Ezekiel 12
Бүгү чоннуң туттурарының демдээ
1Дээрги-Чаяакчы меңээ Бодунуң сөзүн ажыдып чугаалаан: 2«Кижи амытан, сен үймээнчилер аразында чурттап турар-дыр сен. Олар көөр карактыг-даа болза, көрбес-тир, дыңнаар кулактыг-даа болза, дыңнавас-тыр a, чүге дээрге үймээнчи чон-дур. 3Ынчангаш, кижи амытан, туттуруушкунга таваржып, өскээр көжерде хереглээр чүү-хөөңнү белеткеп алгаш, хүндүс, улус көрүп турда, көжүп үнүвүт. Ам турар чериңден өске черже, олар көрүп турда, чорувут. Олар, үймээнчилер-даа болза, угаап билип каарлары чадавас b. 4Хүндүс, олар көрүп турда, өскээр көжерде хереглээр чүү-хөөңнү дашкаар үндүргеш, бодуң кежээ, олар көрүп турда, өскээр көжеринче албадаткан улус дег, үнүп кел. 5Олар көрүп турда, бажыңыңның ханазын ойбактааш c, чүү-хөөңнү оон үндүре бер. 6Олар көрүп турда, чүү-хөөңнү чүктээш, караңгыда дашкаар үне бер. Чер-чуртту көрбес дээш, арның дуглап аар сен. Мен сени израиль чонга сагындырыг демдээ кылып каан болгай мен». 7Мен Бурганның дужааганын ёзугаар кылдым. Туттургаш, өскээр көжерде хереглээр чүү-хөөмнү хүндүс дашкаар үндүрүп кааш, кежээ хананы холум-биле ойбактааш, бүгү улус көрүп турда, чүү-хөөмнү чүктээш, караңгыда дашкаар үне бердим. 8Эртен меңээ Дээрги-Чаяакчы Бодунуң сөзүн ажыдып чугаалаан: 9«Кижи амытан, бо үймээнчи израиль чон сенден: „Чүнү канчап тур сен?“– деп айтырды бе? d 10Оларга Дээрги-Бурган-Чаяакчының чугаалаан чүвезин дамчыт: бо дээрге Иерусалимде чагырып турар кижиге e база ында чурттап турар бүгү израиль чонга баш бурунгаар медээ-дир. 11Оларга: „Мен силерге сагындырыг демдээ-дир мен: ам кылып турар чүвем иерусалимчилер-биле база болур – олар туттуруп алгаш, шөлүлгеже чоруптар“– деп чугаала. 12Оларның аразында турар чагырыкчы база чүү-хөөзүн чүктээш, караңгыда үнүп чоруптар. Ону үндүре бээр дээш, хананы дежер апаар. Ол арнын дуглап аар, ынчангаш чер-чуртту көрбес. 13Мен олче Бодумнуң четкимни чада салыр мен, ол Мээң дузаамга туттунар f. Мен чагырыкчыны Вавилон күрүнеже, халдей черже аппаар мен, ынчалза-даа ол ону көрбес ▼▼ Вавилоннуң хааны иудей хаан Седекияны Вавилонче шөлүптер бетинде, согурартып каан (4 Хаан. 25:7; Иер. 52:11 көр).
. Оон ол аңаа өлүп каар. 14Ону хүрээлээн бүгү улусту – ооң дузалакчыларын база шериглерин бүгү хаттар-биле тарадып кааптар мен h, хылыжымны хынындан ужулгаш, оларже анныр мен. 15Ынчан оларны өске чоннар аразынга тоо быдарадып, хары чурттарже тарадыр октаптарымга, Мени Дээрги-Чаяакчы деп билип аарлар i. 16Ынчалза-даа Мен оларның чамдыызын дайын-чаа, аш-чут болгаш хамчык аарыгдан камгалаар мен j, олар боттарының чеде бээри өске чоннар улузунга чүдек-бужар үүлгедиглериниң дугайында чугаалап берзин. Ынчан бүгү улус Мени Дээрги-Чаяакчы деп билип аар». 17Дээрги-Чаяакчы меңээ Бодунуң сөзүн ажыдып чугаалаан: 18«Кижи амытан, чемненип тура, сүрээде, суксун ижип тура, кортканыңдан сириле. 19Чурттуң чонунга Дээрги-Бурган-Чаяакчының Иерусалимниң болгаш израиль черниң чурттакчыларының дугайында чугаалаан чүвезин дамчыт: олар аъш-чемин дүвүрел-биле чип, суксунун коргуушкун-биле ижер k, чүге дээрге чер бодунуң чурттакчыларының каржы-дошкунундан бүгү элбекшилин ышкынып аар. 20Чурттакчылыг хоорайлар хоозураар, чурт ээнзирээр. Ынчан Мени Дээрги-Чаяакчы деп билип аар силер». Бурганның сөзү ыяап бүдер
21Дээрги-Чаяакчы меңээ Бодунуң сөзүн ажыдып чугаалаан: 22«Кижи амытан, чүге израиль черде „Үе эртип турар, а өттүр билген медеглел бүрүзү бүтпес-тир“ l деп үлегер домак бар апарганыл? m 23Улуска Дээрги-Бурган-Чаяакчының чугаалаан чүвезин дамчыт: Мен ол үлегер домакты күш чок болдурар мен, ону Израильге моон соңгаар чугаалавайн баар. Оларга мону база дамчыдар сен: өттүр билген медеглел бүрүзүнүң бүдер үези чоокшулаан-дыр. 24Израиль чонга ам меге көстүүшкүннер болгаш хоозун ажыдыышкыннар турбас болгай n. 25Мен, Дээрги-Чаяакчы, чугаалаар мен; Мээң чугаалаан сөзүм саадал чок күүсеттинер o. Үймээнчи чон, Мен сөзүмнү чугаалааш, силерниң назыныңарда-ла күүседир мен». Дээрги-Чаяакчының медеглээн чүвези ол-дур. 26Дээрги-Чаяакчы меңээ Бодунуң сөзүн ажыдып чугаалаан: 27«Кижи амытан, израиль чон: „Иезекиилдиң көрген көстүүшкүнү хөй хүннер эртерге, бүдер, ол ырак келир үе дугайында өттүр билип медеглээн-дир“– деп тур p. 28Ынчангаш оларга Дээрги-Бурган-Чаяакчының чугаалаан чүвезин дамчыт: Мээң сөстеримниң чаңгызының-даа күүсеттинери ам соңгаарлавас, Мээң чугаалап турар бүгү чүвем бүдер». Дээрги-Бурган-Чаяакчының медеглээн чүвези ол-дур.
Copyright information for
TyvTUV