Ezekiel 15
Ажык чок будук
1Дээрги-Чаяакчы меңээ Бодунуң сөзүн ажыдып чугаалаан: 2«Кижи амытан, виноград сывының будуу aарга-арыгда бүгү ыяштарның будуктарындан чүзү-биле дээредээрил?
3Виноград сывының будуун херектиг чүве кылыр дээш кезер ийик бе?
Оон оода кандыг-бир эт-херексел азар өрген кылыр ийик бе?
4Кажан ону оттулар дээш отче октаптарга,
от ооң ийи ужун чипкен,
а ортузу хөмүрлени берген соонда,
ол будук ам кандыг-бир чүве кылырынга тааржыр бе?
5Ол будук бүдүн тургаш, чүнү-даа кылырынга таарышпаан болза,
ону от чиптерге, өрттенип калган соонда,
ол ам кандыг-бир чүве кылырынга тааржыр бе?»
6Ынчангаш Дээрги-Бурган-Чаяакчы мынча дээн:
«Арга-арыгда ыяштар аразындан виноград сывының будуун
отка чиртир кылдыр берипкеним дег b,
Иерусалимниң чурттакчыларын база отка чиртир мен.
7Мен оларга удур апаар мен.
Олар оттан үнүп келген-даа болза,
чалбыыш оларны оон дөмей-ле сыырыптар.
Кажан Мен оларга удур апаарымга,
силер Мени Дээрги-Чаяакчы деп билип аар силер.
8Өскерликчи болганы дээш,
Мен оларның черин хоозурадып каар мен».
Дээрги-Бурган-Чаяакчының медеглээн чүвези ол-дур.
Copyright information for
TyvTUV