Ecc 9 | TyvTUV | STEP | Ол бүгүже угаан-чүрээмни угландыргаш, келген түңнелим бо: чөптүг-шынныглар, мерген угаанныглар болгаш оларның ажыл-херектери, харын-даа ынакшыл азы көөр хөөн чок чорук безин Бурганның холунда-дыр. Бодун чүү манап турарын билир кижи чок.

a Иов 9:22; Ыд. ыр. 48:11; Эккл. 2:14; 3:19

b Иов 9:22

c Иов 14:21

dЫд. ыр. 30:13; 87:13; Иса. 26:14

e Эккл. 2:24

g Ыд. ыр. 6:6; Иса. 38:18

h У. ч. 7:23

j Эккл. 7:19

l Иис. 7:1

‏ Ecclesiastes 9

Өлбээн шаанда, чуртталгага таалааны дээре

1 Ол бүгүже угаан-чүрээмни угландыргаш, келген түңнелим бо: чөптүг-шынныглар, мерген угаанныглар болгаш оларның ажыл-херектери, харын-даа ынакшыл азы көөр хөөн чок чорук безин Бурганның холунда-дыр. Бодун чүү манап турарын билир кижи чок. 2 Бүгү-ле кижилерниң үүле-хуузу бир дөмей ^a: чөптүг-шынныг кижиниң-даа, бузуттуг кижиниң-даа, буянныг кижиниң-даа; арыгланып чоруур кижиниң-даа, бужар кижиниң-даа; өргүл кылып чоруур кижиниң-даа, өргүл кылбайн чоруур кижиниң-даа; эки мөзүлүг кижиниң-даа, бачыттыг кижиниң-даа; даңгыраглап чоруур кижиниң-даа, даңгырак бээринден сестир кижиниң-даа үүле-хуузу бир дөмей ^b. 3 Чырык черде дойлуп турар бүгү чүүлдерниң багай талазы – шупту улустуң үүле-хуузу бир дөмей болганы-дыр! Ынчангаш дириг чорда, кижи амытанның чүрээн каржы сеткил болгаш мугулай чорук долуп чоруур-дур; а ооң соонда өлүглерже чоруй баар-дыр. 4 Дириглер аразынга чоруур шаанда, кижиге идегел ам-даа бар, чүге дээрге дириг ыт өлүг арзылаңдан дээре! 5 Дириглер өлү бээрин билир, а өлүглер чүнү-даа билбес ^c. Оларга шаңнал турбас: олар уттундурган ^d, 6 оларның ынакшылы-даа, көөр хөөн чогу-даа, хүннээшкини-даа шагда-ла читкен, база чырык черде дойлуп турар бүгү ажыл-херектерге мөңге шагда киржилге чок апарганнар.

7 Ынчангаш бодуңнуң аъш-чемиңни өөрүшкүлүг чип, арага-хымызыңны хөглүг ижип чор, чүге дээрге Бурган сээң ажыл-херектериңге таарзынып турар-дыр ^e. 8 Кандыг-даа үеде кеткен хевиң ак болзун, база бажыңда чагган олива үзү эвээжевейн чорзун ^{▼▼ Ак хеп болгаш олива үзү чаап каан баш – байырлалдың, хөглээшкинниң демдээ турган (Ыд. ыр. 22:5 көр).}. 9 Бурганның чырык черге сеңээ бергени, хоозун куруг чүүл долган бүгү-ле назыныңда ынак кадайың-биле кады чуртталгага таалап чор, сээң чырык черде иженип чоруур ажыл-ижиңден болгаш чуртталгадан алыр үлүүң ол-дур. 10 Холуң кылып шыдаар бүгү-ле ажылды бар шааң-биле кылып чор; чүге дээрге чеде бээриң өлүглер оранында ажыл-даа чок, бодал-даа чок, билиг-даа чок, мерген угаан-даа чок ^g.

Мерген угаанның кезээде-ле күштүг болбазы

11 Эргий көргеш, чырык черде мындыг чүве көрдүм: чарышка чедиишкин аваангыр дүргеннерде эвес, дайынга тиилелге дидимнерде эвес, аъш-чем мерген угаанныгларда эвес, бай-байлак бодамчалыгларда эвес, ээ көрнүүшкүн билиглиглерде эвес-даа болгулаар-дыр, ол бүгү үе-хуусаа биле таварылгадан хамааржыр-дыр. 12 Чүге дээрге кижи бодунуң үе-хуусаазын билбес-тир. Балыктарның айыылдыг четкиге туттуруп аары дег, куштарның дузакче кире бээри дег ^h, кижи амытан база-ла ынчаар хенертен келген айыылдыг үе-шакка туттуруп чоруур-дур.

13 Оон аңгыда чырык черде мындыг мерген угаанны көрдүм, база ону улуг деп санадым. 14 Хөй эвес чурттакчылыг улуг эвес хоорай турган, аңаа удур бир улуг хаан келгеш, ону долгандыр улуг бүзээлелди тургускан. 15 Ынчалза-даа ол хоорайда бир мерген угаанныг ядыы кижи илереп тыптып келген, мерген угааны-биле хоорайны камгалап каап болур турган кижи ол-дур ^{▼▼ Азы: «Камгалап каан кижи ол болган».}. Ынчалза-даа ол ядыы кижини кым-даа сагынмаан. 16 Ынчангаш мен «Мерген угаан күштен дээре-дир» дидим ^j, ынчалза-даа улус ядыы кижиниң мерген угаанын куду көөр-дүр база ооң сөстерин тооп дыңнавас-тыр.

17 Мугулайларның аразынга чагырыкчының алгы-кышкызынга деңнээрге, мерген угаанныгларның оожум топтуг чугаазы дээре дыңналыр дээрзи шын. 18 Мерген угаан дайын чепсээнден дээре дээрзи база шын; ынчалза-даа чаңгыс бачыттыг кижи ^{▼▼ Азы: «Чаңгыс частырыг», «Частырыг кылган чаңгыс кижи».} хөй-ле эки-чаагай чүүлдү чок кылыр-дыр ^l.