин шөлдерге бараан болуп турар».
. Алыксак-чиксек чоруктуң хоозуну
9Акша-мөңгүнге ынак кижи аңаа черле тотпас; бай-байлакка ынак кижи ону сагыжынга чедир чыып ап шыдавас. Ол база-ла хоозун куруг чүве-дир! 10Бай-байлак көвүдээн тудум, ооң ажыын көөр улус база көвүдеп турар; байлактың ээзинге ону чүгле көөрден башка, ажык-дузазы чүл? 11Эвээшти-даа чиген болза, хөйнү-даа чиген болза, ажылчынның уйгузу тамчыктыг; а байның тодуг-догаазы ооң бодунга уйгу-дыш бербес. 12Чырык черде көргеним хилинчектиг човулаң бар-дыр j – ол дээрге ээзиниң бодунга хора боор кылдыр чыгдынып чоруур бай-байлак-тыр. 13Ол бай-байлаа кандыг-ла бир хорадан арлып чиде бээр, а оолдуг апаргаш, оозунга бээр хире чүзү-даа чок, хол куруг боор. 14Иезиниң иштинден үнүп келгени дег, шак-ла ындыг үпчүген чанагаш хевээр чоруй баар k база бодунуң ажыл-ижинден холунга тудуп алгаш баргы дег чүү-даа ап шыдавас. 15Ол шынап-ла хилинчектиг човулаң-дыр: кандыг келген-дир, шак-ла ындыг хевээр чоруй баар. Хат-салгынче иженип чораанындан аңаа кандыг ажык-дуза барыл? l 16А ол кижи бүгү назынында караңгыда чемненип, кылыктанып, хомудап, анчыгзынып база аарып чоруур. 17А мээң магалыг болгаш таарымчалыг деп көрген чүүлүм – Бурганның бергени өйлүг назынында кижиниң аштанып-чемненип, чырык черде бодунуң иженип чоруур ажыл-ижинге өөрүп чыргап чорууру, кижиниң үүле-хуузу ындыг-дыр. 18Бурган кандыг-бир кижиге бай-байлакты, эт-хөреңгини бергеш, ооң ажыын көөр болгаш ажыл-ижинге өөрүүр арганы база берген болза, ол дээрге Бурган хайыразы-дыр m. 19Бир эвес Бурган ооң чүрээн өөрүшкү-биле алаактырып турар болза, ол кижи чуртталгазының узун-кысказының дугайында хөй боданмас апаар.
Copyright information for
TyvTUV