Ecclesiastes 11
1Бодуңнуң хлеб-тарааңны суг аайы-биле бадырып чорудуп тур, хөй хүннер эрткенде, ооңну катап тып аар сен ▼▼ Мында түреңгилерге дузаламчы (Ы. х. к. 15:10; У. ч. 19:17 көр) азы садыг-саарылга дугайында (Иса. 23:3 көр) чугаалаан чадавас.
. 2Өнчү-хөреңгиңниң кезиин чеди азы сес кижиге үлеп берип чор, чүге дээрге чер кырынга кандыг бергелер болу бээрин билир эвес сен. 3Булуттар долуп кээр болза, чаъсты черже төп бадырар дээни ол база ыяш мурнуу азы соңгу чүкче барып дүжер болза, барып дүшкен черинге-ле чыдары ол. 4Хатты хайгаарап чоруур кижи үрезинин чажып тарывас база булуттарже көрүп чоруур кижи дүжүт ажаавас. 5Хаттың оруктарын-даа, сааттыг кижиниң иштинде мага-боттуң канчаар тыптып турарын-даа b билбезиң дег ▼▼ Азы: «Сааттыг кижиниң иштинде дириг сүлде-сүнезинниң-даа, мага-боттуң-даа канчаар тыптып турарын билбезиң дег».
, бүгү-ле чүвени боттандырып турар Бурганның ажыл-херектерин билип шыдаар эвес сен. 6Эртен үрезиниңни тарып чор, кежээ база холдарыңга амыр-дыш бербе, чүге дээрге оозу азы моозу чедимчелиг болур бе азы кайызы-даа деңге эки болур бе дээрзин билир эвес сен. Кырываан шаанда, аныяк назынга таалааны дээре
7Чырык чаагай-ла база хүннү көөрү каракка тааланчыг. 8Бир эвес кижи хөй-даа чыл чурттаар болза, хүн бүрүзүнге өөрүп чорзун, ынчалза-даа караңгы хүннер хөй болурун база утпайн чорзун: бүгү-ле болуп турар чүүлдер хоозун куруг-дур. 9Аныяк оол, аныяк шааңда хөглеп чор, база чүрээң чалыы назыныңда өөрүшкүнү чооглап чорзун d, база чүрээңниң кыйгырган оруктарынче карактарың кайнаар көөр-дүр, ынаар углап чор e, чүгле мону бил: ол бүгү дээш Бурган сенден харыы негээр f. 10Муңгаралды чүрээңден ойладып, мага-бодуңдан хилинчекти ырадып чор. Чаш назын болгаш чалыы үе – хей-бус-ла.
Copyright information for
TyvTUV