Ephesians 2:12-14
12ол шагда Христос чок амыдырап чораан болгаш, израиль чоннуң санынче кирбейн, аңгы чораан силер a. Бурганның аазаашкыннары кирген чагыг-керээлер силерге хамаарышпас турган b. Бо делегейге идегел болгаш Бурган чок амыдырап чордуңар! 13Ынчалза-даа ам, Христос Иисус-биле харылзаалыг апаргаш, бир шагда ырак-коңчак чораан боттарыңар c, Христостуң өлүмүнүң ачызында, Бурганга чоок апардыңар. 14Чүге дээрге Христос – амыр-тайбыңывыстың үнер дөзү d. Ол Бодунуң мага-бодун өргүлге салгаш, иудейлер биле өске чоннар улузун аңгылай турупкан өжээргелдиң ханазын бузуп каапкаш, шуптувусту чаңгыс чон кылдыр каттыштырган e.
Copyright information for
TyvTUV