Ecc 10 | TyvTUV | STEP | Өлүг сээктер чаагай чыттыг үстү чыдыдып үреп турар, улуг мерген угаанны хензигийне мугулай чорук чая базып турар.

‏ Ecclesiastes 10

Өөредиглиг чугаалар

1 Өлүг сээктер чаагай чыттыг үстү чыдыдып үреп турар, улуг мерген угаанны хензигийне мугулай чорук чая базып турар. 2 Мерген угаанныгның чүрээ ону шын талаже углап чоруур, мугулайның чүрээ ону өске талаже углап чоруур. 3 Мугулай кижи бодунуң оруу-биле чоруп чорааш, чүнү-даа чедир угаап билбейн чоруур, база кижи бүрүзүнге ол бодунуң мугулайын көргүзүп чоруур ^{▼▼ Азы: «Кижи бүрүзүн „Бо – мугулай-дыр“деп чоруур».}.

4 Бир эвес чагырыкчы сенче кылыктаны бээр болза, турган чериңден ырава ^b; серт-бурт эвес бүдүштүг болзуңза, улуг бачыттарың өршээттинер. 5 Чагырыкчының частырыы-биле болуп турар, чырык черде көргеним багай чүүл бар-дыр: 6 мугулай улусту депшидип турар, а ызыгууртан-байларны адаанче бадырып турар-дыр; 7 кулдар аъттыг шаап турарын ^c, а беглер кулдар ышкаш чадаг кылаштажып турарын база көрдүм.

8 Оңгар казып турар кижи боду ынаар барып дүжүп болур ^d база херим-хананы үрегдеп турар кижини чылан шаптып болур ^{▼▼ Чамдыкта чыланнар боттарының уяларын даштан эптей салган ханаларга кылып аар.}. 9 Даштарны казып ап турар кижи бодун кемдедип ап болур база ыяш чарып турар кижи ооң айыыл-халавынга таваржып болур ^f.

10 Бир эвес балды шаптылай бээр болза, ону чидидип албаан шаанда, кижи хөй күш үндүрер апаар; маңаа мерген угаан болгаш мергежил ажыктыг. 11 Бир эвес чылан илбичиниң шишпиириниң мурнунда шапкан болза, ооң илби-шидизиниң ам ажыы чүү боор ^g.

12 Мерген угаанныг кижиниң аксындан үнген сөстер буянныг чаагай, а мугулайның чугаа-сөзү ооң бажын чиир ^h. 13 Ооң аксындан үнген сөстүң эгези – мугулай, а ол сөстүң төнчүзү – хоралыг тенек аарыг; 14 ол хиреде мелегейниң чугаазы хөй ⁱ.

Келир үеде чүү болурун кижи билбес база ол кижиниң соонда чүү болурун аңаа кым чугаалап бээр боор.

15 Мугулай улустуң ажылы оларның боттарын могадып шыладыр, олар хоорайже чанар оруун безин билбес.

16 Бир эвес чурттуң хааны чалча уктуг ^{▼▼ Азы: «Аныяк оол».} база бир эвес беглери эртен эрте-ле дойлап эгелеп турар болза, ындыг чурт ат болганы ол. 17 Бир эвес чурттуң хааны бедик уктуг болза база беглери арагалап-дарылаар дээш эвес, а чогуур шагында күш кирип аар дээш чемненип турар болза, ындыг чурт амыр-чыргалдыг ^k.

18 Чалгаа чоруктан бажыңның дээвиири сандарай бээр, база хол шимчевеске, сери өттүр чаъс дамдылай бээр.

19 Аъш-чем кижини өөртүр, арага чуртталганы хөгледир ^l, бүгү чүвеге акша-мөңгүн дузалаар ^m.

20 Бодуңнуң бодалдарыңда безин хаанны бак сөглеве ⁿ база удуур өрээлиңге безин бай кижи дугайында багай сөс этпе, чүге дээрге дээрниң куштары сээң сөзүңнү дамчыдыптып болур, база чалгынныглар сээң чугааңны тарадыптып болур.