aДан. 8:17
bИез. 3:24
cИез. 20:21
dИез. 3:11
eИез. 33:33; Зах. 2:9; 4:9; 6:15
fИер. 1:8; Иез. 3:11
gМих. 7:4
hИез. 8:3; Дан. 10:10
iЗах. 5:1; Ажыд. 10:2
jАжыд. 5:1

‏ Ezekiel 2

Бурганның Иезекиилди кыйгырганы

1Дээрги-Чаяакчының өндүр чырык овур-хевири ынчаар көзүлдү. Ону көргеш, доңгая кээп дүжүп, хаваам черге дегзипкеш, Ооң чүве чугаалап турар үнүн дыңнап кагдым. Ол меңээ: «Кижи амытан a, бут кырынга туруп кел, Мен сээң-биле чугаалажырым ол-дур» – диди.

2Бурган меңээ чүве чугаалап турда, Ооң Сүлдези мени бүргепкеш b, бут кырынга тургузуп кагды. Ооң мээң-биле ам-даа чугаалажып турарын дыңнап кагдым. 3Ол мынча диди: «Кижи амытан, Мен сени израиль чонче, Меңээ удур тура халаан, чагырга билбес улусче айбылап чорудуп тур мен. Олар боттары-даа, оларның ада-өгбези-даа мырыңай бо хүнге чедир Меңээ удур үймээн үндүрүп келген улус болгай c. 4Мээң сени олче айбылап чорудуп турар чонум ыядыр арын чок база чөрүү чон чүве. Оларга: „Дээрги-Бурган-Чаяакчы ынча деп тур!“– деп чугаалаар сен. 5Олар, үймээнчи чон болгаш, дыңнаар-дыңнавас-даа болза d, оларның аразынга Бурганның медээчизи турганын билип алзын e.

6А сен, кижи амытан, олардан база оларның чугаа-сөзүнден кортпа f. Олар сеңээ тенниг чадаң үнүш, шагар-оът дег-даа болур болза g, хоранныг курттар аразында чурттап турар дег-даа болур болзуңза, кортпа. Олар үймээнчи чон-даа болза, оларның чугаа-сөзүнден база ал-бодундан сүрээдеве. 7Үймээнчи чон болгаш, дыңнаар-дыңнавас-даа болза, оларга Мээң сөстеримни дамчыт. 8А сен, кижи амытан, Мээң чугаалаар чүвемни дыңна. Бо үймээнчи чон ышкаш тура халыва; аксың ажыткаш, Мээң сеңээ бээр чүвемни хүлээп ап, чивит».

9Ынчан менче сунган хол көрүп кагдым h; ол хол дүрүг-ном тудуп алган болду i. 10Дүрүгнү Ол мээң мурнумга чада тудупту; ооң артыы, иштии талаларында j уё-човуур, ыы-сыы, качыгдалдың сөстерин бижээн болду.
Copyright information for TyvTUV