Eph 4 | TyvTUV | STEP | Ынчангаш мен, Дээрги-Чаяакчыга хамааржырым дээш хоругдаттырган кижи , силерден дилеп тур мен: Бурганның силерни ол дээш кый деп алганы хүлээлгеңерге төлептиг амыдыраңар .

‏ Ephesians 4

Мага-боттуң чаңгыс эви

1 Ынчангаш мен, Дээрги-Чаяакчыга хамааржырым дээш хоругдаттырган кижи ^a, силерден дилеп тур мен: Бурганның силерни ол дээш кый деп алганы хүлээлгеңерге төлептиг амыдыраңар ^b. 2 Үргүлчү томаанныг, биче сеткилдиг бооп көрүңер ^c. Бот-боттарыңарга шыдамык болгаш ынакшылдыг хамаарылгадан көргүзүңер ^d. 3 Сүлдеге башкартып тура, силерни тудуштурган амыр-тайбың ачызында чаңгыс эпти кадагалаарынче чүткүңер ^e. 4 Чүгле чаңгыс мага-бот ^f, чаңгыс Сүлде бар болгай ^g, а Бурган силерни чаңгыс идегелди үлешсиннер дээш кыйгырган. 5 Чүгле чаңгыс Дээрги-Чаяакчы, чаңгыс бүзүрел база чаңгыс сугга суктурары бар ^h. 6 Чүгле чаңгыс Бурган, шуптувустуң Адавыс бар ⁱ. Чүгле Ол – шуптувустуң бажывыста, шуптувусту дамчып Бодун көргүзер база шуптувуста амыдырап турар.

7 Бистиң шуптувуска, Христостуң кижи бүрүзүнге тускайлап айыткан хемчээлин ёзугаар, авыралды үлеп берген ^j. 8 Ынчангаш Бижилге:

«Ол бедидир өрү көдүрүлгеш, хөй улусту тудуп алгаш,
кижилерге белектерни үлеп берген» ^k – деп чугаалап турар.

9 А «өрү көдүрүлгеш» дээн ужуру чүл? Ооң мурнунда Ол чер кырынче ^{▼▼ Азы: «Алдыы оранче».} бадып турган дээни ол эвес бе? ^m 10 Куду бадып турган ол-ла Кижи, бүгү өртемчейни Боду-биле бүргээр дээш, хамык дээрлерниң үстүнче көдүрлүп үне берген эвес бе? ⁿ

11 Христос Боду кымга – элчиннер, кымга – медээчилер, кымга – Буянныг Медээниң суртаалчылары, а кымга – удуртукчулар болгаш башкылар боорун айтып, белектерин үлээн ^o. 12 Бурганның улузун бараан болуушкунга, Христостуң мага-бодун тургузар ^p, быжыглаар ажыл-херекке белеткээр дээш, Ол ынчанган. 13 Бис шуптувус бүзүрелге, Бурганның Оглун билип аарынга чаңгыс эпке келбээн шаавыста; четчип-быжа бергеш, Христостуң дээди деңнелинге чеде бербээн шаавыста ^q, быжыгланыр ужурлуг бис.

14 Бис ынчан янзы-бүрү өөредиглерниң чалгыглары болгаш хаттарынга, кажарлап амдажаан улустуң оптуг мегезинге ужур шаптырткан бичии уруглар эвес боор бис ^r. 15 Харын алыс шынны ынакшылдыг чугаалап тура, бүгү тала-биле Христосче чоокшулап, өзүп-мандыыр ужурлуг бис ^s. А Ол дээрге – мага-боттуң Бажы-дыр. 16 Ол бүгү мага-ботту хамык кезектери аразында ажыглап-ла болгу дег быжыг харылзаалар-биле тудушкан бүдүн-бүрүн чаңгыс эп кылдыр каттыштырыпкан. Мага-боттуң кезек бүрүзү бодунуң хүлээлгелерин күүседип турда, ооң бүгү боду өзүп-мандып, ынакшылдың ачызында быжыгып орар.

Эрги эвес, чаа амыдырал

17 Ынчангаш мен ол бүгүнү чугаалап, Дээрги-Чаяакчының адындан ыяк чагып тур мен: хоозун бодал-сагыштыг бүзүрели чок улус дег амыдыраваңар ^t. 18 Олар угааны караңгылаан, Бурганны билбес, бүдүүлүк болгаш ^u, Ооң бээри амыдыралдан оспаксыраан база чүректери дашталган улус-тур ^v. 19 Олар арын-нүүрүн артынга каггаш, самыыраан күзээшкиннеринге чагыртып, кандыг-даа хевирлиг бужар чүүлдерни үүлгедип турарлар ^w.

20 Ол дээрге Христостуң дугайында билип алганыңарга көңгүс таарышпас чүүлдер-дир. 21 А силер Ооң дугайында дыңнаан база Ооң өөреникчилери апарган болгаш, Иисуста бар алыс шынны билип алган-дыр силер. 22 Мурнунда канчаар амыдырап чорааныңардан – биеэги бодуңардан, дуурайлаан күзээшкиннер ириткен бачыттыг бүдүжүңерден ойталаңар ^x. 23 Угаан-медерелиңер болгаш сагыш-сеткилиңерни чаартып алгаш ^y, 24 ылап-ла чөптүг-шынныг база ыдыктыг амыдыралы-биле онзаланыр, Бурганның овур-хевиринге үлегерлей чаяаган чаа кижи бооп амыдыраңар ^z.

25 Ынчангаш мегеден ойталаңар ^aa, шуптуңар бот-боттарыңарга шынны чугаалаңар ^ab, чүге дээрге бис шупту Христостуң мага-бодунуң кезектери-дир бис ^ac. 26 Килеңнээш-даа, бачыт үүлгетпеңер ^ad. Килеңиңерни хүн ашпаанда-ла чавырып алыңар; 27 силерни күткүп, амыдыралыңарже сыңныр чай-хосту эрликке бербеңер! ^ae 28 Ооржу кижи оорланырын соксатсын ^af, а ооң орнунга бодунуң кызыл күжү-биле амыдыралынга ажылдап ап ^ag, тыпкан олча-кежиин ядыылар-биле үлежир шаг-шинектиг болзун ^ah. 29 Аксыңардан кандыг-даа бак сөс үнмезин ^ai, а чүгле кандыг-даа байдалдарда улустуң хереглелдерин хандырарынга ^{▼▼ Өске бурунгу сөзүглелдерде «Улустуң хереглелдерин хандырарынга» эвес, а «Бүзүрелди быжыктырарынга» деп бижээн.} ажыктыг, дыңнакчыларга ачылыг сөстер үнзүн. 30 Бурганның Ыдыктыг Сүлдезиниң хөңнүн баксыратпаңар ^ak. Бүрүн хосталыр хүнүңер дээш, силер Ооң таңмазы-биле демдектедип алган болгай силер ^al. 31 Дошкууралдан, килеңден, алгы-кышкыдан, каргыштан база өске кандыг-даа хевирлиг бузуттан адырлып алыңар ^am. 32 Бот-боттарыңарга буянныг, энерелдиг болуңар, Бурганның силерни Христосту дамчыштыр өршээгени дег, бот-боттарыңарны өршээңер ^an.