Ecc 6 | TyvTUV | STEP | Чырык черде мындыг човулаң барын көрдүм , улуска ол бо-ла таваржыр-дыр.

a Эккл. 5:12

bЫд. ыр. 16:14; 72:7

c Лк. 12:20

d Иса. 14:20; Иер. 8:2

e Иов 3:16; Эккл. 4:3

f У. ч. 16:26

g Эккл. 2:15

h Эккл. 1:10; 3:15

i Иов 9:32; Иса. 45:9; Рим. 9:20

j Эккл. 5:2

k Иов 8:9; 14:2

‏ Ecclesiastes 6

1 Чырык черде мындыг човулаң барын көрдүм ^a, улуска ол бо-ла таваржыр-дыр. 2 Бурган кижиге бай-байлакты-даа, эт-хөреңгини-даа, алдар-хүндүнү-даа берген дижик, ол кижиниң күзээн-не чүвези бар дижик ^b. Ынчалза-даа Бурган аңаа ол бүгүнүң ажыын көөр арга бербес-тир, а ооң ажыын көңгүс өске кижи көрүп чоруур-дур ^c. Ол база-ла хоозун куруг чүүл болгаш хилинчектиг човулаң-дыр. 3 Кандыг-бир кижи чүс ажы-төлдү төрүп, хөй чыл чурттаан база ооң назыны улам узаан дижик. Ынчалза-даа ол кижиниң сеткили бай-байлаанга өөрүп чыргаваан, а боду безин таптыг ажааттырып хөөржүттүрбээн болза ^d, аңаа көөрде, ара дүжүп, төрүттүнмейн барган төл аас-кежиктиг дээр ийик мен ^e. 4 Ол төл хей-бус ышкаш келгеш, караңгыже чорупкан база ооң адын дүмбей бүргээн. 5 – 6 Ол төл чырык хүннү көрбээн-даа, билбес-даа болза, 2000-даа чыл чурттааш, чуртталгазынга өөрүп чыргаваан демги кижиге көөрде, амыр-дыштыг. Бүгү-ле улус чаңгыс черже чоруур эвес ийик бе? 7 Кижиниң бүгү-ле ажыл-ижи ооң хырны дээш чүве-дир ^f, а ооң сеткили кажан-даа тодуп ханмайн чоруур. 8 Мугулайдан мерген угаанныг кижи чүзү-биле дээре деп ^g, чурттап билир-даа болза, ядыы кижи чүзү-биле дээре деп? 9 Сеткилиңниң күзеп чорууру четтинмес чүүлден мурнуңда көстүп турар чүүл дээре. Ол база-ла хоозун куруг чүүл болгаш түңнел чок күжениишкин-дир.

Кижиге чүү чүве дээрел

10 Бар-ла чүве бүрүзү чүл ол дээрзин шагда-ла адап каан ^h, кижи дээрге чүл дээрзи база билдингир, ол оон артык күштүг Бурган-биле маргыжып шыдавас ⁱ. 11 Сөс көвүдээн тудум, хоозун куруг чүве көвүдеп чоруур ^j: кижиге ол бүгүнүң ажык-дүжүү чүл? 12 Кижиниң хөлеге дег чурттап эртип турар ^k, хоозун куруг чүүл долган чуртталгазының өйлүг назынында аңаа чүү чүве эки дээрзин кым билир боор? База кижиге ооң соонда чырык черге чүү болурун кым чугаалаар боор?